തിങ്കളാഴ്ച ഇടുക്കിയിൽ യു.ഡി.എഫിന്റെ ഹർത്താൽ

കട്ടപ്പന: ഭൂനിയമങ്ങൾ കാലോചിതമായി ഭേദഗതി ചെയ്യുക, കേരളത്തിൽ സീറോ കരുതൽ മേഖല എന്ന യു.ഡി.എഫ് തീരുമാനം പുനഃസ്ഥാപിക്കുക, കെട്ടിട നിർമാണ നിരോധന ഉത്തരവുകൾ പിൻവലിക്കുക എന്നീ ആവശ്യങ്ങൾ ഉന്നയിച്ച്​ യു.ഡി.എഫ്​ തിങ്കളാഴ്ച ഇടുക്കി ജില്ലയിൽ ഹർത്താൽ ആചരിക്കും.

രാവിലെ ആറുമുതൽ വൈകീട്ട് ആറുവരെയാണ്​ ഹർത്താൽ. ശബരിമല തീർഥാടനം, വിവാഹം, പാൽവിതരണം, പത്രം എന്നിവയെ ഹർത്താലിൽനിന്ന്​ ഒഴിവാക്കിയതായി യു.ഡി.എഫ്​ ഭാരവാഹികൾ അറിയിച്ചു.