സ്വർണവ്യാപാരിയെ ആക്രമിച്ച് ഒന്നരക്കോടി തട്ടിയ രണ്ടു പേർ പിടിയിൽ

മൂ​ന്നാ​ർ: തി​രു​നെ​ൽ​വേ​ലി​യി​ൽ സ്വ​ർ​ണ​വ്യാ​പാ​രി​യെ ആ​ക്ര​മി​ച്ച് ഒ​ന്ന​ര​ക്കോ​ടി രൂ​പ ത​ട്ടി​യെ​ടു​ത്ത് ക​ട​ന്നു​ക​ള​ഞ്ഞ സം​ഘ​ത്തി​ലെ ര​ണ്ട്​ പേ​രെ മൂ​ന്നാ​റി​ൽ പൊ​ലീ​സ്​ സാ​ഹ​സി​ക​മാ​യി പി​ടി​കൂ​ടി. ചാ​ല​ക്കു​ടി സ്വ​ദേ​ശി​ക​ളാ​യ നെ​ല്ലി​ശ്ശേ​രി ഫെ​ബി​ൻ സാ​ജു (26),എ​ഡ്വി​ൻ തോ​മ​സ് (26) എ​ന്നി​വ​രെ​യാ​ണ് മൂ​ന്നാ​ർ പൊ​ലീ​സും തി​രു​നെ​ൽ​വേ​ലി പൊ​ലീ​സും ചേ​ർ​ന്ന് കു​ടു​ക്കി​യ​ത്.

തി​രു​നെ​ൽ​വേ​ലി സ്വ​ദേ​ശി​യും ജ്വ​ല്ല​റി ഉ​ട​മ​യു​മാ​യ സു​ഷാ​ന്തി​നെ​യാ​ണ് (46) ക​ഴി​ഞ്ഞ 30ന് ​കാ​ർ ത​ട​ഞ്ഞു​നി​ർ​ത്തി ആ​ക്ര​മി​ച്ച് ഇ​വ​രു​ൾ​പ്പെ​ട്ട സം​ഘം ക​വ​ർ​ച്ച ന​ട​ത്തി​യ​ത്. സു​ഷാ​ന്ത്‌ ര​ണ്ട്​ ജീ​വ​ന​ക്കാ​ർ​ക്കൊ​പ്പം സ്വ​ർ​ണം വാ​ങ്ങു​ന്ന​തി​ന് പ​ണ​വു​മാ​യി നെ​യ്യാ​റ്റി​ൻ​ക​ര​യി​ലേ​ക്ക് കാ​റി​ൽ പോ​കു​ന്ന​തി​നി​ടെ ആ​യി​രു​ന്നു ആ​ക്ര​മ​ണം. നാ​ങ്കു​നേ​രി റെ​യി​ൽ​വേ മേ​ൽ​പാ​ല​ത്തി​ൽ കാ​ർ ത​ട​ഞ്ഞ് സു​ഷാ​ന്തി​ന്‍റെ മു​ഖ​ത്ത് മു​ള​കു​പൊ​ടി വി​ത​റി പ​ണ​മ​ട​ങ്ങി​യ ബാ​ഗ് ത​ട്ടി​യെ​ടു​ക്കാ​നാ​ണ്​ ശ്ര​മി​ച്ച​ത്.

ഈ ​സ​മ​യ​ത്ത് ഇ​തു​വ​ഴി ഒ​രു ബ​സ് വ​ന്ന​തോ​ടെ ഇ​വ​ർ സു​ഷാ​ന്തി​നെ കാ​റി​ൽ ക​യ​റ്റി ആ ​കാ​റു​മാ​യി ക​ട​ന്നു. സു​ഷാ​ന്തി​നെ മ​ർ​ദി​ച്ച് അ​വ​ശ​നാ​ക്കി​യ​ശേ​ഷം വ​ഴി​യി​ൽ ത​ള്ളു​ക​യും നെ​ടു​ങ്കു​ള​ത്ത്​ സു​ഷാ​ന്തി​​ന്‍റെ കാ​ർ ഉ​പേ​ക്ഷി​ച്ച് സം​ഘം ര​ക്ഷ​പ്പെ​ടു​ക​യും ചെ​യ്തു.

സു​ഷാ​ന്തി​ന്‍റെ പ​രാ​തി​യെ തു​ട​ർ​ന്ന് ഡി​വൈ.​എ​സ്.​പി കെ.​രാ​ജു​വി​ന്‍റെ നേ​തൃ​ത്വ​ത്തി​ൽ അ​ഞ്ച്​ പേ​ര​ട​ങ്ങി​യ പ്ര​ത്യേ​ക അ​ന്വേ​ഷ​ണ സം​ഘം രൂ​പ​വ​ത്​​ക​രി​ച്ചു. അ​ന്വേ​ഷ​ണ​ത്തി​ൽ പ്ര​തി​ക​ൾ ശാ​ന്ത​ൻ​പാ​റ​യി​ൽ ഒ​രു റി​സോ​ർ​ട്ടി​ൽ ഇ​വ​ർ ഉ​ള്ള​താ​യി ക​ണ്ടെ​ത്തി. എ​ന്നാ​ൽ പൊ​ലീ​സ്​ എ​ത്തി​യ​തോ​ടെ പ്ര​തി​ക​ൾ റി​സോ​ർ​ട്ടി​ന്‍റെ ഗേ​റ്റ് വാ​ഹ​ന​മി​ടി​ച്ച് ത​ക​ർ​ത്ത് ര​ക്ഷ​പ്പെ​ട്ടു. പൂ​പ്പാ​റ ഭാ​ഗ​ത്തു​നി​ന്നും മൂ​ന്നാ​ർ റൂ​ട്ടി​ൽ ഇ​വ​രു​ടെ വാ​ഹ​നം പോ​കു​ന്ന​ത​റി​ഞ്ഞ് ത​മി​ഴ്നാ​ട് പൊ​ലീ​സ്​ ഇ​ടു​ക്കി ജി​ല്ല പൊ​ലീ​സ് മേ​ധാ​വി​യു​മാ​യി ബ​ന്ധ​പ്പെ​ട്ടു. അ​ദ്ദേ​ഹ​ത്തി​ന്‍റെ നി​ർ​ദേ​ശ​പ്ര​കാ​രം മൂ​ന്നാ​ർ ഡി​വൈ.​എ​സ്.​പി അ​ല​ക്സ് ബേ​ബി സി.​ഐ രാ​ജ​ൻ.​കെ. അ​ര​മ​ന​യോ​ട് പ​രി​ശോ​ധ​ന​ക്ക് നി​ർ​ദേ​ശം ന​ൽ​കി. പിന്നീട് വാഹനം പിന്തുടർന്ന് പിടികൂടുകയായിരുന്നു.

പ്ര​തി​ക​ളെ ത​മി​ഴ്നാ​ട് പൊ​ലീ​സ്​ ക​സ്റ്റ​ഡി​യി​ൽ വാ​ങ്ങി തി​രു​നെ​ൽ​വേ​ലി​യി​ലേ​ക്ക് കൊ​ണ്ടു​പോ​യി.ക​വ​ർ​ച്ച പ​ണ​ത്തി​ൽ ഒ​രു​ഭാ​ഗം ഇ​വ​രി​ൽ​ നി​ന്ന് ക​ണ്ടെ​ടു​ത്തു.