സുപ്രീംകോടതി വിധി അനുസരിക്കാത്തവർ രാജ്യം വിട്ടുപോകണമെന്ന്​ വി. മുരളീധരൻ മുമ്പ്​ പറഞ്ഞിട്ടുണ്ട്​...

‘ഇൗ രാജ്യത്ത്​ ജീവിക്കുന്നവരാണെങ്കിൽ നിങ്ങൾ സുപ്രീംകോടതിയുടെ ഉത്തരവ്​ അനുസരിക്കാൻ ബാധ്യസ്​ഥരാണ്​. അല്ലെങ്കിൽ ഇൗ നാടി​​​​​​െൻറ പൗരത്വം ഉപേക്ഷിക്കാൻ തയാറാകണം...’

ഇങ്ങനെ പറഞ്ഞത്​ മറ്റാരുമല്ല. ബി.ജെ.പിയുടെ സംസ്​ഥാന പ്രസിഡൻറായിരുന്ന ഇപ്പോൾ രാജ്യസഭ എം.പികൂടിയായ വി. മുരളീധരനാണ്​. വർഷം 2015 ജൂലൈ സംഭവമിതാണ്​.

2015ൽ ആൾ ഇന്ത്യ പ്രീ മെഡിക്കൽ പ്രവേശന പരീക്ഷയിൽ മുസ്​ലിം വേഷമായ ഹിജാബ്​ ധരിച്ച്​ പരീക്ഷ എഴുതാൻ അനുവദിക്കണമെന്നാവശ്യപ്പെട്ട്​ നൽകിയ കേസ്​ സുപ്രീം കോടതി തള്ളിയിരുന്നു. മാത്രവുമല്ല ഒരു ദിവസം ഹിജാബ്​ ധരിച്ചി​െല്ലന്നുവെച്ച്​ മതവിശ്വാസം ഇല്ലാതായി പോവില്ലെന്നു കൂടി ചീഫ്​ ജസ്​റ്റിസ്​ എച്​.എൽ. ദത്തു കൂട്ടിച്ചേർത്തിരുന്നു.
സുപ്രീം കോടതിയുടെ ഇൗ പരാമർശം ഭരണഘടന ഉറപ്പുനൽകുന്ന മതവിശ്വാസത്തിനെതിരാണെന്ന ശക്​തമായ വിമർശനമാണ്​ മുസ്​ലിം ലീഗ്​ ദേശീയ സെക്രട്ടറി ഇ.ടി. മുഹമ്മദ്​ ബഷീറും കെ.പി.സി.സി പ്രസിഡണ്ടായിരുന്ന വി.എം. സുധീരനും ഉയർത്തിയത്​. വിശ്വാസകാര്യങ്ങളിൽ ഇടപെടാൻ കോടതിക്ക്​ അധികാരമില്ലെന്നുവ​രെ ഇ.ടി മുഹമ്മദ്​ ബഷീർ അന്ന്​ പറഞ്ഞിരുന്നു.

അതേസമയത്താണ്​, ഇ.ടിയുടെയും സുധീര​​​​​​െൻറയും പ്രസ്​താവനയെ അതിരൂക്ഷമായി വിമർശിച്ചു കൊണ്ട്​ വി. മുരളീധരൻ ആദ്യം പറഞ്ഞ ​പ്രസ്​താവന നടത്തിയത്​.
‘ഇന്ത്യൻ ഭരണഘടനയെയും സുപ്രീം കോടതിയെയും മുസ്​ലിം ലീഗ്​ വെല്ലുവിളിക്കുകയാണ്​. നിങ്ങളീ രാജ്യത്ത്​ ജീവിക്കുന്നവരാണെങ്കിൽ സുപ്രീം കോടതിയെ അനുസരിക്കണം. അല്ലെങ്കിൽ ഇൗ രാജ്യത്തി​​​​​​െൻറ പൗരത്വം ഉപേക്ഷിക്കാൻ തയാറാകണം..’

ഇപ്പോൾ അതേ സുപ്രീം കോടതിയുടെ ഭരണഘടനാ ബെഞ്ചി​​​​​​െൻറ വിധി അംഗീകരിക്കില്ലെന്നും വിശ്വാസത്തിൽ കോടതി ഇടപെടരുതെന്നും ആവശ്യപ്പെട്ട്​ വി. മുരളീധരനും അനുയായികൾക്കൊപ്പം ശബരിമലയിലെത്തിയിരിക്കുമ്പോൾ പണ്ടത്തെ പ്രസ്​താവന തിരിഞ്ഞുകുത്തുന്നു.