You are here

യൂനിവേഴ്സിറ്റി കോളജിലെ വധശ്രമം : ആറ് പ്രതികളെ പുറത്താക്കി

  • പ്രതിയുടെ വീട്ടിൽ ഉത്തരക്കടലാസ് കണ്ടെത്തിയത് യൂനിവേഴ്സിറ്റി അന്വേഷിക്കും

10:34 AM
15/07/2019
sfi-look-out-notice

തിരുവനന്തപുരം: യൂനിവേഴ്സിറ്റി കോളജിൽ വിദ്യാർഥിയെ കുത്തിക്കൊലപ്പെടുത്താൻ ശ്രമിച്ച സംഭവത്തിലെ പ്രതികളായ എസ്.എഫ്.ഐ നേതാക്കളെ കോളജിൽ നിന്ന് സസ്പെൻഡ് ചെയ്തു. മുഖ്യപ്രതികളായ ശിവരഞ്ജിത്, നസീം എന്നിവർ ഉൾപ്പടെ ആറ് പ്രതികളെയാണ് കോളജ് അനിശ്ചിതകാലത്തേക്ക് സസ്പെൻഡ് ചെയ്തത്. ശിവരഞ്ജിത്തിന്‍റെ വീട്ടിൽ കേരള യൂനിവേഴ്സിറ്റി പരീക്ഷയുടെ ഉത്തരക്കടലാസ് കണ്ടെത്തിയത് സംബന്ധിച്ച് യൂനിവേഴ്സിറ്റി അന്വേഷണം നടത്തും. പ്രൊ വൈസ് ചാൻസലർക്കും പരീക്ഷ കൺട്രോളർക്കും വൈസ് ചാൻസലർ ഇത് സംബന്ധിച്ച നിർദേശം നൽകി. 

ഒന്നാം പ്രതി ശിവരഞ്ജിത്, രണ്ടാം പ്രതി എ.എൻ. നസീം എന്നിവരെ കേശവദാസപുരത്തെ വീട്ടിൽവെച്ച് തിങ്കളാഴ്ച പുലർച്ചെ രണ്ടോടെ പൊലീസ് പിടികൂടിയിരുന്നു. ശിവരഞ്ജിത് കോളജ് എസ്.എഫ്.ഐ യൂനിറ്റ് പ്രസിഡന്‍റും നസീം സെക്രട്ടറിയുമാണ്. വധശ്രമക്കേസിൽ നാലുപേരെ നേരത്തെ പിടികൂടിയിരുന്നു. അദ്വൈത്, ആരോമൽ, ആദിൽ, ഇജാബ് എന്നിവരാണ് നേരത്തെ പിടിയിലായത്. എട്ട് പ്രതികൾക്കെതിരേ പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. ഇതോടെ ലുക്ക് ഔട്ട് നോട്ടീസ് ഇറക്കിയവരിൽ അഞ്ച് പ്രതികൾ ഉൾപ്പടെ ആറുപേർ പിടിയിലായി.

ശി​വ​ര​ഞ്ജി​ത്തും ന​സീ​മും പി.​എ​സ്.​സി റാ​ങ്ക് പ​ട്ടി​ക​യി​ലെ​ത്തി​യ​ത് സം​ബ​ന്ധി​ച്ച് തി​ങ്ക​ളാ​ഴ്ച ചേ​രു​ന്ന പി.​എ​സ്.​സി യോ​ഗം പ​രി​ശോ​ധി​ക്കും. സി​വി​ല്‍ പൊ​ലീ​സ് ഓ​ഫി​സ​ര്‍ കെ.​എ.​പി നാ​ലാം ബ​റ്റാ​ലി​യ​ന്‍ (കാ​സ​ര്‍കോ​ട്) റാ​ങ്ക് ലി​സ്​​റ്റി​ലാ​ണ് ശി​വ​ര​ഞ്ജി​ത്തി​ന് ഒ​ന്നാം റാ​ങ്കും നി​സാ​മി​ന് 28ാം റാ​ങ്കും ല​ഭി​ച്ച​ത്. കോ​ള​ജി​ലെ എ​സ്.​എ​ഫ്.​ഐ പ്ര​വ​ർ​ത്ത​ക​നാ‍യ പി.​പി. പ്ര​ണ​വി​ന് ര​ണ്ടാം റാ​ങ്കും ലഭിച്ചു. ഇതിൽ ക്രമക്കേട് നടന്നോ എന്നത് ​സം​ബ​ന്ധി​ച്ച് തി​ങ്ക​ളാ​ഴ്ച ചേ​രു​ന്ന പി.​എ​സ്.​സി യോ​ഗം പ​രി​ശോ​ധി​ക്കും.

യൂനിവേഴ്സിറ്റി കോളജിൽ വെച്ച് കുത്തേറ്റ വിദ്യാർഥി അഖിൽ ഐ.സി.യുവിൽ തുടരുകയാണ്. 

Loading...
COMMENTS