Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകരിപ്പൂർ വഴി പറക്കാൻ...

കരിപ്പൂർ വഴി പറക്കാൻ 'സർക്കസ്​ പഠിക്കണോ'യെന്ന്​ യാത്രക്കാർ; പാർക്കിങിനുള്ള 'മൂന്ന്​ മിനിറ്റ്​ ചലഞ്ചി'ൽ വ്യാപക പ്രതിഷേധം

text_fields
bookmark_border
Karipur airport
cancel

കരിപ്പൂരിലെ കോഴിക്കോട്​ വിമാനത്താവളം വഴി യാത്ര ചെയ്യണമെങ്കിൽ 'സർക്കസ്​ പഠിക്കണോ' എന്ന ചോദ്യമുന്നയിക്കുകയാണ് പ്രവാസികൾ അടക്കമുള്ള യാത്രക്കാർ. ​കാരണം മറ്റൊന്നുമല്ല. അവിടെ സൗജന്യമായി യാത്രക്കാരെയും ലഗേജും കയറ്റാനും ഇറക്കാനും അനുവദിക്കപ്പെട്ടിരിക്കുന്ന സമയം മൂന്ന്​ മിനിറ്റ്​ ആണ്​. അതുകഴിഞ്ഞാൽ ജി.എസ്​.ടി അടക്കം 500 രൂപയാണ്​ പിഴ ഈടാക്കുന്നത്​. എൻട്രി ഗേറ്റിൽ നിന്ന്​ പാസും വാങ്ങി ഡ്രോപിങ്​/പിക്കിങ്​ പോയിന്‍റിലെത്താൻ തന്നെ മൂന്ന്​ മിനിറ്റിലധികം എടുക്കും.

ഇനി അതൊഴിവാക്കിയാൽ തന്നെ മൂന്ന്​ മിനിറ്റ്​ ​െകാണ്ട്​ വരുന്നവർക്ക്​ വണ്ടിയിൽ കയറണം, പോകുന്നവർക്ക്​ വണ്ടിയിൽ നിന്നിറങ്ങണം. മൂന്ന്​ മിനിറ്റിനുള്ളിൽ തന്നെ ലഗേജ്​ കയറ്റുകയും ഇറക്കുകയും ​േവണം. ഇതിനൊക്കെ സർക്കസുകാരെ പോലെ അസാമാന്യ മെയ്​വഴക്കം വേണമെന്നാണ്​ യാത്രക്കാർ ചൂണ്ടിക്കാട്ടുന്നത്​. അല്ലെങ്കിൽ ഓടുന്ന വണ്ടിയിൽ ചാടിക്കയറുകയോ അതിൽനിന്ന്​ ചാടിയിറങ്ങുകയോ വേണം. ഇത്​ അപകടവും നിയമവിരുദ്ധവുമല്ലേയെന്നാണ്​ യാത്രക്കാർ ചോദിക്കുന്നത്​.

വി​മാ​ന​ത്താ​വ​ള​ത്തി​ലെ പാ​ർ​ക്കി​ങ്​ പ​രി​ഷ്​​കാ​ര​ത്തി​​നെ​തി​രെ ഇപ്പോൾ വ്യാ​പ​ക പ്ര​തി​ഷേ​ധമാണ്​ ഉയരുന്നത്​. ജ​ൂ​ലൈ ഒ​ന്നി​ന്​ നടപ്പാക്കിയ ട്രാഫിക്​ പരിഷ്​കാരമാണ്​ ഇപ്പോൾ പ്രതിഷേധത്തിന്​ ഇടയാക്കിയിരിക്കുന്നത്​. വി​മാ​ന​ത്താ​വ​ള അ​തോ​റി​റ്റി​ക്ക്​ കീ​ഴി​ലെ വി​മാ​ന​ത്താ​വ​ള​ങ്ങ​ളി​ൽ ന​ട​പ്പാ​ക്കു​ന്ന ട്രാ​ഫി​ക്​ പ​രി​ഷ്​​കാ​ര​ത്തി​െൻറ ഭാ​ഗ​മാ​യിട്ടായിരുന്നു ക​രി​പ്പൂ​രി​ലെ നടപടി. ഇതനുസരിച്ച്​ പ്ര​വേ​ശ​ന ​ക​വാ​ട​ത്തി​ലും പു​റ​ത്തേ​ക്കു​ള്ള വ​ഴി​യി​ലും ഉ​ണ്ടാ​യി​രു​ന്ന ടോ​ൾ ബൂ​ത്തു​ക​ൾ ഒഴിവാക്കി. ഇ​തി​നുപ​ക​രം സ്വ​കാ​ര്യ വാ​ഹ​ന​ങ്ങ​ൾ​ക്ക്​ ടെ​ർ​മി​ന​ലി​ന്​ മു​ന്നി​ൽ യാ​ത്ര​ക്കാ​രെ സൗ​ജ​ന്യ​മാ​യി ഇ​റ​ക്കു​ക​യോ ക​യ​റ്റു​ക​യോ ചെ​യ്യാ​മെ​ന്നാ​ണ്​ പറയുന്നത്​.

