Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഒ​റ്റ​മു​റി വീ​ട്ടി​ൽ...

ഒ​റ്റ​മു​റി വീ​ട്ടി​ൽ ആ​റു​വ​യ​സ്സു​കാ​രി​യെ​യും കൊ​ണ്ട്​ ക​ഴി​യു​ന്ന നി​ർ​ധ​ന കു​ടും​ബ​ത്തെ കു​ടി​യി​റ​ക്കാ​ൻ നീ​ക്കം

text_fields
bookmark_border
Under threat of eviction in kochi
cancel
camera_alt

പെരുമ്പടപ്പ് കോവളം തോട് പുറമ്പോക്കിൽ 15 വർഷമായി താമസിക്കുന്ന

പുളിക്കൽ റോസി ആൻറണിയുടെ വീട്

കൊ​ച്ചി: ഒ​റ്റ​മു​റി വീ​ട്ടി​ൽ ആ​റു​വ​യ​സ്സു​കാ​രി​യെ​യും കൊ​ണ്ട്​ ക​ഴി​യു​ന്ന നി​ർ​ധ​ന കു​ടും​ബ​ത്തെ കു​ടി​യി​റ​ക്കാ​ൻ നീ​ക്കം. പെ​രു​മ്പ​ട​പ്പ് കോ​വ​ളം തോ​ട് പു​റ​മ്പോ​ക്കി​ൽ 15 വ​ർ​ഷ​മാ​യി താ​മ​സി​ക്കു​ന്ന, പു​ളി​ക്ക​ൽ എം.​എ. മാ​ത്യു റോ​ഡി​ൽ റോ​സി ആ​ൻ​റ​ണി​ക്കാ​ണ്​ കു​ടി​യൊ​ഴി​യാ​ൻ ആ​വ​ശ്യ​പ്പെ​ട്ട്​ കോ​ർ​പ​റേ​ഷ​ൻ നോ​ട്ടീ​സ്​ ന​ൽ​കി​യ​ത്. ഈ​മാ​സം 17ന്​ ​വീ​ട്​ പൊ​ളി​ക്കു​മെ​ന്ന്​ സ്ഥ​ലം കൈ​യേ​റാ​ൻ ശ്ര​മി​ക്കു​ന്ന സാ​മൂ​ഹി​ക വി​രു​ദ്ധ​ർ ഭീ​ഷ​ണി​പ്പെ​ടു​ത്തു​ന്നു​ണ്ടെ​ന്നും അ​വ​ർ പ​റ​ഞ്ഞു.

സ്ഥ​ല​ത്തി​ന്​ പ​ട്ട​യം ല​ഭി​ക്കാ​ൻ പ​ല​ത​വ​ണ അ​പേ​ക്ഷ ന​ൽ​കി​യി​ട്ടും ഫ​ല​മു​ണ്ടാ​യി​ല്ല. തു​ട​ർ​ന്ന്​ 2019 മേ​യി​ൽ ഹൈ​കോ​ട​തി​യി​ൽ ന​ൽ​കി​യ ഹ​ര​ജി​യെ തു​ട​ർ​ന്ന്​ മൂ​ന്നു​മാ​സ​ത്തി​നു​ള്ളി​ൽ തീ​ർ​പ്പാ​ക്കാ​ൻ ക​ല​ക്​​ട​ർ​ക്ക്​ കോ​ട​തി നി​ർ​ദേ​ശം ന​ൽ​കി. തു​ട​ർ​ന്നും ഫ​ല​മി​ല്ലാ​തെ വ​ന്ന​പ്പോ​ൾ കോ​ട​തി​യ​ല​ക്ഷ്യ ഹ​ര​ജി ന​ൽ​കി​യി​ട്ടു​ണ്ട്. സ​മീ​പ​ത്തെ വ​ർ​ക്​​ഷോ​പ്പി​ന്​ എ​തി​രെ പ്ര​ദേ​ശ​വാ​സി​ക​ൾ ന​ൽ​കി​യ കൂ​ട്ട​പ​രാ​തി​യി​ൽ ഒ​പ്പി​ട്ട​താ​ണ്​ സാ​മൂ​ഹി​ക​വി​രു​ദ്ധ​രു​ടെ നീ​ക്കം ത​ങ്ങ​ൾ​ക്ക്​ എ​തി​രെ ഉ​ണ്ടാ​യ​തി​ന്​ പി​ന്നി​ലെ​ന്ന്​ റോ​സി​യു​ടെ മ​ക​ൾ ടെ​ൻ​സി പ​റ​ഞ്ഞു.

ടെ​ൻ​സി​യും ഭ​ർ​ത്താ​വ്​ ബി​ജു​വും ആ​റു​വ​യ​സ്സു​കാ​രി മ​ക​ളു​മാ​ണ്​ ഇ​വി​ടെ മാ​താ​വി​നൊ​പ്പം താ​മ​സി​ക്കു​ന്ന​ത്. സാ​മൂ​ഹി​ക​വി​രു​ദ്ധ ശ​ല്യം ഏ​റി​യ​പ്പോ​ൾ ആ​വ​ശ്യ​പ്പെ​ട്ട​ത​നു​സ​രി​ച്ച്​ പൊ​ലീ​സ്​ സം​ര​ക്ഷ​ണം ല​ഭി​ച്ചി​ട്ടു​ണ്ടെ​ന്നും അ​വ​ർ പ​റ​ഞ്ഞു.കു​ടി​യി​റ​ക്കു​ന്ന​തി​നെ ത​ട​ഞ്ഞു​ മു​ൻ​സി​ഫ്​ കോ​ട​തി​യി​ൽ​നി​ന്നു​ള്ള​ ഉ​ത്ത​ര​വ്​ നി​ല​നി​ൽ​ക്കെ​യാ​ണ്​ ര​ണ്ടാ​മ​തും ഒ​ഴി​പ്പി​ക്ക​ൽ നോ​ട്ടീ​സ്​ കോ​ർ​പ​റേ​ഷ​ൻ ജീ​വ​ന​ക്കാ​ർ പ​തി​ച്ച​ത്. വേ​ലി​യേ​റ്റ സ​മ​യ​ത്ത്​ വെ​ള്ളം ക​യ​റു​ന്ന ഇ​വി​ടെ വീ​ടി​ന്​ അ​റ്റ​കു​റ്റ​പ്പ​ണി ന​ട​ത്തേ​ണ്ട സ​മ​യം ക​ഴി​ഞ്ഞു.

അ​റ്റ​കു​റ്റ​പ്പ​ണി ന​ട​ത്തു​ന്ന​തി​നും ത​ട​സ്സം നി​ൽ​ക്കു​ക​യാ​ണ്​ സാ​മൂ​ഹി​ക​വി​രു​ദ്ധ​ർ. മേ​യ​ർ എം. ​അ​നി​ൽ​കു​മാ​റി​ന്​ ന​ൽ​കി​യ പ​രാ​തി​യെ തു​ട​ർ​ന്ന്​ അ​ദ്ദേ​ഹം ആ​വ​ശ്യ​പ്പെ​ട്ട​ത്​ പ്ര​കാ​രം ഡി​വി​ഷ​ൻ കൗ​ൺ​സി​ല​ർ​ക്ക്​ രേ​ഖ​ക​ളെ​ല്ലാം കൈ​മാ​റി കാ​ത്തി​രി​ക്കു​ക​യാ​ണ്​ കു​ടും​ബം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:threateviction
News Summary - Under threat of eviction in kochi
Next Story