‘സ്​റ്റേഷനിൽ മർദിച്ചു; കഞ്ചാവ്​ കേസിൽ കുടു​ക്കുമെന്ന്​ ഭീഷണി’ - ത്വാഹ ഫസലിന്‍റെ സഹോദരൻ

പന്തീരാങ്കാവ്: യു.എ.പി.എ ചുമത്തി അറസ്​റ്റ്​ ചെയ്​ത യുവാക്കളെ പൊലീസ്​ സ്​റ്റേഷനിൽവെച്ച് മർദിച്ചതായി ത്വാഹ ഫസലി​​െൻറ സഹോദരൻ ഇജാസ് പറഞ്ഞു. കഞ്ചാവ് കേസിൽ പ്രതികളാക്കുമെന്ന് ഭീഷണിപ്പെടുത്തി കുറ്റം സമ്മതിപ്പിക്കുകയായിരുന്നു. സി.പി.എം പ്രവർത്തകർ എന്നതിനപ്പുറം ഇവർക്ക് മറ്റ് ബന്ധങ്ങളൊന്നുമില്ല. നിരോധിക്കപ്പെട്ട ഒന്നും വീട്ടിൽനിന്ന് പൊലീസ് കണ്ടെടുത്തിട്ടില്ലെന്നും അദ്ദേഹം പറഞ്ഞു.

പൊലീസി​​െൻറ ആരോപണങ്ങൾ മുഴുവൻ നിഷേധിച്ച ത്വാഹ ​ഫസലും അലൻ ഷുഹൈബും​ തങ്ങളെ പൊലീസ് കള്ളക്കേസിൽ കുടുക്കുകയായിരുന്നെന്നും മാധ്യമ പ്രവർത്തകരോട് പറഞ്ഞു. തങ്ങളുടെ പക്കൽനിന്നും നോട്ടീസുകളൊന്നും പിടികൂടിയിട്ടില്ലെന്നും പറഞ്ഞു.