പൊ​ലീ​സ് മെഡലിലെ അക്ഷരത്തെറ്റ്: സ്ഥാപനത്തെ കരിമ്പട്ടികയില്‍പെടുത്തണമെന്ന് റിപ്പോർട്ട്

തി​രു​വ​ന​ന്ത​പു​രം: കേ​ര​ള​പ്പി​റ​വി ദി​ന​ത്തോ​ട​നു​ബ​ന്ധി​ച്ച് വി​ത​ര​ണം ചെ​യ്ത മു​ഖ്യ​മ​ന്ത്രി​യു​ടെ പൊ​ലീ​സ് മെ​ഡ​ലു​ക​ളി​ൽ ഗു​രു​ത​ര അ​ക്ഷ​ര​ത്തെ​റ്റു​ക​ൾ ക​ണ്ടെ​ത്തി​യ സം​ഭ​വ​ത്തി​ൽ പൊ​ലീ​സ് ആ​സ്ഥാ​നം ഡി.​ഐ.​ജി സ​തീ​ഷ് ബി​നോ​യി പൊ​ലീ​സ് മേ​ധാ​വി​ക്ക് റി​പ്പോ​ർ​ട്ട് നൽകി. വി​ഷ​യ​ത്തി​ല്‍ ഗു​രു​ത​ര പി​ഴ​വ് സം​ഭ​വി​ച്ച​താ​യും മെ​ഡ​ൽ ത​യാ​റാ​ക്കി​യ തി​രു​വ​ന​ന്ത​പു​ര​ത്തെ ഭ​ഗ​വ​തി ഇ​ന്‍ഡ​സ്ട്രീ​സിനെ ക​രി​മ്പ​ട്ടി​ക​യി​ല്‍പെ​ടു​ത്ത​ണ​മെ​ന്നും റി​പ്പോ​ര്‍ട്ടി​ലു​ണ്ട്. സ്ഥാ​പ​നം ന​ൽ​കി​യ മെ​ഡ​ലു​ക​ൾ പ​രി​ശോ​ധി​ക്കു​ന്ന​തി​ൽ ഉ​ദ്യോ​ഗ​സ്ഥ​രു​ടെ ഭാ​ഗ​ത്ത് വീ​ഴ്ചയുണ്ടെ​ന്നും റി​പ്പോ​ർ​ട്ടി​ൽ പ​റ​യു​ന്നു.

കേ​ര​ള​പ്പി​റ​വി ദി​ന​ത്തി​ല്‍ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ വി​ത​ര​ണം ചെ​യ്ത മെ​ഡ​ലു​ക​ളി​ൽ ഗു​രു​ത​ര അ​ക്ഷ​ര​ത്തെ​റ്റു​ക​ൾ ക​ട​ന്നു​കൂ​ടി​യ​ത് ആ​ഭ്യ​ന്ത​ര വ​കു​പ്പി​ന് നാ​ണ​ക്കേ​ടാ​യി​രു​ന്നു. മു​ഖ്യ​മ​ന്ത്രി​യു​ടെ എ​ന്ന​തി​നു പ​ക​രം ‘മു​ഖ്യ​മ​ന്ത്ര​യു​ടെ’ എ​ന്നാ​ണ്​ മെ​ഡ​ലി​ൽ രേ​ഖ​പ്പെ​ടു​ത്തി​യ​ത്.

പൊ​ലീ​സ് മെ​ഡ​ല്‍ എ​ന്ന​ത് തെ​റ്റാ​യി ‘പോ​ല​സ് മെ​ഡ​ന്‍’ എ​ന്നും രേ​ഖ​പ്പെ​ടു​ത്തി. സ​ര്‍ക്കാ​ര്‍ രേ​ഖ​ക​ളി​ല്‍ പൊ​ലീ​സ് എ​ന്ന് എ​ഴു​തു​മ്പോ​ള്‍ ‘പോ’ ​ഉ​പ​യോ​ഗി​ക്ക​രു​തെ​ന്നും ‘പൊ’ ​എ​ന്നാ​ണ്​ വേ​ണ്ട​തെ​ന്നും ഉ​ദ്യോ​ഗ​സ്ഥ ഭ​ര​ണ​പ​രി​ഷ്‌​കാ​ര വ​കു​പ്പ് 2022ല്‍ ​നി​ര്‍ദേ​ശി​ച്ചി​രു​ന്നു. അ​തും തെ​റ്റാ​യി അ​ച്ച​ടി​ച്ചു. മെ​ഡ​ലി​ലെ സം​സ്ഥാ​ന​മു​ദ്ര​യി​ലും ഗു​രു​ത​ര പി​ഴ​വു​പ​റ്റി. മു​ദ്ര​യു​ടെ ഏ​റ്റ​വും താ​ഴെ​യാ​ണ്​ 'സ​ത്യ​മേ​വ ജ​യ​തേ' എ​ന്ന്​ രേ​ഖ​പ്പെ​ടു​ത്തി​യ​ത്. 2010ല്‍ ​മു​ദ്ര പ​രി​ഷ്‌​ക​രി​ച്ചി​രു​ന്നു. അ​ശോ​ക സ്തം​ഭ​ത്തി​നും ശം​ഖു​മു​ദ്ര​ക്കും മ​ധ്യേ ‘സ​ത്യ​മേ​വ ജ​യ​തേ’ എ​ന്ന്​ രേ​ഖ​പ്പെ​ടു​ത്ത​ണ​മെ​ന്ന്​ സ​ര്‍ക്കാ​ര്‍ ഉ​ത്ത​ര​വ്​ പു​റ​പ്പെ​ടു​വി​ച്ചു. വി​ത​ര​ണം ചെ​യ്ത പൊ​ലീ​സ് മെ​ഡ​ലി​ല്‍ 2010ന്​ ​മു​മ്പു​ള്ള മു​ദ്ര​യാ​ണ് ഉ​പ​യോ​ഗി​ച്ച​ത്.

സം​ഭ​വം നാ​ണ​ക്കേ​ടാ​യ​തോ​ടെ മു​ഖ്യ​മ​ന്ത്രി​യു​ടെ ഓ​ഫി​സ് ഡി.​ജി.​പി​യോ​ട് വി​ശ​ദീ​ക​ര​ണം തേ​ടു​ക​യും അ​തി​ന്‍റെ അ​ടി​സ്ഥാ​ന​ത്തി​ൽ ഡി.​ജി.​പി ഷേ​ഖ് ദ​ർ​വേ​ഷ് സാ​ഹി​ബ്​ അ​ന്വേ​ഷ​ണം പ്ര​ഖ്യാ​പി​ക്കു​ക​യു​മാ​യി​രു​ന്നു.