വയനാട്ടിൽ യു.ഡി.എഫ് ഹർത്താൽ; വാഹനങ്ങൾ തടഞ്ഞ പ്രവർത്തകരെ അറസ്റ്റ് ചെയ്തു നീക്കി

വൈത്തിരി: രൂ​ക്ഷ​മാ​യ വ​ന്യ​ജീ​വി ആ​ക്ര​മ​ണ​ത്തി​ൽ പ്ര​തി​ഷേ​ധി​ച്ച് വ​യ​നാ​ട്ടി​ൽ ഇന്ന് യു.​ഡി.​എ​ഫ് ആഹ്വാനം ചെയ്ത ഹ​ർ​ത്താ​ൽ. രാ​വി​ലെ ആ​റു മു​ത​ൽ വൈ​കീ​ട്ട് ആ​റു​വ​രെ​യാ​ണ് ഹ​ർ​ത്താ​ൽ. ലക്കിടിയിൽ ചുരം പ്രവേശന കവാടത്തിൽ വാഹനങ്ങൾ തടഞ്ഞ യു.ഡി.എഫ് നേതാക്കളെ പൊലീസ് അറസ്റ്റുചെയ്ത് നീക്കി. 10 പേരെയാണ് അറസ്റ്റ് ചെയ്തത്. അറസ്റ്റ് ചെയ്യപ്പെട്ട പ്രവർത്തകർ വൈത്തിരി പൊലീസ് സ്റ്റേഷന് മുന്നിൽ കുത്തിയിരുന്ന് പ്രതിഷേധിച്ചു.

ദി​വ​സേ​ന​യെ​ന്നോ​ണം ജി​ല്ല​യി​ൽ വ​ന്യ​ജീ​വി ആ​ക്ര​മ​ണ​ത്തി​ൽ മ​നു​ഷ്യ​ജീ​വ​നു​ക​ൾ ന​ഷ്ട​പ്പെ​ട്ടി​ട്ടും ന​ട​പ​ടി സ്വീ​ക​രി​ക്കാ​ത്ത സ​ർ​ക്കാ​ർ നി​ല​പാ​ടി​ൽ പ്ര​തി​ഷേ​ധി​ച്ചാ​ണ് യു.ഡി.എഫ് ഹ​ർ​ത്താൽ. അ​വ​ശ്യ സ​ർ​വി​സു​ക​ളെ​യും പ​രീ​ക്ഷ, വി​വാ​ഹം, പ​ള്ളി​ക്കു​ന്ന് തി​രു​നാ​ൾ എ​ന്നീ ആ​വ​ശ്യ​ങ്ങ​ൾ​ക്കു​ള്ള യാ​ത്ര​ക​ളെ​യും ഒ​ഴി​വാ​ക്കി​യി​ട്ടു​ണ്ട്. അ​തേ​സ​മ​യം, ഹ​ർ​ത്താ​ലു​മാ​യി സഹകരിക്കില്ലെന്ന് കേ​ര​ള വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി ജില്ലാ നേതാക്കളും ബസുടമകളും അറിയിച്ചു.

വ​യ​നാ​ട്ടി​ൽ ഇന്നലെ തു​ട​ർ​ച്ച​യാ​യ ര​ണ്ടാം​ദി​ന​വും കാ​ട്ടാ​ന​ക്ക​ലി​യി​ൽ മ​നു​ഷ്യ​ജീ​വ​ൻ പൊ​ലി​ഞ്ഞതോടെ വ്യാപക പ്രതിഷേധമുയരുകയാണ്. അ​ട്ട​മ​ല എ​റാ​ട്ടു​ക്കു​ണ്ട് ചോ​ല​നാ​യ്ക്ക ഉ​ന്ന​തി​യി​ലെ ക​റു​പ്പ​ൻ-​ബി​ന്ദു ദ​മ്പ​തി​ക​ളു​ടെ മ​ക​ൻ ബാ​ല​കൃ​ഷ്ണ​നാ​ണ് (27) ഇന്നലെ കാട്ടാന ആക്രമണത്തിൽ കൊ​ല്ല​പ്പെ​ട്ട​ത്. ഉ​രു​ൾ​ദു​ര​ന്ത​ത്തെ​തു​ട​ര്‍ന്ന് താ​ല്‍ക്കാ​ലി​ക പു​ന​ര​ധി​വാ​സ​ത്തി​ന്റെ ഭാ​ഗ​മാ​യി അ​ട്ട​മ​ല​യി​ലെ എ​സ്റ്റേ​റ്റ് പാ​ടി​യി​ലാ​ണ് ബാ​ല​കൃ​ഷ്ണ​നും കു​ടും​ബ​വും ക​ഴി​യു​ന്ന​ത്. ചൊ​വ്വാ​ഴ്ച വൈ​കീ​ട്ട് ഏ​ഴി​ന് ചൂ​ര​ൽ​മ​ല അ​ങ്ങാ​ടി​യി​ലെ​ത്തി സാ​ധ​ന​ങ്ങ​ൾ വാ​ങ്ങി പാ​ടി​യി​ലേ​ക്ക് മ​ട​ങ്ങി​പ്പോ​യി​രു​ന്നു. തു​ട​ർ​ന്ന് എ​റാ​ട്ട്കു​ണ്ട് ഉ​ന്ന​തി​യി​ലേ​ക്ക് ത​നി​ച്ച് പോ​വു​ന്ന​തി​നി​ടെ തേ​യി​ല​ത്തോ​ട്ട​ത്തി​ലൂ​ടെ ഇ​റ​ങ്ങി​വ​ന്ന കാ​ട്ടാ​ന​യു​ടെ മു​ന്നി​ൽ​പെ​ടു​ക​യാ​യി​രു​ന്നു.