പൊലീസ്​ കാവലിൽ യൂനിവേഴ്​സിറ്റി കോളജ്​ വീണ്ടും തുറന്നു

തിരുവനന്തപുരം: വിദ്യാർഥിക്ക്​ കുത്തേറ്റ കലുഷിത അന്തരീക്ഷത്തിൽ അടച്ച യൂനിവേഴ്​സിറ്റി കോളജ്​ പത്ത്​ ദിവസത് തിന്​ ശേഷം വീണ്ടും തുറന്നു. അക്രമരാഷ്​ട്രീയത്തി​​െൻറ മുറിപ്പാടുകൾ മായ്​ച്ചുകളഞ്ഞ്​ കോളജിനെ അക്കാദമിക മികവ ിലേക്ക്​ നയിക്കാനുള്ള ​ശ്രമങ്ങളോടെയാണ്​ കോളജ്​ വീണ്ടും തുറന്നത്​.

കനത്ത പൊലീസ്​ കാവലിലും കർശന പരിശോ ധനയുമോടെയുമാണ്​ വിദ്യാർഥികളെയും അധ്യാപകർ ഉൾപ്പെടെയുള്ള ജീവനക്കാരെയും കോളജിലേക്ക്​ പ്രവേശിപ്പിച്ചത്​. പെ ാലീസും അധ്യാപകരും ചേർന്നാണ്​ കോളജ്​ ഗേറ്റിൽ വിദ്യാർഥികളുടെ തിരിച്ചറിയൽ കാർഡ്​ പരിശോധിച്ചത്​. തിരിച്ചറിയൽ കാർഡ്​ ഇല്ലാത്തവരെ മടക്കി അയച്ചു. തിരിച്ചറിയൽ കാർഡില്ലാത്തവരെ തടഞ്ഞത്​ ചോദ്യം ചെയ്​ത്​ എസ്​.എഫ്​.​െഎ പ്രവർത്തകർ എത്തിയെങ്കിലും പൊലീസ്​ ഇടപെട്ടു. കാമ്പസ്​ പരിസരത്ത്​ പൊലീസ്​ കാവൽ വരും ദിവസങ്ങളിലും തുടരും.

അതിനിടെ, സ്വാശ്രയ കോളജിൽ ഫീസടക്കാനില്ലാതെ രജനി എസ്​. ആനന്ദ്​ ആത്മഹത്യചെയ്​തദിനം കാമ്പസിൽ രക്തസാക്ഷിദിനമായി ആചരിച്ച്​ എസ്​.എഫ്​.​െഎ ശക്തിപ്രകടനം നടത്തി.

പുതുതായി ചുമതലയേറ്റ പ്രിൻസിപ്പൽ ഡോ. സി.സി. ബാബു വിദ്യാർഥികളെ അഭിസംബോധന ചെയ്​തു. കോളജിൽ എത്തിയ വിദ്യാർഥികൾക്ക്​ റാഗിങ്, ലഹരി വിരുദ്ധ സന്ദേശങ്ങൾ അടങ്ങിയ ലഘുലേഖകളും വിതരണം ചെയ്​തു.