യു.എൻ.എ ക്രമക്കേട്: ആദ്യ അന്വേഷണ റിപ്പോർട്ട്​ ഹാജരാക്കണമെന്ന്​ ഹൈകോടതി

കൊച്ചി: യുനൈറ്റഡ് നഴ്സസ് അസോസിയേഷനിലെ (യു.എൻ.എ) സാമ്പത്തിക ക്രമക്കേട് സംബന്ധിച്ച്​ ആദ്യം അന്വേഷണം നടത്തിയ ഉദ ്യോഗസ്​ഥ​​െൻറ റിപ്പോർട്ട്​ ഹാജരാക്കണമെന്ന്​ ഹൈകോടതി. സംഘടനയുടെ ശക്തി തകർക്കാൻ കരുതിക്കൂട്ടി ഉണ്ടാക്കിയ കേസാണിതെന്ന് ചൂണ്ടിക്കാട്ടി പ്രതികളായ യു.എൻ.എ ദേശീയ പ്രസിഡൻറ് എം. ജാസ്‌മിൻ ഷാ, ഷോബി ജോസഫ്, നിതിൻ മോഹൻ, പി. ഡി ജിത്തു എന്നിവർ നൽകിയ ഹരജി പരിഗണിക്കവേയാണ്​ ജസ്​റ്റിസ്​ പി. ഉബൈദി​​െൻറ ഉത്തരവ്​.

സംഘടനയുടെ ഫണ്ടിൽ തട്ടിപ്പു നടത്തിയെന്ന പരാതിയിൽ കഴമ്പില്ലെന്ന് ആദ്യം നടത്തിയ അന്വേഷണത്തിൽ വ്യക്തമായതായി ചൂണ്ടിക്കാട്ടിയാണ്​ ഹരജി നൽകിയത്​. ഇക്കാര്യം ചൂണ്ടിക്കാട്ടി അന്വേഷണ ഉദ്യോഗസ്ഥൻ ഇടക്കാല റിപ്പോർട്ട് നൽകിയിട്ടുണ്ട്. യു.എൻ.എയുടെ ഓഡിറ്റ് റിപ്പോർട്ടിലും ഇത്തരമൊരു ക്രമക്കേട് സംബന്ധിച്ച് പരാമർശമില്ല. ചില തൽപര കക്ഷികളുടെ രാഷ്​ട്രീയ ഇടപെടലുകളാണ് കേസിന് പിന്നിൽ. പരാതിയിലെ ആരോപണങ്ങൾ കെട്ടിച്ചമച്ചതും ദുരുദ്ദേശ്യത്തോടെയുള്ളതുമാണ്. നിലവിലെ അന്വേഷണത്തിൽ നീതി ലഭിക്കില്ലെന്ന് ആശങ്കയുണ്ടെന്നും ഈ സാഹചര്യത്തിൽ എഫ്.െഎ.ആർ റദ്ദാക്കണമെന്നുമാവശ്യപ്പെട്ടാണ്​ ഹരജി നൽകിയത്​.

2019 ഏപ്രിൽ 11നാണ്​ സാമ്പത്തിക ക്രമക്കേട്​ സംബന്ധിച്ച പരാതി യു.എൻ.എ എ.ഡി.ജി.പിക്ക്​ നൽകുന്നത്​. ൈ​ക്രംബ്രാഞ്ച്​ ഡിവൈ.എസ്​.പി ഇത്​ സംബന്ധിച്ച്​ അന്വേഷണം നടത്തി റിപ്പോർട്ട്​ നൽകി. ഇതിന്​ ശേഷമാണ്​ മറ്റൊരു ഉദ്യോഗസ്​ഥനെ അന്വേഷണത്തിന്​ ചുമതല​പ്പെടുത്തിയത്​. പരാതിയുടെ പകർപ്പും ആദ്യ അന്വേഷണ ഉദ്യോഗസ്​ഥൻ നൽകിയ റിപ്പോർട്ടിനൊപ്പം സമർപ്പിക്കാൻ കോടതി നിർദേശിച്ചു.