കൊച്ചി മെട്രോ ടിക്കറ്റിന്​ ഇനി യു.പി.ഐയും

കൊ​ച്ചി: മെ​ട്രോ​യു​ടെ വി​വി​ധ സ്റ്റേ​ഷ​നു​ക​ളി​ൽ യാ​ത്ര ചെ​യ്യാ​നെ​ത്തു​മ്പോ​ൾ ടി​ക്ക​റ്റ് വെ​ൻ​ഡി​ങ് മെ​ഷീ​നു​ക​ൾ ക​ണ്ടി​ട്ടി​ല്ലേ? കൈ​യി​ൽ പൈ​സ​യി​ല്ലാ​ത്ത​തി​നാ​ൽ മാ​ത്രം ടി​ക്ക​റ്റ് കൗ​ണ്ട​റി​നു മു​ന്നി​ൽ തി​ര​ക്കേ​റി​യ നേ​ര​ത്ത് വ​രി നി​ന്ന് ടി​ക്ക​റ്റെ​ടു​ക്കേ​ണ്ടി വ​ന്നി​ട്ടി​ല്ലേ? എ​ന്നാ​ൽ, ഇ​നി ഇ​ങ്ങ​നെ ചെ​യ്യു​ന്ന​വ​ർ​ക്ക് ഒ​രു സ​ന്തോ​ഷ വാ​ർ​ത്ത. മെ​ട്രോ സ്റ്റേ​ഷ​നി​ലെ ടി​ക്ക​റ്റ് വെ​ൻ​ഡി​ങ് മെ​ഷീ​നു​ക​ളി​ൽ പേ​പ്പ​ർ ടി​ക്ക​റ്റെ​ടു​ക്കാ​ൻ ഇ​നി കാ​ഷ് മാ​ത്ര​മ​ല്ല യു.​പി.​ഐ​യും ഉ​പ​യോ​ഗി​ക്കാം.

പ​ദ്ധ​തി​യു​ടെ ഉ​ദ്ഘാ​ട​നം തി​ങ്ക​ളാ​ഴ്ച ട്രാ​ൻ​സ്പോ​ർ​ട്ട് ക​മീ​ഷ​ണ​ർ സി.​എ​ച്ച്. നാ​ഗ​രാ​ജു ടി​ക്ക​റ്റെ​ടു​ത്ത് നി​ർ​വ​ഹി​ച്ചു. ജെ.​എ​ല്‍.​എ​ന്‍ സ്റ്റേ​ഷ​നി​ല്‍ കെ.​എം.​ആ​ർ.​എ​ൽ മാ​നേ​ജി​ങ്​ ഡ​യ​റ​ക്ട​ര്‍ ലോ​ക്‌​നാ​ഥ് ബെ​ഹ്‌​റ​യു​ടെ സാ​ന്നി​ധ്യ​ത്തി​ലാ​യി​രു​ന്നു ച​ട​ങ്ങ്. പു​തി​യ സം​വി​ധാ​നം ല​ളി​ത​വും സു​ര​ക്ഷി​ത​വു​മാ​ണെ​ന്ന് നാ​ഗ​രാ​ജു പ​റ​ഞ്ഞു.

ടി​ക്ക​റ്റെ​ടു​ക്ക​ൽ എ​ത്ര​യെ​ളു​പ്പം

മെ​ട്രോ സ്റ്റേ​ഷ​നു​ക​ളി​ൽ ടി​ക്ക​റ്റ് കൗ​ണ്ട​റു​ക​ളോ​ട് ചേ​ർ​ന്നാ​ണ് എ.​ടി.​എം മെ​ഷീ​നു സ​മാ​ന​മാ​യ ടി​ക്ക​റ്റ് വെ​ൻ​ഡി​ങ് മെ​ഷീ​നു​ക​ൾ സ്ഥാ​പി​ച്ചി​ട്ടു​ള്ള​ത്. ഇ​വ ഏ​റെ​ക്കാ​ല​മാ​യി പ്ര​വ​ർ​ത്തി​ക്കു​ന്നു​ണ്ടെ​ങ്കി​ലും യു.​പി.​ഐ സം​വി​ധാ​നം ഉ​ണ്ടാ​യി​രു​ന്നി​ല്ല. നി​ല​വി​ൽ ഗൂ​ഗ്ൾ​പേ, ഫോ​ൺ​പേ, പേ​ടി​എം തു​ട​ങ്ങി​യ യു.​പി.​ഐ ആ​പ്പു​ക​ളി​ലൂ​ടെ ഇ​തി​ൽ ടി​ക്ക​റ്റ് എ​ടു​ക്കാ​നാ​വും. മെ​ഷീ​ൻ സ്ക്രീ​നി​ൽ യാ​ത്ര ചെ​യ്യേ​ണ്ട സ്റ്റേ​ഷ​ന്‍ സെ​ല​ക്ട് ചെ​യ്ത​ശേ​ഷം ബ​യ് ടി​ക്ക​റ്റ് എ​ന്ന ഓ​പ്ഷ​ൻ വ​രും.

