വിരമിച്ച വിവരമൊന്നും ഉഷാദേവി ടീച്ചർ ഓർക്കുന്നേയില്ല....

ക​ട​യ്ക്ക​ൽ: പതിവു പോലെ ഇന്നും ഉഷാദേവി ടീച്ചർ പള്ളിക്കൂടത്തിൻെറ പടികടന്ന​ു വന്നു. 30 വർഷം മുമ്പ്​ ആദ്യമായി അധ ്യാപക വേഷമിട്ട്​ വന്ന അതേ പ്രസരി​പ്പോടെ. മൂന്നു വർഷം മുമ്പ്​ വിരമിച്ചെന്ന ഓർമ പോലുമില്ലാതെ... ഒട്ടും മുടക്കമ ില്ലാതെ ടീച്ചർ ക്ലാസിലെത്തുന്നു. വൈകുന്നേരം വരെ ഒട്ടും മുഷിപ്പില്ലാതെ ക്ലാസെടുക്കുന്നു.. വൈകുന്നേരം ബെല്ലടിക ്കു​മ്പോൾ വീടണയുന്നു... അതും ഒരു രൂപ പോലും പ്രതിഫലമില്ലാതെ...

സർവീസിൽ നിന്ന്​ വിരമിക്കുന്നത്​ വിശ്രമിക്കാനാണെന്ന്​ കരുതുന്നവർ കൊല്ലം നിലമേൽ ഗവ. യു.പി സ്​കൂളിലെ ഉഷാദേവി ടീച്ചറിനു മുന്നിൽ തോറ്റു ​തൊപ്പിയിടും.. 1998ലാണ്​ കി​ളി​മാ​നൂ​ർ മ​ട​വൂ​ർ സീ​മ​ന്ത​പു​രം ‘ഉ​ഷ​സ്സി​ലെ’ ഉ​ഷാ​ദേ​വി അധ്യാപികയായി സ​ർ​വി​സിൽ കയറിയത്​. 27 വർഷത്തെ അധ്യാപനത്തിനു ശേഷം 2016ൽ വിരമിക്കു​മ്പോൾ ആയിരക്കണക്കിന്​ ശിഷ്യരുടെ മനസ്സിൽ ഉഷാദേവി ടീച്ചർ എന്ന പേര്​ കല്ലിലെന്ന പോലെ കൊത്തിവെച്ചിരുന്നു. അതിനു തെളിവായിരുന്നു ടീച്ചർക്ക്​ നാട്ടുകാർ നൽകിയ അതിഗംഭീരമായ യാത്രയയപ്പ്​. അ​ന്ന​ത്തെ ച​ട​ങ്ങി​ൽ സ​ഹ​പ്ര​വ​ർ​ത്ത​ക​നാ​യ സു​ധീ​ഷ് ടീച്ചറെ നോക്കി പറഞ്ഞു. ‘വി​ര​മി​ക്കു​ന്ന​തൊ​ക്കെ കൊ​ള്ളാം സ്കൂ​ൾ അ​ട​ച്ചു​തു​റ​ക്കു​മ്പോ​ൾ പ്ര​വേ​ശ​നോ​ത്സ​വ​ത്തി​ന് ഇ​വി​ടെ ത​ന്നെ കാ​ണണം’...

ടീച്ചർ വാക്കുപാലിച്ചു. താൻ പഠിപ്പിച്ച വിദ്യാലയത്തിൻെറ മുറ്റവും ക്ലാസ്​മുറികളും വിദ്യാർത്ഥികളെയും വിട്ടുപോകാൻ അവർ ഒരുക്കമായിരുന്നില്ല. ഔദ്യോഗികമായി അധ്യാപക ജീവിതം അവസാനിച്ചെങ്കിലും ‘ഗുരു’ എന്ന പദത്തിന്​ പുതിയൊരു ഭാവം നൽകി ഉഷാദേവി ടീച്ചർ അതേ വിദ്യാലയത്തിൽ തുടർന്നു...

ടീ​ച്ച​ർ എ​ല്ലാ ദി​വ​സ​വും വി​ദ്യാ​ല​യ​ത്തി​ൽ എ​ത്തു​ന്നു. തി​ക​ഞ്ഞ ഉ​ത്സാ​ഹ​ത്തോ​ടെ​യും ഉ​ത്ത​ര​വാ​ദി​ത്ത​ത്തോ​ടെ​യും പ്ര​തി​ഫ​ലം കൂ​ടാ​തെ ത​ന്നെ വി​ദ്യാ​ർ​ഥി​ക​ൾ​ക്ക് അ​റി​വ് പ​ക​ർ​ന്നു​ന​ൽ​കു​ന്നു. പ​ഠ​ന -പ​ഠ​നേ​ത​ര പ്ര​വ​ർ​ത്ത​ന​ങ്ങ​ൾ ന​യി​ക്കാ​ൻ മു​ന്നി​ൽ നിൽക്കുന്നു. നാ​ല് കൊ​ല്ലം മു​മ്പ് ഭ​ർ​ത്താ​വ് മ​രി​ച്ച​തോ​ടെ ജീ​വി​ത​ത്തി​ലു​ണ്ടാ​യ ഏ​കാ​ന്ത​ത അ​ധ്യാ​പ​ന​ത്തി​ലെ ക​രു​ത്തു​കൊ​ണ്ടും വി​ദ്യാ​ർ​ഥി​ക​ളോ​ടു​ള്ള സ​ഹ​വാ​സ​വും സൗ​ഹൃ​ദ​വും കൊ​ണ്ടും മാ​റ്റി​യെ​ടു​ക്കു​ക കൂ​ടി​യാ​ണ് ടീ​ച്ച​ർ. ‘മ​ല​യാ​ള​ത്തി​ള​ക്കം’ പോ​ലു​ള്ള പ​ഠ​ന സ​ഹാ​യ പ്ര​വ​ർ​ത്ത​ന​ങ്ങ​ൾ​ക്ക് എ​ല്ലാ അ​ർ​ഥ​ത്തി​ലും പൂ​ർ​ണ​ത ന​ൽ​കു​ന്ന​തും ടീ​ച്ച​ർ ത​ന്നെ​യാ​ണ്.
‘ഇ​വി​ടം വി​ട്ടു പോ​കാ​ൻ വയ്യ...’ ടീ​ച്ച​ർ തറപ്പിച്ചു പറയുന്നു...