ഭിന്നിപ്പിക്കലിനെതിരെ താക്കീതും ഐക്യാഹ്വാനവുമായി ബഹുസ്വരത സംഗമം

തിരുവനന്തപുരം: മണിപ്പൂർ വംശഹത്യയിൽ പ്രതിഷേധിച്ചും ഏക സിവിൽ കോഡിനെതിരായ ജനകീയ പ്രക്ഷോഭങ്ങൾക്ക് ഐക്യദാർഢ്യമേകിയും യു.ഡി.എഫ് ബഹുസ്വരത സംഗമം. കേന്ദ്രത്തിന്‍റെ ധ്രുവീകരണനീക്കങ്ങളെയും രാഷ്ട്രീയ കുതന്ത്രങ്ങളെയും ഒത്തൊരുമകൊണ്ട് ചെറുത്ത് തോൽപ്പിക്കണമെന്ന് സംഗമം ആഹ്വാനം ചെയ്തു. രാഷ്ട്രീയ-മത-സമുദായ-സാംസ്കാരിക രംഗങ്ങളിലെ പ്രമുഖരുടെ സാന്നിധ്യത്തിൽ സംഗമം ശ്രദ്ധേയവും പ്രസക്തവുമായി.

ജനിച്ചുവളര്‍ന്ന രാജ്യത്ത് ജീവിക്കാനാകില്ലെന്ന അവസ്ഥയുണ്ടാകുമ്പോള്‍ ഒറ്റക്കല്ല, ഒറ്റക്കെട്ടായി വേണം പ്രതിരോധിക്കേണ്ടതെന്ന് പ്രതിപക്ഷനേതാവ് വി.ഡി. സതീശൻ പറഞ്ഞു. ഏക വ്യക്തിനിയമം മുസ്ലിംകളെ മാത്രം ബാധിക്കുന്ന വിഷയമായി ചുരുക്കാനാണ് ചിലര്‍ ശ്രമിച്ചത്. ഭിന്നിപ്പിക്കാന്‍ ഭരണകൂടങ്ങള്‍തന്നെ ശ്രമിക്കുമ്പോഴാണ് അരക്ഷിതാവസ്ഥയുണ്ടാകുന്നത്. ഭിന്നിപ്പിക്കാന്‍ ശ്രമിക്കുമ്പോഴും നാം ഒന്നിക്കാന്‍ ശ്രമിക്കണം. ഏക സിവില്‍ കോഡിനെതിരെയും മണിപ്പൂർ വംശഹത്യക്കെതിരെയും ജാതി, മത, രാഷ്ട്രീയ ഭേദെമന്യേ ജനമനസ്സാക്ഷി ഉണർന്നത് വലിയ സന്ദേശമാണ് നല്‍കുന്നതെന്നും അദ്ദേഹം പറഞ്ഞു. ഫാഷിസത്തിന്റെ കടന്നുകയറ്റം രാജ്യത്തിന്റെ നാനാമേഖലകളിലും പടര്‍ന്നുപിടിക്കുകയാണെന്ന് മുസ്ലിം ലീഗ് സംസ്ഥാന അധ്യക്ഷൻ പാണക്കാട് സാദിഖലി ശിഹാബ് തങ്ങള്‍ പറഞ്ഞു. രാജ്യത്തെ ഫാഷിസ്റ്റ് ശക്തികള്‍ക്ക് വിട്ടുകൊടുക്കാന്‍ പാടില്ല. ബഹുസ്വരതയാണ് ഇന്ത്യയുടെ ശക്തി. ബഹുസ്വരത ദേശീയതയെയും ദേശീയത ബഹുസ്വരതെയയും ശക്തിപ്പെടുത്തുംവിധം രണ്ടുഘടകങ്ങളും പരസ്പരപൂരകമാണ്. വര്‍ണാഭമായ ഇന്ത്യയുടെ ചക്രവാളത്തില്‍ കാര്‍മേഘം മൂടാന്‍ പാടില്ലെന്നും അദ്ദേഹം പറഞ്ഞു.

വൈവിധ്യങ്ങളും വ്യത്യസ്തതകളുമാണ് രാജ്യത്തിന്‍റെ ഐക്യത്തിന് കാരണമെന്ന് മലങ്കര കത്തോലിക്ക സഭ തിരുവനന്തപുരം മേജര്‍ അതിരൂപത വികാരി ജനറൽ മോണ്‍.ഡോ. വര്‍ക്കി ആറ്റുപുറത്ത് പറഞ്ഞു.

