കേരള സർക്കാറുമായി സഹകരിച്ച് പ്രവർത്തിക്കും -വി മുരളീധരൻ

ന്യൂഡൽഹി: കേരള സർക്കാറുമായി സഹകരിച്ച് പ്രവർത്തിക്കുമെന്ന് കേന്ദ്ര മന്ത്രി വി. മുരളീധരൻ. മന്ത്രിസഭാ സ്ഥാനം ജീവിത സാക്ഷാത്കാരമായി കാണുന്നില്ല. പാർട്ടി ഏൽപ്പിച്ച ദൗത്യം ഉത്തരവാദിത്തത്തോടെ നിർവഹിക്കുമെന്നും അദ്ദേഹം പറഞ്ഞു.

ശബരിമല വിശ്വാസസംരക്ഷണത്തില്‍ കേന്ദ്ര ഇടപെടല്‍ ഉണ്ടാകും. ഈ വിഷയത്തിൽ മലക്കം മറിച്ചിലുണ്ടായിട്ടില്ല. എല്ലാവരെയും ഒരുമിച്ച് കൊണ്ടുപോകുക എന്നതാണ് ബി.ജെ.പിയുടെ സമീപനം. പാർട്ടിയിൽ എല്ലാവരും ഒറ്റക്കെട്ടായാണ് പ്രവർത്തിക്കുന്നത്. അതിനാൽ പ്രത്യേക വിഭാഗങ്ങൾ പാർട്ടിക്ക് അകത്തില്ലെന്നും മുരളീധരൻ വ്യക്തമാക്കി.