മലപ്പുറം പ്രസ് ക്ലബ് ആക്രമണം: രണ്ട് ആർ.എസ്.എസ് പ്രവർത്തകർ അറസ്റ്റിൽ

മലപ്പുറം: മലപ്പുറം പ്രസ് ക്ലബിൽ കയറി ആക്രമണം നടത്തിയ രണ്ട് ആർ.എസ്.എസ് പ്രവർത്തകരെ പൊലീസ് അറസ്റ്റ് ചെയ്തു. വാഴക്കാട് കല്ലിക്കുത്തൊടി ഷിബു, നടത്തലക്കണ്ടി ദിലീപ് കുമാർ എന്നിവരാണ് അറസ്റ്റിലായത്. 

ആർ.എസ്​.എസ്​ മലപ്പുറം സംഘ്​ ജില്ല കാര്യാലയത്തിന്​ നേരെ അജ്ഞാതർ ഗുണ്ട്​ എറിഞ്ഞുവെന്നാ​േരാപിച്ച്​ കഴിഞ്ഞ ദിവസം നടത്തിയ പ്രകടനത്തിനിടെയാണ് മലപ്പുറം പ്രസ്​ ക്ലബിന്​ നേരെ ആക്രമണമുണ്ടായത്. അക്രമത്തിൽ ചന്ദ്രിക ഫോ​േട്ടാഗ്രാഫർ ഫുആദ്​ സനീന്​ (23) പരിക്കേറ്റിരുന്നു. മൊറയൂർ സ്വദേശിയായ ഫുആദിനെ മലപ്പുറം സഹകരണ ആശുപത്രിയിൽ പ്രവേശിപ്പിച്ചു. വ്യാഴാഴ്​ച രാവിലെ 11.30ഒാടെ മലപ്പുറം പ്രസ്​ ക്ലബിന്​ മുന്നിലായിരുന്നു​​ സംഭവം. 

ആർ.എസ്.എസ് ആക്രമണത്തിൽ പരിക്കേറ്റ് ചികിത്സയിൽ കഴിയുന്ന ചന്ദ്രിക ഫോട്ടോഗ്രാഫർ ഫുവാദ്

 

ബുധനാഴ്​ച രാത്രി 11.30ഒാടെ​യാണ്​ മലപ്പുറം മുണ്ടുപറമ്പിലെ ആർ.എസ്​.എസ്​ കാര്യാലയത്തിന്​ നേരെ ആക്രമണമുണ്ടായതായി പറയുന്നത്​. ഇതിൽ പ്രതിഷേധിച്ച്​ നടന്ന പ്രകടനത്തിലാണ്​ അക്രമ സംഭവങ്ങളുണ്ടായത്​. മുണ്ടുപറമ്പിൽ നിന്ന്​ കുന്നുമ്മൽ ഭാഗത്തേക്ക്​ വന്ന പ്രകടനത്തിനിടെ ഗതാഗതക്കുരുക്കുണ്ടായപ്പോൾ അതുവഴി വന്ന ബൈക്ക്​ യാത്രക്കാരനായ തറയിൽ അബ്​ദുല്ല ഫവാസ്​ സമീപത്തു കൂടെ പോകാൻ ശ്രമിച്ചു. ഇതിൽ പ്രകോപിതരായവർ ഫവാസിനെ കൈകാര്യം ചെയ്യുകയായിരുന്നു. കഴുത്തിൽ പിടിച്ച്​ തള്ളുകയും മർദിക്കുകയും ചെയ്​തു. 

അക്രമം നടക്കു​േമ്പാൾ പ്രസ്​ ക്ലബിലുണ്ടായിരുന്ന ഫുആദ്​ മൊബൈൽ ഫോൺ ഉപയോഗിച്ച്​ ഫോ​​േട്ടാ എടുക്കാൻ ശ്രമിച്ചത്​ കണ്ട പ്രകടനക്കാരിൽ ഏതാനും പേർ അകത്തേക്ക്​ പാഞ്ഞു കയറുകയായിരുന്നു. ഫുആദിനെ ചവിട്ടിയ അക്രമികൾ ​മൊബൈൽ പിടിച്ചുവാങ്ങി കൊണ്ടുപോയി. പൊലീസ്​ എത്തിയാണ്​ ഇവരെ പിരിച്ചുവിട്ടത്​. പ്രകടനത്തിലുടനീളം പ്രകോപനപരമായ മുദ്രാവാക്യങ്ങളായിരുന്നു​ ആർ.എസ്​.എസ്​ പ്രവർത്തകർ മുഴക്കിയത്.