കോട്ടയത്ത്​ രണ്ട്​ യുവാക്കൾ വെള്ളക്കെട്ടിൽ വീണ്​ മരിച്ചു

കോട്ടയം: പെരുമ്പായിക്കാട്ട്​ രണ്ട്​ യുവാക്കൾ വെള്ളക്കെട്ടിൽ വീണ്​ മരിച്ചു. ആളൂർ വീട്ടിൽ സുധീഷ്​, ആനിക്കൽ കുര്യൻ എബ്രഹാം എന്നിവരാണ്​ മരിച്ചത്​. വെള്ളം ഉയർന്നത്​ വീക്ഷിക്കാനായി പോയ ഇരുവരെയും കാണാതായിരുന്നു. രണ്ടുദിവസമായി തെരച്ചിൽ നടത്തി വരികയായിരുന്നു. മൃതദേഹങ്ങൾ മെഡിക്കൽ കോളജിലേക്ക്​ മാറ്റി.

ഇതോടെ കോട്ടയം ജില്ലയിൽ മഴക്കെടുതിയിൽ ജീവൻ നഷ്​ടമായവരുടെ എണ്ണം നാലായി. കഴിഞ്ഞ ദിവസം അങ്കമാലി സ്വദേശിയായി ടാക്​സി ഡ്രൈവർ കാർ ഒഴുക്കിൽ പെട്ടതിനെത്തുടർന്ന്​ മരിച്ചിരുന്നു.

കോട്ടയത്തെ കിഴക്കൻ മേഖലയിൽ കനത്ത മഴ തുടരുന്നതിനാൽ ജലനിരപ്പ്​ ഇതുവരെ താഴ്​ന്നിട്ടില്ല.