കണ്ണൂരിലെ അര്ബന് നിധി നിക്ഷേപ തട്ടിപ്പ്: അന്വേഷണത്തിന് പ്രത്യേക സംഘം
text_fieldsകണ്ണൂരില് പ്രവര്ത്തിക്കുന്ന അര്ബന് നിധി ലിമിറ്റഡ് എന്ന സ്വകാര്യധനകാര്യ സ്ഥാപനം നിക്ഷേപകരെ വഞ്ചിച്ചെന്ന പരാതികള് ക്രൈംബ്രാഞ്ചിന്റെ സാമ്പത്തിക കുറ്റാന്വേഷണവിഭാഗം അന്വേഷിക്കും. ഇതിനായി പ്രത്യേക അന്വേഷണസംഘം രൂപീകരിച്ച് സംസ്ഥാന പോലീസ് മേധാവി അനില് കാന്തിന്റെ ഉത്തരവ്.
ക്രൈംബ്രാഞ്ച് സാമ്പത്തിക കുറ്റാന്വേഷണ വിഭാഗം കണ്ണൂര് റേഞ്ച് എസ്.പി എം. പ്രദീപ് കുമാറിനാണ് മേല്നോട്ടച്ചുമതല. സാമ്പത്തിക കുറ്റാന്വേഷണ വിഭാഗം കണ്ണൂര് ആൻഡ് കാസര്ഗോഡ് യൂനിറ്റ് ഡി.വൈ.എസ്.പി ടി. മധുസൂദനന് നായരാണ് അന്വേഷണ ഉദ്യോഗസ്ഥന്. സാമ്പത്തിക കുറ്റാന്വേഷണ വിഭാഗത്തിലെ ഇന്സ്പെക്ടര്മാരായ ജി.ഗോപകുമാര്, എം.സജിത്ത്, ആര്.രാജേഷ് എന്നിവര് അംഗങ്ങളായിരിക്കും.
കണ്ണൂര് ടൗണ് പൊലീസ് സ്റ്റേഷന് ഇന്സ്പെക്ടര് പി.എ.ബിനുമോഹന്, ചക്കരക്കല് പൊലീസ് സ്റ്റേഷന് ഇന്സ്പെക്ടര് ശ്രീജിത് കൊടേരി എന്നിവര് സംഘത്തെ സഹായിക്കും. കണ്ണൂര് സിറ്റി ടൗണ് പൊലീസ് സ്റ്റേഷനില് രജിസ്റ്റര് ചെയ്ത 23 ക്രൈം കേസുകള് ക്രൈംബ്രാഞ്ചിന് കൈമാറിയൊന്ന് സംസ്ഥാന പൊലീസ് മീഡിയ സെന്റർ ഡെപ്യൂട്ടി ഡയറക്ടർ വി.പി പ്രമോദ് കുമാർ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.