പക്ഷേ, ഇതിന്​ അനുവദിച്ചിരിക്കുന്ന സമയം പ​ര​മാ​വ​ധി മൂ​ന്ന്​ മി​നിറ്റാണ്​. മൂ​ന്ന്​ മി​നി​റ്റി​ന​കം മ​ട​ങ്ങി​യി​ല്ലെ​ങ്കി​ൽ ജി.എസ്​.ടിയടക്കം 500 ​രൂ​പ​യാ​ണ്​ യാ​ത്ര​ക്കാ​രി​ൽ നി​ന്ന്​ പി​ഴ​യാ​യി ഇൗ​ടാ​ക്കു​ന്ന​ത്. ഇൗ ​സ​മ​യ​പ​രി​ധി​ക്കു​ള്ളി​ൽ യാ​ത്ര​ക്കാ​രെയും ലഗേജും ക​യ​റ്റാ​നോ ഇ​റ​ക്കാ​നോ സാ​ധിക്കാറില്ല. ഇതുമൂലം മൂ​ന്ന്​ മി​നി​റ്റി​ന് ശേ​ഷം ക​രാ​ര്‍ ക​മ്പ​നി ജീ​വ​ന​ക്കാ​ര്‍ യാ​ത്ര​ക്കാ​രോ​ടും വാ​ഹ​ന ഉ​ട​മ​ക​ളോ​ടും മോ​ശ​മാ​യി പെ​രു​മാ​റു​ന്ന​താ​യും പരാതികൾ ഉ​യ​ർ​ന്നി​ട്ടു​ണ്ട്. ഇത്​ യാ​ത്ര​ക്കാ​രും പാ​ർ​ക്കി​ങ്​ ജീ​വ​ന​ക്കാ​രും ത​മ്മി​ൽ സം​ഘ​ർ​ഷ​ത്തിനുമിട​യാ​ക്കു​ന്നു.

പി​ക്ക​പ്പ്​ ആ​ൻ​ഡ്​​ ഡ്രോ​പ്പി​നാ​യി കൂ​ടു​ത​ൽ സ​മ​യം അ​നു​വ​ദി​ക്ക​ണ​െമ​ന്ന ആ​വ​ശ്യം ശക്​തമായിരിക്കുകയാണ്​. നേ​ര​ത്തെ വി​മാ​ന​ത്താ​വ​ള​ത്തി​ന​ക​ത്തേ​ക്ക്​ പ്ര​വേ​ശി​ക്കുന്ന വാ​ഹ​ന​ങ്ങ​ള്‍ക്ക് 15 മി​നി​റ്റ്​ ആ​യി​രു​ന്നു സൗ​ജ​ന്യ പാ​ര്‍ക്കി​ങ്. ശേ​ഷം 85 രൂ​പ​യാ​യി​രു​ന്നു ഫീ​സ്‌ ഈ​ടാ​ക്കി​യി​രു​ന്ന​ത്. ഇ​പ്പോ​ള്‍ സ​മ​യ ദൈ​ര്‍ഘ്യം 30 മി​നി​റ്റാ​യി ഉ​യ​ര്‍ത്തു​ക​യും ഫീ​സ്‌ 20 രൂ​പ​യാ​യി കു​റ​ക്കു​ക​യും ചെ​യ്തി​ട്ടു​െ​ണ്ട​ന്നാ​ണ്​ അ​തോ​റി​റ്റി​യു​ടെ വി​ശ​ദീ​ക​ര​ണം. പാർക്കിങ്​ ഏരിയയിൽ പ്രവേശിച്ചാൽ ആദ്യ അരമണിക്കൂറിന്​ ബൈക്കിന്​ 10 രൂപയും കാർ, ടെ​േമ്പാ, എസ്​.യു.വി, മിനി ബസ്​ എന്നിവക്ക്​​ 20 രൂപയും കോച്ച്​, ബസ്​, ട്രക്ക്​ എന്നിവക്ക്​ 30 രൂപയുമാണ്​ ഫീസ്​. അരമണിക്കൂറിന്​ ശേഷം രണ്ട്​ മണിക്കൂർ വരെ ബൈക്കിന്​ 15 രൂപയും കാറിന്​ 55 രൂപയും ടെ​േമ്പാ, എസ്​.യു.വി, മിനി ബസ്​ എന്നിവക്ക്​​ 60 രൂപയും കോച്ച്​, ബസ്​, ട്രക്ക്​ എന്നിവക്ക്​ 70 രൂപയും ഈടാക്കും.