എം.എം. ഹസൻ, പി.കെ. കുഞ്ഞാലിക്കുട്ടി, പി.ജെ. ജോസഫ്, രമേശ് ചെന്നിത്തല, സി.പി. ജോൺ, ഷിബു ബേബിജോൺ, അനൂപ് ജേക്കബ്, സലിം പി. മാത്യു, കെ. മുരളീധരൻ, ബെന്നി ബഹ്നാൻ, അടൂർ പ്രകാശ്, റോജി എം. ജോൺ, അൻവർ സാദത്ത്, എം. വിൻെസൻറ്, സനീഷ് കുമാർ ജേക്കബ്, മാത്യു കുഴൽനാടൻ, അടൂർ ഗോപാലകൃഷ്ണൻ, ഡോ. എം.ആർ. തമ്പാൻ, അബ്ദുൽസലാം ബാഖവി, മുഹമ്മദ് കുഞ്ഞ് സഖാഫി, പി. മുജീബ് റഹ്മാൻ, എച്ച്.ഇ. മുഹമ്മദ് ബാബുസേട്ട്, ഡോ. ഐ.പി. അബ്ദുൽസലാം, പി.എൻ. അബ്ദുൽ ലത്തീഫ് മദനി, ടി.കെ. അഷ്റഫ്, പാളയം ഇമാം ഡോ.വി.പി. സുഹൈബ് മൗലവി, തൊടിയൂർ മുഹമ്മദ് കുഞ്ഞ് മൗലവി, അഡ്വ. കെ.പി. മുഹമ്മദ്, ഫാ. മോർജി കൈതപ്പറമ്പിൽ, ഡോ. ജെറിൻ ചേരുവിള, ഡോ. ജാൻസി ജെയിംസ്, ഷാനിമോൾ ഉസ്മാൻ, ജ്യോതി വിജയകുമാർ, ടി.ആർ. മധു, കുട്ടപ്പൻ ചെട്ടിയാർ, സ്വാമി അഭയാനന്ദ, പാലോട് രവി, കെ.എ. ഷെഫീഖ്, പി.കെ. വേണുഗോപാൽ, ബീമാപള്ളി റഷീദ് തുടങ്ങിയവർ പങ്കെടുത്തു.

വ്യത്യസ്ത സ്വരങ്ങൾ മുഴക്കമേറിയ മുദ്രാവാക്യമായി..

തി​രു​വ​ന​ന്ത​പു​രം: സം​ഘ്​​പ​രി​വാ​ർ ധ്രു​വീ​ക​ര​ണ രാ​ഷ്ട്രീ​യ​ത്തി​നെ​തി​രെ വി​വി​ധ സ്വ​ര​ങ്ങ​ൾ ചേ​ർ​ത്തു​ള്ള മു​ഴ​ക്ക​മേ​റി​യ മു​ദ്രാ​വാ​ക്യ​മാ​യി യു.​ഡി.​എ​ഫ്​ ബ​ഹു​സ്വ​ര​ത സം​ഗ​മം. അ​ക​റ്റി​നി​ർ​ത്തി​യും ഭി​ന്നി​പ്പി​ച്ചു​മു​ള്ള വോ​ട്ടു​ബാ​ങ്ക്​ നീ​ക്ക​ങ്ങ​ൾ​ക്കെ​തി​രെ എ​ല്ലാ വി​ഭാ​ഗ​ങ്ങ​ളെ​യും ചേ​ർ​ത്ത്​ നി​ർ​ത്തി​യു​ള്ള പ്ര​തി​രോ​ധം എ​ന്ന നി​ല​യി​ലാ​ണ്​ സം​ഗ​മം ശ്ര​​ദ്ധേ​യ​മാ​യ​ത്.

