200 ട​ൺ ഭാ​രം വ​ഹി​ക്കാനുള്ള ശേഷി, ബേ​പ്പൂ​രി​ൽ​നി​ന്നു​ള്ള ര​ണ്ടാ​മ​ത്തെ യാ​ത്ര: പാറയിലിടിച്ച് ഉരു തകർന്നതിനാൽ നഷ്ടം മൂ​ന്നു കോ​ടി

ബേ​പ്പൂ​ർ: ബേ​പ്പൂ​രി​ൽ​നി​ന്ന് ല​ക്ഷ​ദ്വീ​പി​ലേ​ക്ക് ച​ര​ക്കു​മാ​യി പു​റ​പ്പെ​ട്ട ഉ​രു ക​ട​ലി​ൽ പാ​റ​യി​ൽ ഇ​ടി​ച്ചു​ത​ക​ർ​ന്നു. ത​മി​ഴ്നാ​ട് ക​ട​ലൂ​ർ സ്വ​ദേ​ശി ആ​ർ. ശി​വ​ശ​ങ്ക​റി​െൻറ ഉ​ട​മ​സ്ഥ​ത​യി​ലു​ള്ള 'എം.​എ​സ്.​വി. മ​ഹാ​ല​ക്ഷ്മി' ഉ​രു​വാ​ണ് ത​ക​ർ​ന്ന​ത്. ബോ​ട്ടി​ലു​ള്ള ഒ​മ്പ​ത് ജീ​വ​ന​ക്കാ​രെ​യും ഇ​ന്ത്യ​ൻ തീ​ര​ദേ​ശ​സേ​ന​യും ല​ക്ഷ​ദ്വീ​പ് തു​റ​മു​ഖ ജീ​വ​ന​ക്കാ​രും പൊ​ലീ​സും മു​ങ്ങ​ൽ വി​ദ​ഗ്ധ​രും നാ​ട്ടു​കാ​രും ചേ​ർ​ന്ന് ര​ക്ഷ​പ്പെ​ടു​ത്തി ക​ര​യി​ലെ​ത്തി​ച്ചു.

ഫെ​ബ്രു​വ​രി ര​ണ്ടി​ന് നി​ർ​മാ​ണ സാ​മ​ഗ്രി​ക​ളും അ​വ​ശ്യ സാ​ധ​ന​ങ്ങ​ളു​മാ​യി അ​ഗ​ത്തി ദ്വീ​പി​ലേ​ക്ക് പു​റ​പ്പെ​ട്ട ഉ​രു നാ​ലി​ന്​ വാ​ർ​ഫി​ൽ ച​ര​ക്കു​ക​ൾ ഭാ​ഗി​ക​മാ​യി ഇ​റ​ക്കി​യ​തി​നു​ശേ​ഷം ജെ​ട്ടി​യു​ടെ കി​ഴ​ക്കു​ഭാ​ഗ​ത്ത് ഒ​ന്ന​ര നോ​ട്ടി​ക്ക​ൽ മൈ​ൽ അ​ക​ലെ ന​ങ്കൂ​ര​മി​ട്ട​താ​യി​രു​ന്നു. യാ​ത്രാ​ക്ക​പ്പ​ൽ അ​ടി​യ​ന്ത​ര​മാ​യി വാ​ർ​ഫി​ൽ അ​ടു​പ്പി​ക്കാ​നു​ള്ള സൗ​ക​ര്യ​ത്തി​ന് വേ​ണ്ടി, തു​റ​മു​ഖ അ​ധി​കൃ​ത​രു​ടെ നി​ർ​ദേ​ശ​പ്ര​കാ​ര​മാ​ണ് ച​ര​ക്കു​ക​ൾ പൂ​ർ​ണ​മാ​യും ഇ​റ​ക്കു​ന്ന​തി​നു മു​മ്പ്​ ഉ​രു ന​ങ്കൂ​ര​മി​ടു​ന്ന​തി​നാ​യി മാ​റി​യ​ത്.

അ​ർ​ധ​രാ​ത്രി​യോ​ടെ പൊ​ടു​ന്ന​നെ ആ​ഞ്ഞു​വീ​ശി​യ ചു​ഴ​ലി​ക്കാ​റ്റി​ലും തി​ര​മാ​ല​യി​ലും പെ​ട്ട്​ ന​ങ്കൂ​രം പൊ​ട്ടി ഉ​രു ല​ക്ഷ്യ​മി​ല്ലാ​തെ ഒ​ഴു​കു​ന്ന​തി​നി​ട​യി​ൽ ക​ട​ലി​ന​ടി​യി​ലെ പാ​റ​ക്ക​ല്ലി​ൽ ഇ​ടി​ച്ച് ത​ക​രു​ക​യാ​യി​രു​ന്നു. ശേ​ഷി​ച്ച ച​ര​ക്കു​ക​ൾ മു​ങ്ങി. ക​ട​ലൂ​ർ സ്വ​ദേ​ശി​ക​ളാ​യ സ്രാ​ങ്ക് മാ​രി​മു​ത്തു (55), ര​ഞ്ജി​ത് (45), ശ​ങ്ക​ർ (56), നാ​ഗ​ലിം​ഗം (62), വേ​ലു (44), ശ​ക്തി​വേ​ൽ (40), ച​ക്ര​പാ​ണി (46), ഉ​ദ​യ​ൻ (35), ഗു​ജ​റാ​ത്ത് ജാം​ന​ഗ​ർ സ്വ​ദേ​ശി മു​ഹ​മ്മ​ദ് സ​മീ​ർ (42) എ​ന്നി​വ​രാ​ണ് ര​ക്ഷ​പ്പെ​ട്ട ജീ​വ​ന​ക്കാ​ർ. ഇ​വ​രെ അ​ടു​ത്ത​ദി​വ​സം ത​ന്നെ യാ​ത്രാ​ക​പ്പ​ലി​ൽ കൊ​ച്ചി​യി​ലേ​ക്കോ ബേ​പ്പൂ​രി​ലേ​ക്കോ ക​യ​റ്റി​വി​ടാ​നു​ള്ള ശ്ര​മ​ത്തി​ലാ​ണ് ല​ക്ഷ​ദ്വീ​പ് അ​ധി​കൃ​ത​ർ.

115 അ​ടി നീ​ള​വും 200 ട​ൺ ഭാ​രം വ​ഹി​ക്കാ​ൻ ക​ഴി​യു​ന്ന​തു​മാ​യ ഉ​രു ബാ​ങ്ക് വാ​യ്പ​യി​ൽ ആ​റു​വ​ർ​ഷം മു​മ്പ് ക​ട​ലൂ​രി​ൽ നി​ർ​മി​ച്ച​താ​ണ്. ഉ​രു നി​ശ്ശേ​ഷം ത​ക​ർ​ന്ന​തി​ൽ മൂ​ന്നു കോ​ടി രൂ​പ​യു​ടെ ന​ഷ്​​ട​മു​ണ്ടാ​യ​താ​യി ഉ​ട​മ പ​റ​ഞ്ഞു. സീ​സ​ൺ ആ​രം​ഭി​ച്ച​തി​ന് ശേ​ഷം, ബേ​പ്പൂ​രി​ൽ​നി​ന്നു​ള്ള ര​ണ്ടാ​മ​ത്തെ യാ​ത്ര​യി​ലാ​ണ് ദു​ര​ന്തം സം​ഭ​വി​ച്ച​ത്.