രണ്ട്​ മണിക്കൂർ മുതൽ ഏഴ്​ മണിക്കൂർ വരെ ഓരോ മണിക്കൂറിനും ബൈക്കിന്​ 5 രൂപയും ബാക്കിയുള്ളവക്ക്​ 10 രൂപ വീതവും ഈടാക്കും. 24 മണിക്കൂർ പാർക്ക്​ ചെയ്യുന്നതിന്​ ബൈക്കിന്​ 45 രൂപയും കാറിന്​ 165 രൂപയും ടെ​േമ്പാ, എസ്​.യു.വി, മിനി ബസ്​ എന്നിവക്ക്​​ 180 രൂപയും കോച്ച്​, ബസ്​, ട്രക്ക്​ എന്നിവക്ക്​ 210 രൂപയുമാണ്​ ഫീസ്​.

മറ്റ്​ വിമാനത്താവളങ്ങളിൽ കൂടുതൽ സമയം

നെടുമ്പാശ്ശേരി വിമാനത്താവളത്തിൽ ആദ്യ 10 മിനിറ്റ്​ വരെ പാർക്കിങ് സൗജന്യമാണ്​. അതുകഴിഞ്ഞാൽ ബൈക്കിന്​ 15 രൂപയും നാലുചക്ര വാഹനങ്ങൾക്ക്​ 80 രൂപയും ബസിന്​ 150 രൂപയും നൽകണം. ഒരുദിവസത്തേക്ക്​ പാർക്ക്​ ചെയ്യണമെങ്കിൽ 250 രൂപയാണ്​ ഫീസ്​. തിരുവനന്തപുരം വിമാനത്താവളത്തിൽ​ പി​ക്ക​പ്പ്​ ആ​ൻ​ഡ്​​ ഡ്രോ​പ്പി​നാ​യി ഗേറ്റ്​ ഫീ ഒഴിവാക്കിയിട്ടുണ്ട്​. പാർക്കിങ് ഏരിയയിൽ കയറിയാൽ ആദ്യ 30 മിനിറ്റിന് 45 രൂപ നൽകണം. അതുകഴിഞ്ഞ്​ രണ്ട് മണിക്കൂർ വരെ 150 രൂപയും ഈടാക്കും. കയറുന്നതിനും ഇറങ്ങുന്നതിനും ഫീസ് ഇല്ല. നേരത്തെ ഗേറ്റിൽ ഫീസ് ഉണ്ടായിരുന്നു. ഇപ്പോൾ അത് ഒഴിവാക്കി.

കണ്ണൂർ വിമാനത്താവളത്തിൽ ആദ്യത്തെ 15 മിനിറ്റ്​ പാർക്കിങ്​ സൗജന്യമാണ്​. അതുകഴിഞ്ഞ്​ രണ്ട്​ മണിക്കൂർ വരെ 70 രൂപ നൽകണം. അതുകഴിഞ്ഞ്​ പാർക്ക്​ ചെയ്യുന്ന ഓരോ മണിക്കൂറിനും 20 രൂപ വീതം ഈടാക്കും. യു.എ.ഇയിലേക്കുള്ള യാത്രക്കാർക്ക്​ റാപിഡ്​ പി.സി.ആർ പരിശോധന നടത്തുന്നതിന്​ കേരളത്തിലെ വിമാനത്താവളങ്ങളിൽ 2,490 രൂപ ഈടാക്കുന്നതിലുള്ള പ്രതിഷേധം പ്രവാസികൾ ശക്​തമാക്കുന്നതിനിടെയാണ്​ കരിപ്പൂർ വിമാനത്താവളത്തിലെ പാർക്കിങ്​ ഫീസ്​ ഗൾഫ്​ യാത്രക്കാർക്കടക്കം ഇരുട്ടടിയാകുന്നത്​.

Show Full Article
TAGS:calicut airport karipur parking issue Calicut International Airport 
News Summary - Users protest against Calicut airport parking fee
Next Story