മ​ണി​പ്പൂ​രി​ലെ സം​ഘ​ര്‍ഷ​ങ്ങ​ള്‍ക്ക് ഒ​രു നി​മി​ഷം​പോ​ലും വൈ​കാ​തെ പ​രി​ഹാ​രം കാ​ണ​ണ​മെ​ന്നു സം​വി​ധാ​യ​ക​ന്‍ അ​ടൂ​ര്‍ ഗോ​പാ​ല​കൃ​ഷ്ണ​ന്‍ പ​റ​ഞ്ഞു. രാ​ജ്യ​ത്ത് ഒ​രു ഭ​ര​ണ​വ്യ​വ​സ്ഥ വേ​ണ്ടേ എ​ന്നു സു​പ്രീം​കോ​ട​തി പോ​ലും പ​റ​ഞ്ഞ​ത് ഈ ​സം​ഭ​വ​ത്തി​നു ഗൗ​ര​വം വ​ര്‍ധി​പ്പി​ക്കു​ന്ന​താ​യി അ​ദ്ദേ​ഹം കൂ​ട്ടി​ച്ചേ​ർ​ത്തു.

രാ​ഷ്ട്രീ​യ ആ​വ​ശ്യ​ങ്ങ​ള്‍ക്കു​വേ​ണ്ടി ജ​ന​ങ്ങ​ളെ ഭി​ന്നി​പ്പി​ക്കു​ന്ന സാ​ഹ​ച​ര്യ​മാ​ണ് രാ​ജ്യ​ത്ത് നി​ല​നി​ല്‍ക്കു​ന്ന​തെ​ന്ന് പി.​കെ. കു​ഞ്ഞാ​ലി​ക്കു​ട്ടി പ​റ​ഞ്ഞു. രാ​ജ്യ​ത്തി​ന്റെ വൈ​വി​ധ്യം ഒ​രു പാ​ര്‍ട്ടി വി​ചാ​രി​ച്ചാ​ല്‍ മാ​റ്റാ​നാ​കി​ല്ല. വ​ര്‍ഗീ​യ​ത​യു​ടെ രാ​ഷ്ട്രീ​യം ജ​ന​ങ്ങ​ള്‍ക്കി​ട​യി​ലേ​ക്കു ക​ട​ത്തി​വി​ടാ​നാ​ണ് ശ്ര​മം. ഇ​ത്ര​യൊ​ക്കെ സം​ഭ​വി​ച്ചി​ട്ടും നി​സ്സം​ഗ​നാ​യി​രു​ന്ന്​ പ്ര​ധാ​ന​മ​ന്ത്രി ന​മ്മെ ഭ​യ​പ്പെ​ടു​ത്തു​ക​യാ​ണെ​ന്ന്​ അ​ദ്ദേ​ഹം പ​റ​ഞ്ഞു. കേ​ന്ദ്ര സ​ര്‍ക്കാ​റി​ന്റെ തെ​റ്റാ​യ ന​ട​പ​ടി​ക​ളാ​ണ് ഇ​പ്പോ​ഴും മ​ണി​പ്പൂ​രി​ല്‍ സം​ഘ​ര്‍ഷം തു​ട​രു​ന്ന​തി​ന് കാ​ര​ണ​മാ​കു​ന്ന​തെ​ന്ന്​ ര​മേ​ശ് ചെ​ന്നി​ത്ത​ല വ്യ​ക്ത​മാ​ക്കി. പ്ര​ധാ​ന​മ​ന്ത്രി ന​രേ​ന്ദ്ര മേ​ദി​യും കേ​ന്ദ്ര സ​ര്‍ക്കാ​റു​മാ​ണ് ഇ​തി​നു പ്ര​ധാ​ന കാ​ര​ണ​ക്കാ​ര്‍. മ​ണി​പ്പൂ​രി​ന്റെ മാ​ത്ര​മ​ല്ല, ഇ​ന്ന് നോ​ര്‍ത്ത് ഈ​സ്റ്റി​ന്റെ ആ​കെ പ്ര​ശ്ന​മാ​ണ്. ക്രൈ​സ്ത​വ വി​ഭാ​ഗ​ത്തെ ഇ​ല്ലാ​താ​ക്കാ​നു​ള്ള ന​ട​പ​ടി​ക​ളാ​ണ് ഇ​വി​ടെ ന​ട​ക്കു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

