ക്യാമറാമാനായി പി. രാജീവ്​; രാഷ്ട്രീയ വിയോജിപ്പുകൾക്കിടയിലും അവർ ഒരു ഫ്രെയ്മിൽ ഒരുമിച്ചു

കൊച്ചി: രാഷ്ട്രീയമായ വിയോജിപ്പുകൾക്കിടയിലും മന്ത്രി പി. രാജീവിന്‍റെ ഫ്രെയിമിൽ പ്രതിപക്ഷ നേതാവ് വി.ഡി. സതീശനടക്കം ​എറണാകുളത്തെ ജനപ്രതിനിധികൾ ഒന്നിച്ച ചിത്രം പങ്കുവെച്ചിരിക്കുകയാണ്​ കൊച്ചി മേയർ അഡ്വ. എം. അനിൽ കുമാർ

ദർബാർ ഹാൾ ആർട്ട് ഗ്യാലറിയിൽ പ്രസ് ഫോട്ടോഗ്രാഫർമാരുടെ സംഘടനയുടെ പരിപാടിക്കിടെയാണ്​ സംഭവം. മേയർചിത്രം ഫേസബുക്കിലൂടെയാണ്​ പങ്കുവെച്ചത്​.

ഹൈബി ഈഡൻ എം.പി, എം.എൽ.എമാരായ കെ. ബാബു, ടി.ജെ വിനോദ് എന്നിവർക്കൊപ്പം നടൻ ജയസൂര്യയും പരിപാടിയിൽ പ​ങ്കെടുത്തിരുന്നു.