Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightപിന്തുണ തേടി...

പിന്തുണ തേടി യു.ഡി.എഫ്​ നേതാക്കൾ പാലായിൽ; നാളെ പറയാമെന്ന് മാണി

text_fields
bookmark_border
പിന്തുണ തേടി യു.ഡി.എഫ്​ നേതാക്കൾ പാലായിൽ; നാളെ പറയാമെന്ന് മാണി
cancel

പാലാ: ചെങ്ങന്നൂർ ഉപതെരഞ്ഞെടുപ്പിൽ പിന്തുണ തേടി യു.ഡി.എഫ്​​ നേതാക്കൾ കെ.എം. മാണിയുടെ വീട്ടിൽ. പ്രതിപക്ഷ നേതാവ്​ രമേശ്​ ചെന്നിത്തല, കെ.പി.സി.സി പ്രസിഡൻറ്​ എം.എം. ഹസൻ, മുൻ മുഖ്യമന്ത്രി ഉമ്മൻ ചാണ്ടി, മുസ്​ലിംലീഗ്​ നേതാവ്​ പി.കെ. കുഞ്ഞാലിക്കുട്ടി എം.പി എന്നിവരാണ്​ തിങ്കളാഴ്​ച വൈകീട്ട്​ മാണിയുടെ പാലായിലെ വസതിയിലെത്തിയത്​. കുഞ്ഞാലിക്കുട്ടി മുൻകൈയെടുത്ത്​ നടത്തിയ കൂടിക്കാഴ്​ചയിൽ മാണിയും മകൻ ജോസ്​ കെ. മാണി എം.പിയും മാത്രമാണ്​ പ​െങ്കടുത്തത്​.

കേരള കോൺഗ്രസ്​ എമ്മി​​​​െൻറ ചെങ്ങന്നൂരിലെ രാഷ്​ട്രീയ നിലപാട്​ ചൊവ്വാഴ്​ച പ്രഖ്യാപിക്കാനിരിക്കെയാണ്​ പിന്തുണ തേടി യു.ഡി.എഫ്​ നേതാക്കൾ ചെയർമാനായ മാണിയെ കാണാനെത്തിയത്​.ചെങ്ങന്നൂരിൽ യു.ഡി.എഫിന്​ പിന്തുണ അഭ്യർഥിച്ചാണ്​ എത്തിയതെന്ന്​ പി.കെ. കുഞ്ഞാലിക്കുട്ടി ആമുഖമായി മാണിയോട്​ പറഞ്ഞു. ഉമ്മൻ ചാണ്ടിയും രമേശും ഇതേ നിലപാട്​ ആവർത്തിച്ചു.

കേരള കോൺഗ്രസ്​ ഉപസമിതി ചൊവ്വാഴ്​ച യോഗം ​േചർന്ന ശേഷം നിലപാട്​ അറിയിക്കാമെന്ന്​ മാണി വ്യക്​തമാക്കി. എന്നാൽ, യു.ഡി.എഫിലേക്കുള്ള മടക്കം പാർട്ടിയുടെ വിവിധതലങ്ങളിൽ ചർച്ച​ ചെയ്യേണ്ടതുണ്ടെന്നും അദ്ദേഹം അറിയിച്ചു. കൂടിക്കാഴ്​ചയുടെ വിശദാംശങ്ങൾ യു.ഡി.എഫ്​ നേതാക്കളുടെ സാന്നിധ്യത്തിൽതന്നെ മാണി വർക്കിങ്​ ചെയർമാൻ പി.ജെ. ജോസഫിനെ ഫോണിൽ അറിയിച്ചു.​

യു.ഡി.എഫ്​ ഒരുമിച്ചെടുത്ത തീരുമാനത്തി​​​​െൻറ ഭാഗമാണ്​ സന്ദർശനമെന്നും മാണി യു.ഡി.എഫി​​​​െൻറ ഭാഗമാകണമെന്നുമാണ്​ തങ്ങളുടെ ആഗ്രഹമെന്നും നേതാക്കൾ പറഞ്ഞു. പെ​െട്ടന്നുള്ള തീരുമാനത്തി​​​​െൻറ ഭാഗമാണ്​ സന്ദർശനമെന്നായിരുന്നു ഹസ​​​​െൻറ പ്രതികരണം. മാണിയുമായുള്ള കൂടിക്കാഴ്​ച സൗഹാർദപരമായിരുന്നുവെന്നും അനുകൂല നിലപാട്​ ഉണ്ടാകുമെന്നും രമേശ്​ ചെന്നിത്തല പ്രതീക്ഷ പ്രകടിപ്പിച്ചു. ഉപസമിതി ചേർന്നശേഷം തീരുമാനം അറിയിക്കാമെന്ന്​ മാണി പറഞ്ഞതായും നേതാക്കൾ അറിയിച്ചു.

ചെങ്ങന്നൂരിൽ ഇടതുമുന്നണിയെ പിന്തുണക്കാനുള്ള നീക്കം കേരള കോൺഗ്രസിൽ രൂക്ഷപ്രതിസന്ധി സൃഷ്​ടിച്ചതിനിടെയാണ്​ യു.ഡി.എഫ്​ നേതാക്കളുടെ സന്ദർശനം. കേരള കോൺഗ്രസ്​ നിലപാടിനോടുള്ള പ്രതികരണം ഇടതുമുന്നണി ഇനിയും വ്യക്​തമാക്കാത്ത സാഹചര്യത്തിൽ യു.ഡി.എഫ്​ നേതാക്കളുടെ സന്ദർശനം കേരള കോൺഗ്രസിനും ആശ്വാസമാവുകയാണ്​.
 

കൂടിക്കാഴ്​ചക്ക്​ പ്രാധാന്യം, പുതിയ സാഹചര്യം ചർച്ച ചെയ്യും -ജോസഫ്​
തൊടുപുഴ: യു.ഡി.എഫ്​ നേതാക്കൾ കെ.എം. മാണിയെ കണ്ടതിൽ ​പ്രാധാന്യമുണ്ടെന്ന്​ കേ​രള കോൺഗ്രസ്​ വർക്കിങ്​ ചെയർമാൻ പി.ജെ. ജോസഫ്​. പ്രതിപക്ഷ നേതാവ്​ രമേശ്​ ​െചന്നിത്തല, മുൻ മുഖ്യമന്ത്രി ഉമ്മൻ ചാണ്ടി, കെ.പി.സി.സി പ്രസിഡൻറ്​ എം.എം. ഹസൻ, പി.കെ. കുഞ്ഞാലിക്കുട്ടി എന്നിവർ മാണിയുടെ വീട്ടിലെത്തി ചർച്ച നടത്തിയതിനോട്​ പ്രതികരിക്കുകയായിരുന്നു ജോസഫ്​. പുതിയ സാഹചര്യത്തിൽ എല്ലാ വിഷയങ്ങളും ചർച്ച ചെയ്യുമെന്നും നിലപാട്​ ഉപസമിതി യോഗത്തിന്​ ശേഷം വ്യക്​തമാക്കുമെന്നും ജോസഫ്​ തൊടുപുഴയിൽ മാധ്യമപ്രവർത്തകരോട്​ പറഞ്ഞു.


 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:k m manikerala newsmalayalam newschenganoor electionudf leaders
News Summary - UDF leaders will meet K M Mani today-kerala news
Next Story