തോ​റ്റ കെ.എസ്‌.യു നേതാവിനെ വി.സി ഇടപെട്ട് ജയിപ്പിച്ചെന്ന്; സെനറ്റിൽ ബഹളം

തേ​ഞ്ഞി​പ്പ​ലം: പ്രോ​ജ​ക്​​ട്​ പ​രീ​ക്ഷ​യി​ൽ തോ​റ്റ കെ.​എ​സ്.​യു നേ​താ​വി​നെ വൈ​സ് ചാ​ൻ​സ​ല​റു​ടെ അ​നു​മ​തി​യോ​ടെ വി​ജ​യി​പ്പി​ച്ചെ​ന്ന ഇ​ട​ത് അം​ഗ​ങ്ങ​ളു​ടെ ആ​രോ​പ​ണ​ത്തെ തു​ട​ർ​ന്ന് കാ​ലി​ക്ക​റ്റ് സ​ർ​വ​ക​ലാ​ശാ​ല സെ​ന​റ്റി​ൽ ബ​ഹ​ളം. പാ​ല​ക്കാ​ട് ഗ​വ. വി​ക്ടോ​റി​യ കോ​ള​ജ് വി​ദ്യാ​ർ​ഥി​നി​യും കെ.​എ​സ്.​യു യൂ​നി​റ്റ് പ്ര​സി​ഡ​ന്‍റു​മാ​യ ജം​ഷി​യ ഷെ​റി​നെ വി.​സി​യു​ടെ ഓ​ഫി​സ് ഇ​ട​പെ​ട്ട് ച​ട്ട​വി​രു​ദ്ധ​മാ​യ ന​ട​പ​ടി​ക​ളി​ലൂ​ടെ വി​ജ​യി​പ്പി​ച്ചെ​ന്നും ഇ​ത് അ​ധി​കാ​ര ദു​ർ​വി​നി​യോ​ഗ​മാ​ണെ​ന്നും ചൂ​ണ്ടി​ക്കാ​ട്ടി എം​പ്ലോ​യി​സ് യൂ​നി​യ​ൻ നേ​താ​വാ​യ സെ​ന​റ്റം​ഗം വി.​എ​സ്. നി​ഖി​ലാ​ണ് സെ​ന​റ്റി​ൽ രം​ഗ​ത്തു​വ​ന്ന​ത്.

ബി.​എ​സ്‌.​സി സൈ​ക്കോ​ള​ജി ആ​റാം സെ​മ​സ്‌​റ്റ‌​റി​ന്‍റെ പ്രോ​ജ​ക്ട് പേ​പ്പ​റി​ലാ​ണ് ജം​ഷി​യ പ​രാ​ജ​യ​പ്പെ​ട്ട​തെ​ന്നും സ​ർ​വ​ക​ലാ​ശാ​ല നി​യ​മ​മ​നു​സ​രി​ച്ച് പ്രോ​ജ​ക്ട് പേ​പ്പ​റി​ന് പു​ന​ർ​മൂ​ല്യ നി​ർ​ണ​യ​മി​ല്ലെ​ന്നി​രി​ക്കെ പ​രീ​ക്ഷ​ഭ​വ​നെ മ​റി​ക​ട​ന്ന് പ്രോ​ജ​ക്ട് വി.​സി​യു​ടെ ഓ​ഫി​സി​ൽ എ​ത്തി​ച്ചെ​ന്നും പു​ന​ർ​മൂ​ല്യ നി​ർ​ണ​യ​ത്തി​നാ​യി ര​ണ്ട് അ​ധ്യാ​പ​ക​രെ ക​ണ്ടെ​ത്തി​യെ​ന്നും ജൂ​ൺ 18ന​കം പു​ന​ർ​മൂ​ല്യ​നി​ർ​ണ​യം ന​ട​ത്തി വി​ജ​യി​പ്പി​ച്ചെ​ന്നു​മാ​ണ് ആ​രോ​പ​ണം.

