സ്മാർട്ട് മീറ്ററുമായി കേന്ദ്ര ഊർജ മന്ത്രാലയം; മുഖം തിരിച്ച് കേരളം

പാ​ല​ക്കാ​ട്: സ്മാ​ർ​ട്ട് മീ​റ്റ​ർ പ​ദ്ധ​തി​യോ​ട് കേ​ര​ളം വീ​ണ്ടും മു​ഖം തി​രി​ച്ച​തോ​ടെ വൈ​ദ്യു​തി വി​ത​ര​ണ ശൃം​ഖ​ല ‘സ്മാ​ർ​ട്ട് ഗ്രി​ഡ്’ ആ​ക്കാ​നു​ള്ള കേ​ന്ദ്ര ഊ​ർ​ജ മ​ന്ത്രാ​ല​യ​ത്തി​ന്റെ നി​ര​ന്ത​ര ആ​വ​ശ്യം വീ​ണ്ടും പാ​ഴാ​യി. വൈ​ദ്യു​തി വി​ത​ര​ണ മേ​ഖ​ല​യി​ലെ കോ​ടി​ക​ളു​ടെ കേ​ന്ദ്രാ​വി​ഷ്‍കൃ​ത ധ​ന​സ​ഹാ​യ പ​ദ്ധ​തി​ക​ൾ​ക്കാ​ണ് ഇ​ത് വി​ല​ങ്ങു​ത​ടി​യാ​കു​ക. വൈ​ദ്യു​തി​യു​ടെ ഉ​പ​ഭോ​ഗം, ശൃം​ഖ​ല​യി​ലേ​ക്ക് ക​ട​ത്തി​വി​ടു​ന്ന വൈ​ദ്യു​തി​യു​ടെ അ​ള​വ്‌, സ​ബ്സ്റ്റേ​ഷ​നു​ക​ളി​ലെ ഫീ​ഡ​റു​ക​ളു​ടെ ലോ​ഡ്, ഓ​രോ ട്രാ​ൻ​സ്ഫോ​ർ​മ​റു​ക​ൾ വ​ഴി വി​ത​ര​ണം ചെ​യ്യു​ന്ന വൈ​ദ്യു​തി​യു​ടെ അ​ള​വ്‌ തു​ട​ങ്ങി​യ എ​ല്ലാ കാ​ര്യ​ങ്ങ​ളും ത​ത്സ​മ​യം അ​റി​യു​ന്ന സം​വി​ധാ​നം ഒ​രു​ക്കു​ന്ന​താ​ണ് സ്മാ​ർ​ട്ട് ഗ്രി​ഡ് പ​ദ്ധ​തി. ഇ​തി​ന്റെ ഭാ​ഗ​മാ​യ സ്മാ​ർ​ട്ട് മീ​റ്റ​ർ സം​സ്ഥാ​ന​ത്ത് ന​ട​പ്പാ​ക്ക​ണ​മെ​ന്നാ​വ​ശ്യ​പ്പെ​ട്ട് തു​ട​ങ്ങി​യി​ട്ട് പ​തി​റ്റാ​ണ്ടോ​ള​മാ​യി.

ഒ​ടു​വി​ൽ സ്മാ​ര്‍ട്ട് മീ​റ്റ​ര്‍ സ്ഥാ​പി​ച്ച ഉ​പ​ഭോ​ക്താ​ക്ക​ള്‍ക്ക് ബാ​ധ​ക​മാ​യ ച​ട്ട​ങ്ങ​ൾ ഉ​ൾ​പ്പെ​ടു​ത്തി കേ​ന്ദ്ര ഊ​ർ​ജ മ​ന്ത്രാ​ല​യം 2023 ജൂ​ണ്‍ 14ന്‌ ​ഇ​ല​ക്ട്രി​സി​റ്റി (ഉ​പ​ഭോ​ക്താ​ക്ക​ളു​ടെ അ​വ​കാ​ശ​ങ്ങ​ള്‍) സം​ബ​ന്ധി​ച്ച ച​ട്ട​ങ്ങ​ൾ ഭേ​ദ​ഗ​തി ചെ​യ്തു. ഈ ​ഭേ​ദ​ഗ​തി​യ​നു​സ​രി​ച്ചു​ള്ള കോ​ടി​ക​ളു​ടെ വൈ​ദ്യു​തി പ​ദ്ധ​തി​ക​ൾ ഇ​നി​യും വ​രാ​നി​രി​ക്കേ അ​വ സം​സ്ഥാ​ന​ത്തി​ന് ല​ഭ്യ​മാ​കു​മോ എ​ന്ന ആ​ശ​ങ്ക ഉ​യ​രു​ന്നു​ണ്ട്.

