പാവപ്പെട്ടവർക്ക്​ മാസം 6,000, ക്ഷേമപെൻഷൻ 3000 ആക്കി ഉയർത്തും; യു.ഡി.എഫ്​ പ്രകടനപത്രിക പുറത്തിറക്കി

തി​രു​വ​ന​ന്ത​പു​രം: ദ​രി​ദ്ര കു​ടും​ബ​ങ്ങ​ൾ​ക്ക്​ പ്ര​തി​മാ​സം 6000 രൂ​പ ഉ​റ​പ്പ്​ വ​രു​ത്തു​ന്ന ന്യാ​യ്​ പ​ദ്ധ​തി​യും ക്ഷേ​മ പെ​ൻ​ഷ​ൻ 3000 രൂ​പ​യാ​യി വ​ർ​ധി​പ്പി​ക്കു​മെ​ന്ന​തു​മ​ട​ക്കം ജ​ന​പ്രി​യ പ്ര​ഖ്യാ​പ​ന​ങ്ങ​ളു​മാ​യി യു.​ഡി.​എ​ഫ്​ പ്ര​ക​ട​ന​പ​ത്രി​ക. തി​രു​വ​ന​ന്ത​പു​ര​ത്ത്​ ന​ട​ന്ന ച​ട​ങ്ങി​ൽ മു​തി​ർ​ന്ന നേ​താ​ക്ക​ൾ ചേ​ർ​ന്ന്​ പ​ത്രി​ക പു​റ​ത്തി​റ​ക്കി.

ന്യാ​യ്​ പ​ദ്ധ​തി​യി​ൽ വ​ർ​ഷം 72,000 രൂ​പ​യാ​ണ്​ പാ​വ​പ്പെ​ട്ട കു​ടും​ബ​ങ്ങ​ൾ​ക്ക് ല​ഭി​ക്കു​ക. ഇൗ ​പ​ദ്ധ​തി​യി​ൽ ഉ​ൾ​പ്പെ​ടാ​ത്ത 40-60 പ്രാ​യ​പ​രി​ധി​യി​ലെ എ​ല്ലാ തൊ​ഴി​ൽ ര​ഹി​ത വീ​ട്ട​മ്മ​മാ​ർ​ക്കും പ്ര​തി​മാ​സം 2000 രൂ​പ അ​നു​വ​ദി​ക്കും. ശ​ബ​രി​മ​ല വി​ശ്വാ​സി​ക​ളു​ടെ ആ​ശ​ങ്ക​യ​ക​റ്റാ​ൻ ആ​ചാ​ര സം​ര​ക്ഷ​ണ​ത്തി​ന്​ പ്ര​ത്യേ​കം നി​യ​മം ന​ട​പ്പാ​ക്കും. സൗ​ജ​ന്യ റേ​ഷ​ൻ പു​നഃ​സ്ഥാ​പി​ക്കു​ന്ന​തി​നൊ​പ്പം എ​ല്ലാ ​വെ​ള്ള​ക്കാ​ർ​ഡു​കാ​ർ​ക്കും അ​ഞ്ചു കി​ലോ സൗ​ജ​ന്യ അ​രി​യും അ​ർ​ഹ​രാ​യ കു​ടും​ബ​ങ്ങ​ൾ​ക്ക്​ മു​ൻ​ഗ​ണ​ന റേ​ഷ​ൻ കാ​ർ​ഡും ഉ​റ​പ്പ്​ വ​രു​ത്തും.

കോ​വി​ഡി​നെ തു​ട​ർ​ന്ന്​ ക​ഷ്​​ട​ത്തി​ലാ​യ​വ​ർ​ക്ക്​ പ​ല​വ്യ​ഞ്​​ജ​ന​ങ്ങ​ള​ട​ങ്ങി​യ ഭ​ക്ഷ്യ​കി​റ്റ്​ ന​ൽ​കും. ശ​മ്പ​ള ക​മീ​ഷ​ൻ മാ​തൃ​ക​യി​ൽ ക്ഷേ​മ പെ​ൻ​ഷ​ൻ ക​മീ​ഷ​ൻ രൂ​പ​വ​ത്​​ക​രി​ക്കും. സ​ർ​ക്കാ​ർ ജോ​ലി​ക്കാ​യി പ​രീ​ക്ഷ​യെ​ഴു​തു​ന്ന അ​മ്മ​മാ​ർ​ക്ക് പ്രാ​യ​പ​രി​ധി​യി​ൽ ​ ര​ണ്ടു വ​ർ​ഷം ഇ​ള​വ്​ ന​ൽ​കും. നി​ബ​ന്ധ​ന​ക​ളോ​ടെ കാ​ർ​ഷി​ക ക​ട​ങ്ങ​ൾ എ​ഴു​തി​ത്ത​ള്ളും. റ​ബ​റി​ന്​ 250, നെ​ല്ലി​ന്​ 30, നാ​ളി​കേ​ര​ത്തി​ന്​ 40 രൂ​പ വീ​തം താ​ങ്ങു​വി​ല ഏ​ർ​പ്പെ​ടു​ത്തും. പ്ര​ത്യേ​ക കാ​ർ​ഷി​ക ബ​ജ​റ്റ്​ ന​ട​പ്പാ​ക്കും. ശബരിമല ആചാര സംരക്ഷണത്തിനായി നിയമം നിർമ്മിക്കുമെന്നും യു.ഡി.എഫ്​ വാഗ്​ദാനം ചെയ്യുന്നു.