വി​ഷ​യ​ത്തി​ൽ വി.​എ​സ്. നി​ഖി​ൽ അ​ടി​യ​ന്ത​ര പ്ര​മേ​യാ​നു​മ​തി തേ​ടി​യെ​ങ്കി​ലും വി.​സി അ​നു​മ​തി ന​ൽ​കി​യി​ല്ല. ഇ​തോ​ടെ ഇ​ട​ത് സി​ൻ​ഡി​ക്കേ​റ്റം​ഗ​ങ്ങ​ൾ ഉ​ൾ​പ്പെ​ടെ​യു​ള്ള​വ​ർ വി​സി​ക്കെ​തി​രെ ശ​ക്ത​മാ​യ പ്ര​തി​ഷേ​ധ​മു​യ​ർ​ത്തി. അ​തേ​സ​മ​യം വി.​സി​ക്ക് പ്ര​തി​രോ​ധ​വു​മാ​യി യു.​ഡി.​എ​ഫ് അം​ഗ​ങ്ങ​ൾ രം​ഗ​ത്തു​വ​ന്നു. ഇ​തോ​ടെ സ​ഭ ബ​ഹ​ള​ത്തി​ൽ മു​ങ്ങി.

പ്രചാരണം വാസ്തവ വിരുദ്ധം -വി.സി

തേഞ്ഞിപ്പലം: പാലക്കാട് വിക്ടോറിയ കോളജിലെ ബി.എസ്.സി സൈക്കോളജിയിലെ ജംഷിയ ഷെറിൻ എന്ന വിദ്യാർഥിനിയുടെ അവസാന വർഷ പ്രോജക്ടുമായി ബന്ധപ്പെട്ട ആരോപണം വസ്തുതാവിരുദ്ധവും തെറ്റിദ്ധാരണ ഉണ്ടാക്കുന്നതുമാണെന്ന് കാലിക്കറ്റ് സർവകലാശാല വൈസ് ചാൻസലർ ഡോ. പി. രവീന്ദ്രൻ. എല്ലാ പേപ്പറിലും ജയിച്ച ജംഷിയ പ്രോജക്ടിൽ തന്നെ പ്രത്യേക ലക്ഷ്യം വെച്ച് തോൽപിച്ചെന്നും വിഷയം അന്വേഷിച്ച് നീതിപൂർവമായ നടപടി വേണമെന്നും കാണിച്ച് പരാതി നൽകിയിരുന്നു. ആ പരാതി പരീക്ഷ കൺട്രോളർക്ക് കൈമാറുകയും പരീക്ഷ ബോർഡ് ചെയർമാനോട് റിപ്പോർട്ട് ആവശ്യപ്പെടുകയും ചെയ്തു.

സാധാരണ നിലക്ക് പ്രോജക്ടിൽ കുട്ടികൾ തോൽക്കുന്നത് വിരളമായതിനാലും പരാതിക്കാരി എല്ലാ തിയറി പേപ്പറുകളിലും ഭേദപ്പെട്ട മാർക്കോടുകൂടി ജയിച്ചതിനാലും പ്രോജക്ട് മൂല്യനിർണയത്തിൽ അപാകത ബോധ്യപ്പെട്ടതിനാലും കോളജിൽനിന്ന് പ്രോജക്ട് റിപ്പോർട്ട് വിളിച്ചുവരുത്തുകയായിരുന്നു. തുടർന്ന് പ്രോജക്ട് റിപ്പോർട്ട് പരീക്ഷ കൺട്രോളർ വഴി മുതിർന്ന രണ്ട് അധ്യാപകരെക്കൊണ്ട് പരിശോധിപ്പിച്ചു. രണ്ടുപേരും നൽകിയ മാർക്ക് ആദ്യ അധ്യാപിക നൽകിയ മാർക്കിനേക്കാളും വളരെ കൂടുതൽ ആയിരുന്നു. പരീക്ഷ ബോർഡ് ചെയർമാൻ പ്രോജക്ട് പുനഃപരിശോധിച്ചപ്പോഴും ഉയർന്ന മാർക്ക് തന്നെയാണ് വിദ്യാർഥിനിക്ക് ലഭിച്ചത്. പരീക്ഷ ബോർഡ് ചെയർമാൻ നൽകിയ മാർക്കനുസരിച്ച് ജംഷിയ ഷെറിൻ വിജയിച്ചു. അന്യായമായ രീതിയിൽ ഒരു വിദ്യാർഥിനി തോൽപിക്കപ്പെട്ടു എന്നറിഞ്ഞപ്പോൾ വൈസ് ചാൻസലർ എന്നനിലയിൽ ഇടപെടുക മാത്രമാണ് ചെയ്തതെന്ന് വൈസ് ചാൻസലറുടെ ഓഫിസ് വ്യക്തമാക്കി.