പെൺകുട്ടികളെ കടന്നുപിടിച്ച കേസിൽ രണ്ടുപേർക്ക് തടവ്

തി​രു​വ​ന​ന്ത​പു​രം: പെ​ൺ​കു​ട്ടി​ക​ളെ പീ​ഡി​പ്പി​ച്ച ര​ണ്ട് പോ​ക്സോ കേ​സു​ക​ളി​ലാ​യി ര​ണ്ട് പ്ര​തി​ക​ളെ തി​രു​വ​ന​ന്ത​പു​രം അ​തി​വേ​ഗ സ്പെ​ഷ്യ​ൽ കോ​ട​തി ജ​ഡ്ജി ആ​ർ. രേ​ഖ ശി​ക്ഷി​ച്ചു.

സ്കൂ​ളി​ൽ നി​ന്ന് വീ​ട്ടി​ലേ​ക്ക് വ​രു​ന്ന വ​ഴി എ​ട്ടാം ക്ലാ​സ് വി​ദ്യാ​ർ​ഥി​നി​യെ ക​ട​ന്നു​പി​ടി​ച്ച കേ​സി​ൽ ചി​റ്റാ​ഴ മു​ല്ല​ക്ക​ര​ക്കോ​ണം വീ​ട്ടി​ൽ രാ​ജേ​ഷ് രാ​ജ​നെ (30) ഏ​ഴ് വ​ർ​ഷം വെ​റും ത​ട​വി​നും 20000 രൂ​പ പി​ഴ​യു​മാ​ണ് ശി​ക്ഷി​ച്ച​ത്. പി​ഴ അ​ട​ച്ചി​ല്ലെ​ങ്കി​ൽ അ​ഞ്ച് മാ​സം കൂ​ടു​ത​ൽ ശി​ക്ഷ അ​നു​ഭ​വി​ക്ക​ണം. അ​യ​ൽ​വാ​സി​യാ​യ പ​തി​നാ​റു​കാ​രി​യെ വീ​ട്ടി​നു​ള്ളി​ൽ ക​യ​റി ക​ട​ന്ന് പി​ടി​ച്ച കേ​സി​ൽ ക​ര​കു​ളം വേ​ങ്ങോ​ട് സ്വ​ദേ​ശി അ​ഷ്റ​ഫി​നെ (50) നാ​ലു വ​ർ​ഷം വെ​റും ത​ട​വും 15000 രൂ​പ പി​ഴ​യും ശി​ക്ഷി​ച്ചു. പി​ഴ അ​ട​ച്ചി​ല്ലെ​ങ്കി​ൽ നാ​ല് മാ​സം കൂ​ടു​ത​ൽ ത​ട​വ് അ​നു​ഭ​വി​ക്ക​ണം.

2022 ന​വം​ബ​ർ 25ന് ​വൈ​കീ​ട്ടാ​ണ് മു​ക്കോ​ല മ​രു​തൂ​രാ​ണ് രാ​ജേ​ഷ് വി​ദ്യാ​ർ​ഥി​നി​യെ പീ​ഡി​പ്പി​ച്ച​ത്. ഒ​ളി​ഞ്ഞു നി​ന്ന പ്ര​തി അ​ശ്ലീ​ല​ച്ചു​വ​യു​ള്ള വാ​ക്കു​ക​ൾ പ​റ​ഞ്ഞ് കു​ട്ടി​യെ ക​ട​ന്നു​പി​ടി​ക്കു​ക​യാ​യി​രു​ന്നു. പ്ര​തി​യു​ടെ ഫോ​ട്ടോ കു​ട്ടി​യെ കാ​ണി​ച്ച് തി​രി​ച്ച​റി​ഞ്ഞു. മ​ണ്ണ​ന്ത​ല എ​സ്.​ഐ ആ​ർ.​എ​ൽ.​രാ​ഹു​ലാ​ണ് കേ​സ് അ​ന്വേ​ഷി​ച്ച​ത്.

2021 ഏ​പ്രി​ൽ പ​തി​നൊ​ന്ന് രാ​ത്രി​യാ​ണ് അ​ഷ്റ​ഫ് അ​യ​ൽ​വാ​സി​യാ​യ പ​തി​നാ​റു​കാ​രി​യെ വീ​ട്ടി​നു​ള്ളി​ൽ ക​യ​റി ക​ട​ന്ന് പി​ടി​ച്ച​ത്. നെ​ടു​മ​ങ്ങാ​ട് സ​ബ് ഇ​ൻ​സ്പെ​ക്ട​ർ​മാ​രാ​യ ബി.​എ​സ്. ശ്രീ​ജി​ത്ത്, കെ.​എ​സ്. ധ​ന്യ, എ​ൻ. സു​രേ​ഷ് കു​മാ​ർ എ​ന്നി​വ​രാ​ണ് കേ​സ് അ​ന്വേ​ഷി​ച്ച​ത്. പ്രോ​സി​ക്യൂ​ഷ​ന് വേ​ണ്ടി സ്പെ​ഷ്യ​ൽ പ​ബ്ലി​ക് പ്രോ​സി​ക്യൂ​ട്ട​ർ ആ​ർ.​എ​സ്. വി​ജ​യ് മോ​ഹ​നും ആ​ർ.​വൈ. അ​ഖി​ലേ​ഷും ഹാ​ജ​രാ​യി.