ഭക്ഷണത്തോടൊപ്പം സാലഡ് നൽകാത്തതിന് ഭാര്യയെ കുത്തിക്കൊലപ്പെടുത്തി; പ്രതി അറസ്റ്റിൽ, മകന് ഗുരുതര പരിക്ക്

ലഖ്നോ: ഭക്ഷണത്തോടൊപ്പം സാലഡ് നൽകാത്തതിനെ തുടർന്നുണ്ടായ തർക്കത്തിനൊടുവിൽ ഭാര്യയെ കുത്തിക്കൊലപ്പെടുത്തിയയാളെ പൊലീസ് അറസ്റ്റ് ചെയ്തു. യു.പിയിലെ ശാംലി ജില്ലയിലാണ് സംഭവം.

മുരളി സിങ് എന്നയാളാണ് അറസ്റ്റിലായത്. രണ്ട് ദിവസം മുമ്പാണ് കൊലപാതകം നടന്നത്. പിന്നാലെ ഒളിവിൽ പോയ ഇയാളെ ഇന്ന് അറസ്റ്റ് ചെയ്യുകയായിരുന്നു.

തിങ്കളാഴ്ച രാത്രി ഭക്ഷണം കഴിക്കുന്നതിനിടെയാണ് സാലഡ് വിളമ്പാത്തതുമായി ബന്ധപ്പെട്ട് കശപിശയുണ്ടായത്. തുടർന്ന് മൺവെട്ടി ഉപയോഗിച്ച് ഇയാൾ ഭാര്യയെ ആക്രമിക്കുകയായിരുന്നുവെന്ന് പൊലീസ് പറഞ്ഞു. അമ്മയെ രക്ഷിക്കാൻ ശ്രമിക്കുന്നതിനിടെ ഇയാളുടെ 20കാരനായ മകന് ഗുരുതര പരിക്കേറ്റു. മകൻ ചികിത്സയിൽ തുടരുകയാണ്.