ഹർത്താലിൽ കെ.എസ്.ആർ.ടി.സി ബസ് ആക്രമിച്ച കേസിൽ രണ്ടു പേർ അറസ്റ്റിൽ

ആലുവ: ഹർത്താൽ ദിനത്തിൽ കെ.എസ്.ആർ.ടി.സി ബസ് ആക്രമിച്ച കേസിൽ രണ്ടു പേർ അറസ്റ്റിൽ. മാറമ്പിള്ളി കൈപ്പൂരിക്കര പാറക്കൽ വീട്ടിൽ ഷഫീഖ് (35), മാറമ്പിള്ളി ചേലാപ്ര വീട്ടിൽ മുഹമ്മദ് മുഹ്സിൻ എന്നിവരെയാണ് ആലുവ പൊലീസ് അറസ്റ്റ് ചെയ്തത്.

ചാലക്കൽ പകലോമറ്റത്ത് വച്ചാണ് ബസിനു നേരെ ആക്രമണമുണ്ടായത്. എസ്.എച്ച്.ഒ എൽ.അനിൽകുമാർ,എസ്.ഐ സി.ആർ.ഹരിദാസ്, സി.പി.ഒമാരായ മാഹിൻഷാ അബൂബക്കർ, മുഹമ്മദ് അമീർ, കെ.എം.മനോജ്‌ എന്നിവർ ചേർന്നാണ് പ്രതികളെ പിടികൂടിയത്. കോടതിയിൽ ഹാജരാക്കി റിമാൻഡ് ചെയ്തു.