ടിപ്പര്‍ ലോറിക്കടിയിൽപെട്ട്​ രണ്ട്​ വയസ്സുകാരന്​ ദാരുണാന്ത്യം; അപകടം അറിഞ്ഞിട്ടും ലോറി നിര്‍ത്താതെ പോയി

കട്ടപ്പന: കട്ടക്കളത്തില്‍നിന്ന്​ ഇഷ്​ടിക കയറ്റി മുന്നോട്ടെടുത്ത ടിപ്പർ ലോറിക്കടിയിൽപെട്ട്​ രണ്ട് വയസ്സുകാരന്​ ദാരുണാന്ത്യം. അസം സ്വദേശികളായ ദുലാല്‍ ഹുസൈ​െൻറയും ഖദീജ ബീഗത്തി​െൻറയും മകന്‍ മസൂദ് റബ്ബാരി ആണ് മരിച്ചത്. ബുധനാഴ്​ച രാവിലെ 8.45ഒാടെ ചേറ്റുകുഴി വെട്ടിക്കുഴക്കവല എലൈറ്റ് പടിയിലെ സ്വകാര്യ വ്യക്തിയുടെ കട്ടക്കളത്തിലാണ്​​ അപകടം.

കട്ടക്കളത്തിലെ തൊഴിലാളികളായ ദമ്പതികൾ ഇവിടെ താമസിച്ച് ജോലി ചെയ്യുകയാണ്​. രാവിലെ കട്ടക്കളത്തില്‍നിന്ന്​ ലോഡ്​ കയറ്റിയശേഷം ടിപ്പര്‍ ലോറി മുന്നോട്ടെടുക്കവെ കുട്ടി വാഹനത്തി​െൻറ അടിയില്‍പെടുകയായിരുന്നു.

അപകടം അറിഞ്ഞിട്ടും ലോറി നിര്‍ത്താതെ പോയി. തുടര്‍ന്ന് കുട്ടിയുമായി അമ്മയും ബന്ധുവും റോഡിലെത്തി അതുവഴി വന്ന മറ്റൊരു ലോറിയിൽ സമീപത്തെ ആശുപത്രിയിലെത്തിച്ചു. ഇവിടെ മതിയായ ചികിത്സ ലഭിച്ചില്ല. തുടര്‍ന്ന് കട്ടപ്പനയിലെ സ്വകാര്യ ആശുപത്രിയില്‍ എത്തിച്ചപ്പോഴേക്കും കുഞ്ഞ്​ മരിച്ചിരുന്നു.

അപകടമുണ്ടാക്കിയ ലോറിയുടെ ഡ്രൈവർ ചേറ്റുകുഴി കാവില്‍ മനോജിനെ (40) പൊലീസ്​ അറസ്​റ്റ്​ ചെയ്​തു. ഇയാള്‍ക്കെതിരെ മനഃപൂര്‍വമല്ലാത്ത നരഹത്യക്ക്​ കേസെടുത്തിട്ടുണ്ട്. ലോറിയും കസ്​റ്റഡിയിലെടുത്തതായി വണ്ട​േന്മട് ഇൻസ്​പെക്​ടർ അറിയിച്ചു.