‘കേരള’ മാർക്ക്‌ തട്ടിപ്പ്​: മാർക്ക്​ കൂടിയവരെ സർവകലാശാല കൂടിക്കാഴ്​ചക്ക്​ വിളിക്കുന്നു

തി​രു​വ​ന​ന്ത​പു​രം: മോ​ഡ​റേ​ഷ​ൻ ത​ട്ടി​പ്പി​ലൂ​ടെ കൂ​ട്ടി​ന​ൽ​കി​യ മാ​ർ​ക്കു​ക​ൾ റ​ദ്ദാ​ക്കാ​ൻ കേ​ര​ള സ ​ർ​വ​ക​ലാ​ശാ​ല വി​ദ്യാ​ർ​ഥി​ക​ളു​ടെ അ​നു​മ​തി തേ​ടു​ന്നു. വ്യാ​ജ പാ​സ്‌​വേ​ഡ് ഉ​പ​യോ​ഗി​ച്ച് മാ​ർ​ക്കു​ക ​ൾ കൂ​ട്ടി​യി​ട്ട് ക്രെ​ഡി​റ്റ്​ ബെ​യ്​​സ്​​ഡ്​ സെ​മ​സ്​​റ്റ​ർ രീ​തി​യി​ലു​ള്ള (സി.​ബി.​സി.​എ​സ്) ബി​രു​ദ​കോ​ഴ്​​സു​ക​ളു​ടെ 16 പ​രീ​ക്ഷ​ക​ളി​ൽ മാ​ർ​ക്ക്‌ കൂ​ട്ടി​ന​ൽ​കി വി​ജ​യി​പ്പി​ച്ച 717 വി​ദ്യാ​ർ​ഥി​ക​ളെ​യാ​ണ് പ്രോ-​വൈ​സ് ചാ​ൻ​സ​ല​ർ അ​ധ്യ​ക്ഷ​നാ​യ ക​മ്മി​റ്റി സ​ർ​വ​ക​ലാ​ശാ​ലാ ആ​സ്ഥാ​ന​ത്ത് നേ​രി​ട്ട് വി​ളി​ക്കു​ന്ന​ത്. വി​ദ്യാ​ർ​ഥി​ക​ളു​ടെ മേ​ൽ​വി​ലാ​സ​ത്തി​ൽ പി.​വി.​സി​യു​ടെ ഓ​ഫി​സി​ൽ​നി​ന്ന് നേ​രി​ട്ടാ​ണ് ക​ത്തു​ക​ൾ അ​യ​ച്ചി​രി​ക്കു​ന്ന​ത്.

കൂ​ടി​ക്കാ​ഴ്ച​യ്ക്ക് സ​ർ​വ​ക​ലാ​ശാ​ല​യി​ൽ നേ​രി​ട്ട് എ​ത്തി​യ വി​ദ്യാ​ർ​ഥി​ക​ളി​ൽ പ​ല​രും അ​വ​ർ​ക്ക് മാ​ർ​ക്ക് കൂ​ട്ടി ല​ഭി​ച്ച കാ​ര്യം അ​റി​ഞ്ഞി​ട്ടു​പോ​ലു​മി​ല്ലെ​ന്ന് മൊ​ഴി ന​ൽ​കി. 717 പേ​ർ​ക്കാ​ണ് മാ​ർ​ക്ക് കൂ​ട്ടി ന​ൽ​കി​യി​ട്ടു​ള്ള​തെ​ങ്കി​ലും 319 പേ​ർ മാ​ത്ര​മാ​ണ് കൂ​ട്ടി​ല​ഭി​ച്ച മാ​ർ​ക്കു​ക​ൾ ഡൗ​ൺ​ലോ​ഡ് ചെ​യ്തി​ട്ടു​ള്ള​ത്.

വി​ദ്യാ​ർ​ഥി​ക​ൾ​ക്ക് ന​ൽ​കി​യി​ട്ടു​ള്ള ഡി​ഗ്രി സ​ർ​ട്ടി​ഫി​ക്ക​റ്റു​ക​ൾ പി​ൻ​വ​ലി​ക്കു​ന്ന​തി​ന് മാ​ത്ര​മേ വി​ദ്യാ​ർ​ഥി​ക​ളു​ടെ വി​ശ​ദീ​ക​ര​ണം തേ​ടേ​ണ്ട​തു​ള്ളൂ​വെ​ന്ന്​ സ​ർ​വ​ക​ലാ​ശാ​ല​ച​ട്ട​ങ്ങ​ൾ അ​നു​ശാ​സി​ക്കു​ന്നു. തെ​റ്റാ​യി ന​ൽ​കി​യ മാ​ർ​ക്കു​ക​ൾ റ​ദ്ദാ​ക്കാ​ൻ ഏ​താ​നും മി​നി​റ്റു​ക​ൾ മാ​ത്ര​മേ ആ​വ​ശ്യ​മു​ള്ളൂ​വെ​ന്നും അ​തി​ന് അ​ധി​കൃ​ത​ർ ഉ​ത്ത​ര​വ് ന​ൽ​കു​ന്നി​ല്ലെ​ന്നും പ​രീ​ക്ഷ, ഐ.​ടി സെ​ല്ലി​ലെ ഉ​ദ്യോ​ഗ​സ്ഥ​ർ പ​റ​യു​ന്നു. മാ​ർ​ക്കു​ക​ൾ റ​ദ്ദാ​ക്കു​ന്ന​ത് വൈ​കി​ച്ച് വി​ദ്യാ​ർ​ഥി​ക​ൾ​ക്ക് കോ​ട​തി വ​ഴി സം​ര​ക്ഷ​ണം ഉ​റ​പ്പാ​ക്കാ​ൻ സ​ർ​വ​ക​ലാ​ശാ​ല ക​ണ്ടെ​ത്തി​യി​രി​ക്കു​ന്ന കു​റു​ക്കു​വ​ഴി​യാ​ണ് പി.​വി.​സി​യു​ടെ നേ​തൃ​ത്വ​ത്തി​ൽ ഇ​പ്പോ​ൾ ന​ട​ക്കു​ന്ന അ​ഭി​മു​ഖ​മെ​ന്ന് ആ​ക്ഷേ​പ​മു​ണ്ട്. ഇ​തി​ന​കം സ​ർ​ട്ടി​ഫി​ക്ക​റ്റു​ക​ൾ കൈ​പ്പ​റ്റി​യ​വ​രു​ടെ ഡി​ഗ്രി​ക​ൾ തി​രി​ച്ചു​വാ​ങ്ങാ​നോ അ​വ​രെ കേ​ന്ദ്രീ​ക​രി​ച്ച്​ അ​ന്വേ​ഷ​ണം ന​ട​ത്താ​നു​ള്ള രേ​ഖ​ക​ൾ ക്രൈം ​ബ്രാ​ഞ്ചി​ന് കൈ​മാ​റാ​നോ സ​ർ​വ​ക​ലാ​ശാ​ല ത​യാ​റാ​യി​ട്ടു​മി​ല്ല. സോ​ഫ്​​റ്റ്​​വെ​യ​ർ പി​ഴ​വാ​ണ്​ മാ​ർ​ക്കി​ൽ മാ​റ്റം വ​രാ​ൻ കാ​ര​ണ​മെ​ന്നാ​യി​രു​ന്നു സ​ർ​വ​ക​ലാ​ശാ​ല​യു​ടെ ക​ണ്ടെ​ത്ത​ൽ.