ഇ​തി​ൽ ക്ലി​ക്ക്​ ചെ​യ്താ​ൽ സ്ക്രീ​നി​ൽ ക്യു.​ആ​ർ കോ​ഡ് പ്ര​ത്യ​ക്ഷ​പ്പെ​ടു​ക​യും യു.​പി.​ഐ ആ​പ്പ് വ​ഴി പ​ണ​മ​ട​ക്കാ​നാ​കു​ക​യും ചെ​യ്യും. താ​ഴ​ത്തെ ടി​ക്ക​റ്റ് ഡി​സ്പെ​ൻ​സ​റി​ൽ​നി​ന്ന് ടി​ക്ക​റ്റ് ശേ​ഖ​രി​ക്കാ​നു​മാ​കും. യാ​ത്ര​ക്കാ​ര്‍ക്ക് അ​നാ​യാ​സം ടി​ക്ക​റ്റെ​ടു​ത്ത് യാ​ത്ര​ചെ​യ്യാ​ൻ ഒ​രു​ക്കു​ന്ന സൗ​ക​ര്യ​ങ്ങ​ളി​ല്‍ ഏ​റ്റ​വും പു​തി​യ​താ​ണ് ഇ​തെ​ന്ന് ലോ​ക്‌​നാ​ഥ് ബെ​ഹ്‌​റ പ​റ​ഞ്ഞു. ഭി​ന്ന​ശേ​ഷി സൗ​ഹൃ​ദ​മാ​യാ​ണ് മെ​ഷീ​ൻ ക്ര​മീ​ക​രി​ച്ചി​രി​ക്കു​ന്ന​ത്. മു​മ്പ​ത്തേ​തു​പോ​ലെ ക​റ​ന്‍സി ന​ല്‍കി​യും ടി​ക്ക​റ്റ് എ​ടു​ക്കാം. എ​ല്ലാ സ്റ്റേ​ഷ​നു​ക​ളി​ലും മെ​ഷീ​ൻ പ്ര​വ​ർ​ത്ത​നം തു​ട​ങ്ങി.

ല​ക്ഷ്യം പൂ​ർ​ണ ഡി​ജി​റ്റ​ൽ ഇ​ട​പാ​ട്

പൂ​ര്‍ണ​മാ​യും ഡി​ജി​റ്റ​ല്‍ പേ​യ്‌​മെ​ന്റ് സം​വി​ധാ​ന​ത്തി​ലേ​ക്ക് യാ​ത്ര​ക്കാ​രെ മാ​റ്റു​ക​യാ​ണ് കൊ​ച്ചി മെ​ട്രോ​യു​ടെ ല​ക്ഷ്യം. കൊ​ച്ചി വ​ണ്‍ മൊ​ബൈ​ല്‍ ആ​പ്, വാ​ട്‌​സ്​​ആ​പ്, ഗൂ​ഗ്​​ള്‍ വാ​ല​റ്റ് എ​ന്നി​വ വ​ഴി​യും പേ​ടി​എം, ഫോ​ണ്‍പേ, റെ​ഡ്ബ​സ്, ടു​മോ​ക്, യാ​ത്രി, ഈ​സി മൈ ​ട്രി​പ്, ടെ​ലി​ഗ്രാം (മൈ ​മെ​ട്രോ കൊ​ച്ചി), കേ​ര​ള സ​വാ​രി തു​ട​ങ്ങി​യ​വ വ​ഴി​യും ഇ​പ്പോ​ള്‍ ടി​ക്ക​റ്റ് എ​ടു​ക്കാം.

വാ​ട്‌​സ്​​ആ​പ്, ഗൂ​ഗ്​​ള്‍ വാ​ല​റ്റ് അ​ധി​ഷ്ഠി​ത ടി​ക്ക​റ്റി​ങ്​ സം​വി​ധാ​ന​വും പ്ര​വ​ര്‍ത്തി​ക്കു​ന്നു​ണ്ട്. ഉ​ദ്ഘാ​ട​ന ച​ട​ങ്ങി​ല്‍ കെ.​എം.​ആ​ര്‍.​എ​ല്‍ ഡ​യ​റ​ക്ട​ര്‍മാ​രാ​യ സ​ഞ്ജ​യ് കു​മാ​ര്‍ (സി​സ്റ്റം​സ്) , ഡോ. ​എം.​പി രാം​ന​വാ​സ് (പ്രോ​ജ​ക്ട്‌​സ്), ചീ​ഫ് ജ​ന​റ​ല്‍ മാ​നേ​ജ​ര്‍മാ​രാ​യ എ. ​മ​ണി​ക​ണ്ഠ​ന്‍, ഷാ​ജി ജ​നാ​ര്‍ദ​ന​ന്‍, ജ​ന​റ​ല്‍ മാ​നേ​ജ​ര്‍മാ​രാ​യ മി​നി ഛബ്ര (​എ​ച്ച്.​ആ​ര്‍), ജി​ഷു ജോ​ണ്‍ സ്‌​ക​റി​യ ( ലീ​ഗ​ല്‍) ടി.​സി. ജോ​ണ്‍സ​ണ്‍ ( എ​സ് ആ​ന്‍ഡ് ടി), ​ജ​യ​ന​ന്ദ സോ​മ​സു​ന്ദ​രം (ജോ​യ​ന്‍റ്​ ജ​ന​റ​ല്‍ മാ​നേ​ജ​ര്‍ എ​സ് ആ​ന്‍ഡ് ടി), ​പി.​എ​സ്. ര​ഞ്ജി​ത് ( അ​സി.​മാ​നേ​ജ​ര്‍ എ.​എ​ഫ്‌. സി) ​തു​ട​ങ്ങി​യ​വ​ര്‍ പ​ങ്കെ​ടു​ത്തു.