ഏ​ക സി​വി​ൽ​കോ​ഡും മ​ണി​പ്പൂ​ർ വം​ശ​ഹ​ത്യ​യും സം​ഘ്​​പ​രി​വാ​ർ മു​ന്നോ​ട്ടു​വെ​ക്കു​ന്ന വം​ശ​വെ​റി​യി​ൽ അ​ധി​ഷ്ഠി​ത​മാ​യ രാ​ഷ്ട്രീ​യ​ത്തി​ന്‍റെ സ്വാ​ഭാ​വി​ക പ​രി​ണ​തി​യാ​ണെ​ന്ന്​ ജ​മാ​അ​ത്തെ ഇ​സ്​​ലാ​മി കേ​ര​ള അ​മീ​ർ പി. ​മു​ജീ​ബ്​ റ​ഹ്​​മാ​ൻ പ​റ​ഞ്ഞു.​ബ​ഹു​സ്വ​ര സ​മൂ​ഹ​ത്തെ ചേ​ർ​ത്തു​നി​ർ​ത്തി​യേ ഈ ​ഭി​ന്നി​പ്പി​ന്‍റെ രാ​ഷ്ട്രീ​യ​ത്തെ ചെ​റു​ക്കാ​നാ​കൂ. ഹി​ന്ദു-​മു​സ്​​ലിം ദ്വ​ന്ദ്വം സൃ​ഷ്ടി​ച്ച്​ രാ​ഷ്ട്രീ​യ അ​ജ​ണ്ട ന​ട​പ്പാ​ക്കു​ക​യെ​ന്ന​ത്​ സം​ഘ്​​പ​രി​വാ​ർ ല​ക്ഷ്യ​ത്തി​ന്‍റെ ഭാ​ഗ​മാ​ണ്. വെ​റു​പ്പി​ന്‍റെ ച​ന്ത​യി​ൽ സ്​​നേ​ഹ​ത്തി​ന്‍റെ ക​ട തു​റ​ന്നു​കൊ​ണ്ട​ല്ലാ​തെ വം​ശീ​യ​ത​യു​ടെ രാ​ഷ്ട്രീ​യ​ത്തെ ചെ​റു​ക്കാ​നാ​വി​ല്ലെ​ന്നും അ​ദ്ദേ​ഹം പ​റ​ഞ്ഞു.

നൂ​റ്റാ​ണ്ടു​ക​ളാ​യി വ്യ​ത്യ​സ്ത ജ​ന​സ​മൂ​ഹ​ങ്ങ​ള്‍ ഒ​രു​മി​ച്ചു താ​മ​സി​ക്കു​ന്ന ഇ​ട​മാ​ണ് ന​മ്മു​ടെ രാ​ജ്യ​മെ​ന്ന്​ പി.​ജെ. ജോ​സ​ഫ് അ​ഭി​പ്രാ​യ​പ്പെ​ട്ടു. ഏ​ക സി​വി​ല്‍കോ​ഡ് അ​ടി​ച്ചേ​ല്‍പ്പി​ക്കാ​നാ​ണ്​ ശ്ര​മം. മ​ണി​പ്പൂ​രി​ലെ സം​ഭ​വ​ങ്ങ​ള്‍ രാ​ജ്യ​ത്തി​ന്​ അ​പ​മാ​ന​മാ​യി മാ​റി. അ​വ​രെ സം​ര​ക്ഷി​ക്കാ​ന്‍ ആ​രു​മി​ല്ലാ​ത്ത സാ​ഹ​ച​ര്യ​മാ​ണ്. 160ല്‍ ​അ​ധി​കം പേ​ര്‍ കൊ​ല്ല​പ്പെ​ടു​ക​യും അ​റു​പ​തി​നാ​യി​ര​ത്തി​ല്‍ അ​ധി​കം​പേ​ര്‍ ഭ​വ​ന​ര​ഹി​ത​രാ​കു​ക​യും 250ല്‍ ​അ​ധി​കം ക്രൈ​സ്ത​വ ദേ​വാ​ല​യ​ങ്ങ​ള്‍ ന​ശി​പ്പി​ക്ക​പ്പെ​ടു​ക​യും ചെ​യ്ത മ​ണി​പ്പൂ​രി​ല്‍ ഇ​ന്നും ക​ലാ​പം തു​ട​രു​ന്ന സാ​ഹ​ച​ര്യ​മാ​ണു​ള്ള​തെ​ന്ന്​ പ​രി​പാ​ടി​യി​ല്‍ സം​സാ​രി​ച്ച ലൂ​ര്‍ദ് ഫൊ​റോ​ന വി​കാ​രി ഫാ. ​മോ​ര്‍ളി കൈ​ത​പ്പ​റ​മ്പി​ല്‍ പ​റ​ഞ്ഞു.