ഉരുട്ടിക്കൊലക്കേസ്​:  ഉരുട്ടാനുപയോഗിച്ച കട്ടിലും കമ്പിയും  സാക്ഷി തിരിച്ചറിഞ്ഞു 

തി​രു​വ​ന​ന്ത​പു​രം: ഫോ​ർ​ട്ട്​ പൊ​ലീ​സ്​ സ്​​റ്റേ​ഷ​നി​ൽ ഉ​ദ​യ​കു​മാ​റെ​ന്ന യു​വാ​വി​നെ ഉ​രു​ട്ടി​ക്കൊ​ല​പ്പെ​ടു​ത്തി​യെ​ന്ന കേ​സി​ൽ വീ​ണ്ടും നി​ർ​ണാ​യ​ക വെ​ളി​പ്പെ​ടു​ത്ത​ൽ. ഉ​ദ​യ​കു​മാ​റി​നെ പൊ​ലീ​സു​കാ​ർ ഉ​രു​ട്ടി​ക്കൊ​ല​പ്പെ​ടു​ത്താ​ൻ ഉ​പ​യോ​ഗി​ച്ച ഇ​രു​മ്പ് ക​ട്ടി​ൽ, ബെ​ഞ്ച്, ഇ​രു​മ്പു ക​മ്പി എ​ന്നി​വ സാ​ക്ഷി തി​രി​ച്ച​റി​ഞ്ഞു. കൊ​ല​പാ​ത​ക​ത്തി​നു​ശേ​ഷം ഫോ​റ​ൻ​സി​ക്​ പ​രി​ശോ​ധ​ന ന​ട​ത്തി​യ തി​രു​വ​ന​ന്ത​പു​രം ഫോ​റ​ൻ​സി​ക് ലാ​ബ് അ​സി​സ്​​റ്റ​ൻ​റ് ഡ​യ​റ​ക്ട​ർ അ​ല​ക്സാ​ണ്ട​ർ തോ​മ​സാ​ണ് കേ​സി​ലെ നി​ർ​ണാ​യ​ക വ​സ്തു​ക്ക​ൾ കോ​ട​തി​യി​ൽ തി​രി​ച്ച​റി​ഞ്ഞ​ത്.

ഉ​ദ​യ​കു​മാ​റി​​െൻറ വ​സ്​​ത്ര​ങ്ങ​ളും തി​രി​ച്ച​റി​ഞ്ഞി​ട്ടു​ണ്ട്. ഉ​ദ​യ​കു​മാ​റി​നെ ഉ​രു​ട്ടാ​ൻ ഉ​പ​യോ​ഗി​ച്ച​ത്​ തി​രു​വ​ന​ന്ത​പു​ര​ത്ത് സാ​യു​ധ​സേ​ന​യു​ടെ ക്യാ​മ്പി​ൽ​നി​ന്ന്​ കൊ​ണ്ടു​വ​ന്ന്​ സി.​ഐ ഓ​ഫി​സി​ൽ സൂ​ക്ഷി​ച്ചി​രു​ന്ന ഇ​രു​മ്പ് ക​ട്ടി​ലും ക​മ്പി​യു​മാ​ണെ​ന്ന് അ​സി​സ്​​റ്റ​ൻ​റ്​ ക​മീ​ഷ​ണ​ർ ഓ​ഫി​സി​ലെ മു​ൻ റൈ​റ്റ​ർ ഗോ​പ​കു​മാ​റും ​മൊ​ഴി ന​ൽ​കി .

ഇൗ ​സാ​ക്ഷി​മൊ​ഴി​ക​ൾ കേ​സി​ൽ വ​ഴി​ത്തി​രി​വാ​കു​ക​യാ​ണ്. പൊ​ലീ​സ്​ സ്​​റ്റേ​ഷ​നി​ൽ ക​ണ്ടെ​ത്തി​യ ക​മ്പി​യും ക​ട്ടി​ലു​മാ​ണ്​ ഉ​പ​യോ​ഗി​ച്ച​തെ​ന്ന്​ ക​ണ്ടെ​ത്തി​യ​തോ​ടെ പൊ​ലീ​സ്​ ഉ​ദ്യോ​ഗ​സ്​​ഥ​ർ ഉ​ദ​യ​കു​മാ​റി​നെ ഉ​രു​ട്ടി​ക്കൊ​ല​പ്പെ​ടു​ത്തി​യ​ത്​ ത​ന്നെ​യാ​ണെ​ന്ന്​ തെ​ളി​യു​ക​യാ​ണ്. നേ​ര​ത്തേ സ്​​റ്റേ​ഷ​നി​ലെ വ​നി​ത കോ​ൺ​സ്​​റ്റ​ബി​ളും മേ​ലു​ദ്യോ​ഗ​സ്​​ഥ​രു​ടെ നി​ർ​ബ​ന്ധ​ത്തി​ന്​ വി​ധേ​യ​മാ​യാ​ണ്​ താ​ൻ മൊ​ഴി മാ​റ്റി​യ​തെ​ന്ന്​ കോ​ട​തി​യി​ൽ മൊ​ഴി ന​ൽ​കി​യി​രു​ന്നു. പൊ​ലീ​സു​കാ​ർ പ്ര​തി​ക​ളാ​യ കേ​സി​ൽ പൊ​ലീ​സു​കാ​ർ​ത​ന്നെ എ​തി​രാ​യ മൊ​ഴി ന​ൽ​കു​ന്ന​ത്​ കേ​സി​ൽ നി​ർ​ണാ​യ​ക വ​ഴി​ത്തി​രി​വാ​ണ്​ സൃ​ഷ്​​ടി​ച്ചി​ട്ടു​ള്ള​ത്. തി​രു​വ​ന​ന്ത​പു​രം പ്ര​ത്യേ​ക സി.​ബി.​ഐ കോ​ട​തി​യി​ൽ ന​ട​ക്കു​ന്ന വി​ചാ​ര​ണ​യി​ലാ​ണ്​ നി​ർ​ണാ​യ​ക​മാ​യ വെ​ളി​പ്പെ​ടു​ത്ത​ലു​ണ്ടാ​യ​ത്.