പ്രകടന പത്രികയിലെ വാഗ്​ദാനങ്ങൾ

• പാവപ്പെട്ടവർക്ക്​ പ്രതിമാസം 6,000 രൂപ നൽകും
• ക്ഷേമപെൻഷൻ 3,000 രൂപയാക്കി വർധിപ്പിക്കും
• എല്ലാ വെള്ളക്കാർഡുകാർക്കും അഞ്ച്​ കിലോ സൗജന്യ അരി
• കോവിഡ് ദുരന്തനിവാരണ കമീഷൻ രൂപീകരിക്കും
• ശബരിമല ആചാര സംരക്ഷണത്തിനായി പ്രത്യേക നിയമം കൊണ്ടുവരും.
• കാരുണ്യ ചികിത്സ പദ്ധതി പുനരാരംഭിക്കും.
• സൗജന്യ റേഷൻ പുനഃസ്​ഥാപിക്കും.
• പ്രത്യേക കാർഷിക ബജറ്റ് അവതരിപ്പിക്കും
• അർഹരായവർക്ക് അഞ്ചു ലക്ഷം പേർക്ക്​ വീട്​
• ന്യായ്​ പദ്ധതിയിൽ ഉൾപ്പെടാത്ത വീട്ടമാർക്ക്​ 2000 രൂപ
• കൂടുതൽ വിഭവങ്ങളുമായി കൂടുതൽ പേർക്ക്​ സൗജന്യ ഭക്ഷ്യകിറ്റ്​
• കേരളത്തിലെങ്ങും ബില്ല്​ രഹിത ആശുപത്രികൾ.
• എല്ലാ ഉപഭോക്​താക്കൾക്കും 100 യൂണിറ്റ്​ വൈദ്യുതി സൗജന്യം.
• ഓ​ട്ടോറിക്ഷ, ടാക്​സി, മത്സ്യബന്ധന ബോട്ടുകൾ എന്നിവക്ക്​ സംസ്​ഥാന നികുതിയിൽ നിന്നും ഇന്ധന സബ്​സിഡി.
• ഭിന്നശേഷിക്കാർക്ക്​ വാഹനങ്ങൾ വാങ്ങാൻ പ്രത്യേക ധനസഹായവും വായ്​പയും
• പട്ടികജാതി/വർഗ/മത്സ്യത്തൊഴിലാളി വിഭാഗങ്ങൾക്ക്​ ഭവന നിർമാണത്തുക നാല്​ ലക്ഷത്തിൽ നിന്ന്​ ആറ്​ ലക്ഷം രൂപയാക്കും
• വനാവകാശ നിയമം പൂർണമായി നടപ്പാക്കും.
• ആദിവാസി സമൂഹത്തിന്‍റെ വനാവകാശം സംരക്ഷിക്കും.
• ഭിന്നശേഷിക്കാർക്ക് വാഹനം വാങ്ങാൻ സഹായം
• ഹൃദ്രോഗികളായ മത്സ്യത്തൊഴിലാളികൾക്ക് പ്രത്യേക ഇൻഷുറൻസ്
• ഉന്നത വിദ്യാഭ്യാസ അവലോകന കമീഷൻ
• പീസ് ആൻഡ് ഹാർമണി വകുപ്പ് രൂപീകരിക്കും
• അനാഥരായ കുട്ടികളെ സർക്കാർ ഏറ്റെടുക്കും
• പിൻവാതിൽ നിയമനങ്ങൾ പുനഃപരിശോധിക്കും
• മിനിമം കൂടി 700 രൂപയാക്കും
• അഴിമതി ഇല്ലാതാക്കാൻ സ്റ്റേറ്റ് വിജിലൻസ് കമീഷൻ
• മലയോര മേഖലയിലെ എല്ലാവർക്കും പട്ടയം
• ആയുർവേദ-സ്പോർട്സ് സർവകലാശാല സ്ഥാപിക്കും
• പട്ടണങ്ങളിൽ ചെറുവനങ്ങൾ നിർമിക്കും
• വിനോദ സഞ്ചാര മേഖലക്ക് പ്രത്യേക പാക്കേജ്
• വനിതാ സംരംഭകർക്ക് പ്രത്യേക വായ്പ
• അഞ്ച് ഏക്കറിൽ കുറവുള്ള കർഷകരുടെ കടങ്ങൾ എഴുതി തള്ളും
• സൗജന്യ ചികിത്സ ലഭിക്കുന്ന ആശുപത്രികൾ സ്ഥാപിക്കും
• പി.എസ്.സി അപേക്ഷകരായ അമ്മമാർക്ക് രണ്ട് വയസ് ഇളവ് അനുവദിക്കും
• എസ്.സി-എസ്.ടി ഭവന നിർമാണത്തിന് 6 ലക്ഷം രൂപ