ഉപ്പളയിൽ പട്ടാപകൽ ഗുണ്ടാ ആക്രമണം: യുവാവിന് വെട്ടേറ്റു

മഞ്ചേശ്വരം: ഉപ്പളയിൽ പട്ടാപകൽ യുവാവിന് നേരെ ഗുണ്ടാ ആക്രമണം. ഉപ്പള മണിമുണ്ടെ സ്വദേശി മുഹമ്മദ് അർഷിദി(42)ന് നേരെയാണ് ആക്രമണം ഉണ്ടായത്. ചൊവ്വാഴ്ച രാവിലെ 10.30ഓടെ ഉപ്പള ടൗണിലാണ് സംഭവം. കുടുബത്തോടൊപ്പം ടൗണിൽ എത്തിയ അർഷിദിനെ മൂന്നംഗ സംഘം വടിവാൾ കൊണ്ട് വെട്ടുകയായിരുന്നു.

ആക്രമണത്തിന് ശേഷം വാളുമായി സംഘം പൊതുജനങ്ങൾക്കിടയിലൂടെ ഓടി രക്ഷപ്പെട്ടു. ഒരു വർഷം മുമ്പ് ഉപ്പളയിൽ ഒരു പാർട്ടിയുടെ യുവജന നേതാവിന് നേരെ വധശ്രമം നടന്നിരുന്നു. ഇതിന്‍റെ പ്രതികാരമായാണ് ഇന്നത്തെ ആക്രമണമെന്ന് കരുതുന്നു.