Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസ്വർണക്കടത്തിന്​...

സ്വർണക്കടത്തിന്​ കോൺസുലേറ്റ്​ വാഹനം ഉപയോഗിച്ചുവെന്ന്​ ജയഘോഷിൻെറ മൊഴി

text_fields
bookmark_border
Jayaghosh.jpg
cancel

തിരുവനന്തപുരം: സ്വർണക്കടത്തിന്​ കോൺസുലേറ്റ്​ വാഹനം ഉപയോഗിച്ചിരുന്നുവെന്ന്​ അറ്റാഷെയുടെ ഗൺമാൻ ജയഘോഷിൻെറ മൊഴി. ചോദ്യം ചെയ്യലിനിടെ കസ്​റ്റംസ്​ സംഘത്തോടാണ്​​ അജയഘോഷ്​ ഇക്കാര്യം പറഞ്ഞത്​. സ്വപ്​നയും സരിത്തും സ്വർണക്കടത്തിനായി തന്നെ ഉപയോഗിച്ചിരുന്നുവെന്നും ബാഗേജിൽ സ്വർണമാണെന്ന്​ താൻ അറിഞ്ഞിരുന്നില്ലെന്നുമാണ്​ ജയഘോഷ്​ പറഞ്ഞത്​. എൻ.ഐ.എ സംഘവും ജയഘോഷിനെ ചോദ്യം ചെയ്​തിരുന്നു.

സരിത്തില്ലാത്തപ്പോഴാണ്​ വിമാനത്താവളത്തിലേക്ക്​ ജയഘോഷിനെ സ്വപ്​ന ബാഗേജ്​ വാങ്ങുന്നതിനായി പറഞ്ഞയച്ചിരുന്നത്​. ജൂൺ 30ന്​ വിമാനത്താവളത്തിലെ കൗണ്ടർ വഴി സ്വർണം എത്തിയ​പ്പോഴും സരിത്തിനൊപ്പം ബാഗേജ്​ വാങ്ങുന്നതിനായി ജയഘോഷു​ം പോയിരുന്നു. എന്നാൽ അപ്പോഴൊന്നും തനിക്ക്​ ഇത്​ സ്വർണക്കള്ളക്കടത്തുമായി ബന്ധപ്പെട്ട കാര്യമാണെന്ന്​ അറിയുമായിരുന്നില്ലെന്നും മാധ്യമങ്ങളിലൂടെയാണ്​ ഇക്കാര്യം അറിഞ്ഞതെന്നും ജയഘോഷ്​ പറഞ്ഞു.

സ്വർണക്കടത്തുമായി ബന്ധപ്പെട്ട കാര്യം അറിഞ്ഞ​പ്പോൾ താൻ സ്വപ്​ന​െയ വിളിച്ചിരുന്നു. എന്നാൽ ഫോൺ എടുത്തില്ല. പിന്നീട്​ തിരിച്ചു വിളിച്ചു. ഇമിഗ്രേഷൻ വിഭാഗത്തിൽ ജോലി ​ചെയ്​ത പരിചയം ഉപയോഗിച്ച്​ എന്തുകൊണ്ട്​ ബാഗേജ്​ വിട്ടുകിട്ടാൻ സഹായിച്ചുകൂട എന്നു ചോദിച്ച്​ സ്വപ്​ന തന്നോട്​ ദേഷ്യപ്പെട്ടുവെന്നും ജയഘോഷ്​ മൊഴി നൽകിയിട്ടുണ്ട്​. തനിക്ക്​ വധഭീഷണി ഉണ്ടെന്നും ജയഘോഷ്​ പറഞ്ഞിരുന്നു. 

ഇതിനിടെ അറ്റാഷെ സന്ദർശിച്ച​ പാറ്റൂരിലെ ഫ്ലാറ്റിൽ എൻ.ഐ.എ സംഘം പരിശോധന നടത്തി. ഇവിടെ യു.എ.ഇ കോൺസുലേറ്റിലെ നാല്​ നയതന്ത്രജ്ഞർ താമസിച്ചിരുന്നു. ഫ്ലാറ്റ്​ അടച്ചിട്ടിരിക്കുന്നതിനാൽ ഇവിടുത്തെ സി.സി.ടി.വി ദൃശ്യങ്ങളും സന്ദർശക ഡയറിയുമാണ് സംഘം​ പരിശോധിച്ചത്​. സെക്യുരിറ്റി ജീവനക്കാരനുമായി സംസാരിക്കുകയും ചെയ്​തു.

Show Full Article
TAGS:nia kerala news malayalam news 
News Summary - uae consulate vehicle used for gold smuggling; siad jayaghosh -kerala news
Next Story