സ്മാ​ർ​ട്ട് മീ​റ്റ​റു​ക​ൾ സ്ഥാ​പി​ക്കാ​നു​ള്ള ‘ഉ​ദ​യ്’ പ​ദ്ധ​തി​യി​ൽ 2017 മാ​ര്‍ച്ച് 15ന്‌ ​കേ​ന്ദ്ര സ​ർ​ക്കാ​റി​ന്റെ ഊ​ര്‍ജ മ​ന്ത്രാ​ല​യ​വും കേ​ര​ള സ​ര്‍ക്കാ​റും കെ.​എ​സ്.​ഇ.​ബി​യും ഒ​പ്പി​ട്ടി​രു​ന്നെ​ങ്കി​ലും സം​സ്ഥാ​നം പി​ൻ​വാ​ങ്ങു​ക​യാ​യി​രു​ന്നു. 9.81 ല​ക്ഷം സ്മാ​ര്‍ട്ട് മീ​റ്റ​ര്‍ സ്ഥാ​പി​ക്കാ​ന്‍ 127.15 കോ​ടി രൂ​പ​യു​ടെ തു​ക ഉ​ള്‍പ്പെ​ടു​ത്തി​യി​രു​ന്നു. 500 യൂ​നി​റ്റി​ന് മു​ക​ളി​ല്‍ വൈ​ദ്യു​തി ഉ​പ​യോ​ഗി​ക്കു​ന്ന​വ​ര്‍ക്ക് 2017 മാ​ര്‍ച്ചി​ന്‌ മു​മ്പും 200 യൂ​നി​റ്റി​ന്‌ മു​ക​ളി​ല്‍ ഉ​പ​യോ​ഗി​ക്കു​ന്ന​വ​ര്‍ക്ക് 2019 ഡി​സം​ബ​റി​ന്‌ മു​മ്പും സ്ഥാ​പി​ക്ക​ണ​മെ​ന്നാ​യി​രു​ന്നു വ്യ​വ​സ്ഥ. പ​ദ്ധ​തി ന​ട​പ്പാ​യാ​ൽ ഈ ​കാ​ല​യ​ള​വി​ലെ കെ.​എ​സ്.​ഇ.​ബി​യു​ടെ ക​ട​ത്തി​ന്റെ പ​കു​തി കേ​ന്ദ്ര​വും സം​സ്ഥാ​ന​വും പ​ങ്കി​ട്ടെ​ടു​ത്ത് വീ​ട്ടാ​മെ​ന്നാ​യി​രു​ന്നു ധാ​ര​ണ. ഇ​തു​ൾ​പ്പെ​ടെ ഊ​ർ​ജ മ​ന്ത്രാ​ല​യം വെ​ച്ച നി​ർ​ദേ​ശം ന​ട​പ്പാ​ക്കാ​നാ​വി​ല്ലെ​ന്നാ​യി​രു​ന്നു സം​സ്ഥാ​ന സ​ർ​ക്കാ​ർ തീ​രു​മാ​നി​ച്ച​ത്.

പി​ന്നീ​ട് കേ​ര​ള​ത്തി​ലെ ആ​റ് കോ​ർ​പ​റേ​ഷ​നു​ക​ളി​ലും മു​നി​സി​പ്പാ​ലി​റ്റി​ക​ളി​ലു​മാ​യി പ്ര​തി​മാ​സം 230 യൂ​നി​റ്റി​ന് മു​ക​ളി​ൽ വൈ​ദ്യു​തി ഉ​പ​യോ​ഗി​ക്കു​ന്ന 3.13 ല​ക്ഷം ഉ​പ​ഭോ​ക്താ​ക്ക​ൾ​ക്ക് സ്മാ​ർ​ട്ട് മീ​റ്റ​ർ സ്ഥാ​പി​ക്കാ​നാ​യി 64.36 കോ​ടി​യു​ടെ പ്രോ​ജ​ക്ടി​ന് 2018ൽ ​അ​നു​മ​തി കി​ട്ടി​യി​രു​ന്നു. ഇ​തി​ൽ 60 ശ​ത​മാ​നം തു​ക​യാ​യി​രു​ന്നു (38.94 കോ​ടി രൂ​പ) ഗ്രാ​ൻ​ഡ്. ഈ ​കേ​ന്ദ്രാ​വി​ഷ്‍കൃ​ത പ​ദ്ധ​തി ന​ട​പ്പാ​ക്കാ​ൻ മീ​റ്റ​റി​ന് ടെ​ൻ​ഡ​ർ വി​ളി​ച്ചെ​ങ്കി​ലും ഉ​യ​ർ​ന്ന ടെ​ൻ​ഡ​ർ തു​ക​യാ​ണെ​ന്ന് പ​റ​ഞ്ഞ് പ​ദ്ധ​തി​യി​ൽ​നി​ന്ന് പി​ൻ​വാ​ങ്ങു​ക​യാ​യി​രു​ന്നു.