2005 സെ​പ്റ്റം​ബ​ർ 27ന് ​രാ​ത്രി 10.30ന് ​ഫോ​ർ​ട്ട് പൊ​ലീ​സ് ക​സ്​​റ്റ​ഡി​യി​ലെ​ടു​ത്ത ഉ​ദ​യ​കു​മാ​റി​നെ പൊ​ലീ​സു​കാ​ർ ചേ​ർ​ന്ന്​ ഉ​രു​ട്ടി​ക്കൊ​ല​പ്പെ​ടു​ത്തി​യെ​ന്നാ​ണ് കേ​സ്. ശ്രീ​ക​ണ്​​ഠേ​ശ്വ​രം പാ​ർ​ക്കി​ൽ​നി​ന്ന്​ ക​സ്​​റ്റ​ഡി​യി​ലെ​ടു​ത്ത ഉ​ദ​യ​കു​മാ​റി​​െൻറ പ​ക്ക​ലു​ണ്ടാ​യി​രു​ന്ന പ​ണ​ത്തി​​െൻറ ഉ​റ​വി​ടം സം​ബ​ന്ധി​ച്ച ചോ​ദ്യം ചെ​യ്യ​ലി​നി​ട​യി​ലാ​ണ്​ കൊ​ല്ല​പ്പെ​ട്ട​ത്​. ഗൂ​ഢാ​ലോ​ച​ന, കൊ​ല​പാ​ത​കം, തെ​ളി​വ് ന​ശി​പ്പി​ക്ക​ൽ എ​ന്നീ കു​റ്റ​ങ്ങ​ളാ​ണ് പ്ര​തി​ക​ൾ​ക്കെ​തി​രെ ചു​മ​ത്തി​യി​ട്ടു​ള്ള​ത്. ഡി​വൈ.​എ​സ്.​പി ഇ.​കെ. സാ​ബു, സ​ർ​ക്കി​ൾ ഇ​ൻ​സ്പെ​ക്​​ട​ർ ടി. ​അ​ജി​ത്ത് കു​മാ​ർ, ഹെ​ഡ് കോ​ൺ​സ്​​റ്റ​ബി​ൾ വി.​പി. മോ​ഹ​ൻ, കോ​ൺ​സ്​​റ്റ​ബി​ൾ​മാ​രാ​യ ജി​ത​കു​മാ​ർ, ശ്രീ​കു​മാ​ർ, സോ​മ​ൻ എ​ന്നി​വ​രാ​ണ് പ്ര​തി​ക​ൾ. 

ആ​ദ്യം ​െപാ​ലീ​സ് അ​ന്വേ​ഷി​ച്ച കേ​സ് പി​ന്നീ​ട് ക്രൈം​ബ്രാ​ഞ്ച് ഏ​റ്റെ​ടു​ക്കു​ക​യാ​യി​രു​ന്നു. അ​ന്വേ​ഷ​ണം മൂ​ന്ന് പൊ​ലീ​സു​കാ​രി​ൽ മാ​ത്ര​മൊ​തു​ക്കി കു​റ്റ​പ​ത്രം സ​മ​ർ​പ്പി​ച്ചു. തി​രു​വ​ന​ന്ത​പു​രം അ​തി​വേ​ഗ കോ​ട​തി​യി​ൽ വി​ചാ​ര​ണ ആ​രം​ഭി​ക്കു​ക​യും ചെ​യ്തു. ഇ​തി​നി​ട​യി​ലാ​ണ് കൊ​ല്ല​പ്പെ​ട്ട ഉ​ദ​യ​കു​മാ​റി​​െൻറ മാ​താ​വ്​  ഹൈ​കോ​ട​തി​യെ സ​മീ​പി​ച്ച് സി.​ബി.​ഐ അ​ന്വേ​ഷ​ണം ആ​വ​ശ്യ​പ്പെ​ട്ട​ത്. ഇ​തി​നെ​തു​ട​ർ​ന്നാ​ണ് സി.​ബി.​ഐ അ​ന്വേ​ഷ​ണം ഏ​റ്റെ​ടു​ത്ത​തും കു​റ്റ​പ​ത്രം സ​മ​ർ​പ്പി​ച്ച​തും.