വയനാട്ടിൽ രഹുൽ ഗാന്ധി; ആവേശ​ത്തോടെ യു.ഡി.എഫ്​

തിരുവനന്തപുരം​: രാഹുൽ ഗാന്ധി വയനാട്ടിൽ നിന്ന്​ മത്​സരിക്കുന്നത്​ ഏറെ സന്തോഷവും അഭിമാനവുമുള്ള സന്ദർഭമാണെന ്ന്​ ടി.സിദ്ധിഖ്​. അഖിലേന്ത്യ കോൺഗ്രസ്​ കമ്മിറ്റിയും കേരളത്തിലെ കോൺഗ്രസും തൻെറതടക്കമുള്ളവരുടെ ആഗ്രഹം സാധ ിപ്പിച്ചു തന്നിരിക്കുന്നു. യഥാർഥത്തിൽ ബി.ജെ.പിക്കും ഇടതുപക്ഷത്തിനും എതിരായി കോൺഗ്രസ്​ നടത്തിയ വിശ്വവിഖ്യാത സർജിക്കൽ സ്​ട്രൈക്കാണ്​ ഈ സ്​ഥാനാർഥിത്വ പ്രഖ്യാപനം. ഇതോടെ 20 മണ്ഡലങ്ങളും കോൺഗ്രസിന്​ ലഭിക്കും- ടി.സിദ്ധിഖ്​ പറഞ്ഞു.

രാഹുൽ ഗാന്ധി വയനാട്ടിൽ മത്​സരിക്കുമെന്ന്​ നല്ല വിശ്വാസമുണ്ടായിരുന്നുവെന്ന്​ കെ.പി.സി.സി പ്രസിഡൻറ്​ മുല്ലപ്പള്ളി രാമചന്ദ്രൻ. കേരളത്തിലെ ജനാധിപത്യ മതേതര വിശ്വാസികൾക്ക്​ സന്തോഷം നൽകുന്ന തീരുമാനമാണിത്​. ദക്ഷിണേന്ത്യയിൽ നിന്ന്​ കോൺ​ഗ്രസ്​ അധ്യക്ഷൻമാർ മത്​സരിച്ചപ്പോൾ കോൺഗ്രസിന്​​ നല്ല നേട്ടം ലഭിച്ചിട്ടുണ്ടെന്നും മുല്ലപ്പള്ളി പറഞ്ഞു.

ഫാസിസത്തിനെതിരായ പോരാട്ടത്തിലെ പോരാളിയായണ്​ രാഹുൽ ഇവിടെ എത്തുന്നത്​. അത്​ അഭിമാനമുഹൂർത്തം. ഇടതുപക്ഷം രാഹുലിൻെറ സ്​ഥാനാർഥിത്വത്തെ ഒഴിവാക്കാൻ വേണ്ടി ശ്രമിച്ചിട്ടുണ്ട്​. അതിനു പിന്നിൽ പ്രവർത്തിച്ചവരെ പിന്നീട്​ വെളിപ്പെടുത്തും. മതേതര ജനാധിപത്യ ബദൽ എന്നത്​ കോൺഗ്ര്​ ഉയർത്തിയ ആശയമാണ്​. കോടിയേരി ബാലകൃഷ്​ണൻ അടക്കമുള്ളവർ പൊളിറ്റ്​ ബ്യൂറോയിലേക്ക്​ തെരഞ്ഞെടുത്ത്​ അയച്ചവരാണ്​ മതേതര ബദലിന്​ തുരങ്കം വെച്ചത്​. കേരളത്തിൽ ഇത്​ നടപ്പാക്കാനാവാത്തതും അതു​കൊണ്ടാണ്​. കോടിയേരിയും പിണറായിയുമാണ്​ മതേതര ബദൽ പൊളിച്ചതെന്നും മുല്ലപ്പള്ളി ആരോപിച്ചു.

രാഹുൽ ഗാന്ധി വയനാട്ടിൽ മത്​സരിക്കുന്നത്​ വളരെ സന്തോഷമാണുള്ളതെന്ന്​ മുസ്​ലിം ലീഗ്​ നേതാവ്​ പി.കെ കുഞ്ഞാലിക്കുട്ടി. ഹൈദരലി ശിഹാബ്​ തങ്ങൾ വളരെ ആത്​മാർഥമായാണ്​ തീരുമാനം വൈകരുത്​ എന്ന്​ പറഞ്ഞത്​. ആഗ്രഹിച്ച തീരുമാനം തന്നെ വന്നിരിക്കുന്നു. കേരളത്തിലെ മൊത്തം ജനങ്ങളുടെ ആഗ്രഹമായിരുന്നു ഇത്​. അതിൽ കുറഞ്ഞതൊന്നും അവർ അംഗീകരിക്കുകയില്ലെന്നും പി.കെ കുഞ്ഞാലിക്കുട്ടി പറഞ്ഞു.