എൻ. ഉസ്മാൻ മദനി കുഴഞ്ഞുവീണ്​ മരിച്ചു

എടവണ്ണ: മത-രാഷ്​ട്രീയ-സാമൂഹിക രംഗത്ത്​ സജീവമായിരുന്ന എടവണ്ണ പത്തപ്പിരിയത്തെ എൻ. ഉസ്മാൻ മദനി (65) കുഴഞ്ഞുവീണ്​ മരിച്ചു. തിങ്കളാഴ്ച രാവിലെ 11.30ഒാടെ മഞ്ചേരി കരിക്കാടിന്​ സമീപം ബൈക്കിൽ യാത്ര ചെയ്യവെ രക്തസമ്മർദം കൂടി കുഴഞ്ഞുവീണതിനെ തുടർന്ന്​ ആശുപത്രിയിലെത്തിച്ചെങ്കിലും മരിച്ചു. കാരകുന്ന് എ.യു.പി സ്കൂളിൽനിന്ന്​ അറബി അധ്യാപകനായി വിരമിച്ച ഇദ്ദേഹം കേരള ഹജ്ജ്​ കമ്മിറ്റിയംഗം, എടവണ്ണ ഗ്രാമപഞ്ചായത്ത് വൈസ് പ്രസിഡൻറ്, എടവണ്ണ സർവിസ് സഹകരണ ബാങ്ക് ഡയറക്ടർ, മലപ്പുറം (ഈസ്​റ്റ്​) ജില്ല ഐ.എസ്.എമ്മി​​​െൻറയും കെ.എൻ.എമ്മി​​​െൻറയും ജനറൽ സെക്രട്ടറി, കെ.എൻ.എം ഹജ്ജ് സെൽ ലീഡർ, കെ.എ.ടി.എഫ് സബ്ജില്ല ഭാരവാഹി എന്നീ നിലകളിൽ പ്രവർത്തിച്ചു. മഞ്ചേരിയിൽ സലഫ് ഹജ്ജ് സർവിസ് നടത്തിവരികയായിരുന്നു. നേര​േത്ത എടവണ്ണ പഞ്ചായത്ത്​ യൂത്ത് ലീഗ്, മുസ്​ലിം ലീഗ്, വണ്ടൂർ മണ്ഡലം യൂത്ത് ലീഗ് ജനറൽ സെക്രട്ടറിയായിരുന്നു. 

ഭാര്യ: മൈമൂന (എടവണ്ണ ഗ്രാമപഞ്ചായത്തംഗം). മക്കൾ: വലീദ് സമാൻ (റഡ്ബി ഗ്ലാസ്, മഞ്ചേരി), സിദറത്തുൽ മുൻതഹ, സഹൽ സമാൻ (ഫാൻറസി ഗ്ലാസ്, മഞ്ചേരി), യുസ്​രി സമാൻ, മിഹ്​നത്തുൽ മുൻതഹ (യു.എസ്.എ), ബാദിയത്തുൽ മുൻതഹ, പരേതനായ മിസ്​ഹബ് സമാൻ. മരുമക്കൾ: നുസ്റത്ത് (മലപ്പുറം), ഷഹനാസ് (പയ്യോളി), താരീഖ്, നജീബ് (ഇരുവരും ആലുവ). സഹോദരങ്ങൾ: അബൂബക്കർ ഹാജി (എടവണ്ണ), അലി, ഹംസ (ഇരുവരും പത്തപ്പിരിയം), ഖദീജ (തിരുവാലി ), ആയിശ (പുല്ലങ്ങോട്), ഫാത്തിമ (കോട്ടക്കൽ), മറിയുമ്മ (അരീക്കോട്), പരേതരായ മുഹമ്മദ്​ ഹാജി (മുണ്ടേങ്ങര), ഉമ്മർ ഹാജി (കുന്നുമ്മൽ). മയ്യിത്ത് നമസ്കാരം ചൊവ്വാഴ്​ച രാവിലെ എട്ടിന്​ പത്തപ്പിരിയം പെരുവിൽകുണ്ട് ജുമാമസ്ജിദിൽ.