Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightവോ​ട്ടെണ്ണൽ: വടകര...

വോ​ട്ടെണ്ണൽ: വടകര മേഖലയിൽ വ്യാപക സംഘര്‍ഷമുണ്ടാകുമെന്ന്​ ഇൻറലിജന്‍സ് റിപ്പോർട്ട്​

text_fields
bookmark_border
Vadakara
cancel

വടകര: ലോക്​സഭ തെരഞ്ഞെടുപ്പ് ഫലപ്രഖ്യാപന ദിനമായ മേയ് 23ന് നടക്കുന്ന ആഹ്ലാദ പ്രകടനങ്ങള്‍ സംഘര്‍ഷത്തില്‍ കലാശി ക്കുമെന്ന് പൊലീസ് രഹസ്യാന്വേഷണ വിഭാഗം ബന്ധപ്പെട്ടവര്‍ക്ക് റിപ്പോര്‍ട്ട് നല്‍കി. വടകരയിലെ സ്വതന്ത്ര സ്ഥാന ാർഥി സി.ഒ.ടി. നസീറിനെതിരായ ആക്രമണത്തി​​െൻറ പശ്ചാത്തലത്തില്‍ കൂടുതല്‍ ജാഗ്രത പാലിക്കാനാണ് പൊലീസി​​െൻറ നീക്ക ം. ആഹ്ലാദ പ്രകടനത്തി​​െൻറ മറവിലെ സംഘർഷം തടയാൻ കോഴിക്കോട്, കണ്ണൂർ ജില്ലാതിർത്തികളിൽ കാമറ സ്ഥാപിക്കാൻ പൊലീസ് തീരുമാനിച്ചു.

വടകര, അഴിയൂര്‍, ഒഞ്ചിയം, ആയഞ്ചേരി, നാദാപുരം, വേളം, കുറ്റ്യാടി, കണ്ണൂക്കര, കോറോത്ത് റോഡ്, വില്യാപ്പള്ളി എന്നിവിടങ്ങളില്‍ സംഘര്‍ഷം നടക്കുമെന്ന റിപ്പോര്‍ട്ടിനെ തുടർന്ന്​ റൂറല്‍ പൊലീസ് നടപടി തുടങ്ങി. ഇതര ജില്ലകളില്‍നിന്നുള്ള ക്രിമിനല്‍ സംഘങ്ങള്‍ ഒഞ്ചിയം ഭാഗത്ത് വന്നേക്കാമെന്ന് രഹസ്യാന്വേഷണ വിഭാഗം നല്‍കിയ റിപ്പോര്‍ട്ടില്‍ പറയുന്നു. സംഘര്‍ഷ സാധ്യത മേഖലകളില്‍ പട്രോളിങ്​ ശക്തമാക്കാനും പൊലീസ് പിക്കറ്റിങ് ഏര്‍പ്പെടുത്താനും നടപടി തുടങ്ങി. ഇതി​​െൻറ ഭാഗമായി പൊലീസ് സ്​റ്റേഷന്‍ കേന്ദ്രമാക്കി രാഷ്​ട്രീയ പാര്‍ട്ടി നേതാക്കളുടെ യോഗം വിളിച്ചുചേര്‍ക്കുന്നുണ്ട്. തിങ്കളാഴ്ച വടകരയില്‍ ഡിവൈ.എസ്.പി യോഗം വിളിച്ചിട്ടുണ്ട്.

മേയ്​ 23ന് വൈകീട്ടോടെ ആഹ്ലാദ പ്രകടനങ്ങള്‍ അവസാനിപ്പിക്കുകയും സമാധാന അന്തരീക്ഷം നിലനിർത്തുകയും ചെയ്യാനുള്ള കാര്യങ്ങൾ യോഗത്തില്‍ ചര്‍ച്ചയാകും. 24, 25 തീയതികളില്‍ നിരോധനാജ്ഞ പ്രഖ്യാപിക്കാനും പൊലീസ് ആലോചിക്കുന്നുണ്ട്. കൂടുതല്‍ പൊലീസിനെ വിന്യസിക്കാനുള്ള ക്രമീകരണങ്ങള്‍ ബന്ധപ്പെട്ട കേന്ദ്രങ്ങളില്‍ ആരംഭിച്ചു.
അക്രമങ്ങള്‍ക്ക് രാഷ്​ട്രീയ പാര്‍ട്ടികള്‍ മുന്നൊരുക്കം തുടങ്ങിയതായുള്ള സൂചനയുടെ അടിസ്ഥാനത്തില്‍ പലയിടത്തും റെയ്ഡ് നടത്താനും ആലോചനയുണ്ട്. സ്ഥിരമായി ബോംബുള്‍പ്പെടെ ആയുധങ്ങള്‍ കണ്ടെത്തുന്ന സ്ഥലങ്ങളില്‍ രഹസ്യാന്വേഷണ വിഭാഗം നിരീക്ഷണം ശക്തമാക്കി. ഇതിനിടെ, രാഷ്​ട്രീയ കക്ഷികളും സംഘര്‍ഷത്തിന് ശ്രമിക്കുന്നതായുള്ള ആരോപണം പരസ്പരം ഉന്നയിക്കുന്നുണ്ട്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsEP Jayarajanmalayalam newsvadakara constituency
News Summary - vadakara constituency- kerala news
Next Story