കണ്ണൂരിൽ ഓടിക്കൊണ്ടിരുന്ന കാർ കത്തി ഗർഭിണിയും ഭർത്താവും വെന്തു മരിച്ചു

ക​ണ്ണൂ​ർ: ആ​ശു​പ​ത്രി​യി​ലേ​ക്കു വ​ര​വെ ഓ​ടു​ന്ന കാ​റി​ന് തീ​പി​ടി​ച്ച് ഗ​ർ​ഭി​ണി​ക്കും ഭ​ർ​ത്താ​വി​നും ദാ​രു​ണാ​ന്ത്യം. കു​റ്റ്യാ​ട്ടൂ​ർ സ്വ​ദേ​ശി​ക​ളാ​യ താ​മ​ര​വ​ള​പ്പി​ൽ ടി.​വി. പ്ര​ജി​ത്ത് (35), ഭാ​ര്യ കെ. ​റീ​ഷ (25) എ​ന്നി​വ​രാ​ണ് മ​രി​ച്ച​ത്.

മ​ക​ളു​ടെ​യും മാ​താ​പി​താ​ക്ക​ളു​ടെ​യും മു​ന്നി​ലാ​ണ് ഇ​രു​വ​രും വെ​ന്തു​മ​രി​ച്ച​ത്. ക​ണ്ണൂ​ർ ന​ഗ​ര​ത്തി​ൽ ജി​ല്ല ആ​ശു​പ​ത്രി​ക്കു സ​മീ​പം വ്യാ​ഴാ​ഴ്ച രാ​വി​ലെ 10.45ഓ​ടെ​യാ​ണ് നാ​ടി​നെ ന​ടു​ക്കി​യ ദു​ര​ന്തം.

പൂ​ർ​ണ ഗ​ർ​ഭി​ണി​യാ​യ റീ​ഷ​യെ ആ​ശു​പ​ത്രി​യി​ലേ​ക്കു കൊ​ണ്ടു​പോ​ക​വെ​യാ​ണ് കാ​റി​ന് തീ​പി​ടി​ച്ച​ത്. റീ​ഷ​യു​ടെ മ​ക​ൾ ശ്രീ​പാ​ർ​വ​തി, മാ​താ​പി​താ​ക്ക​ളാ​യ കു​ഴി​ക്ക​ൽ വി​ശ്വ​നാ​ഥ​ൻ, ശോ​ഭ​ന, ബ​ന്ധു സ​ജ​ന എ​ന്നി​വ​ര​ട​ക്കം ആ​റു​പേ​രാ​ണ് കാ​റി​ലു​ണ്ടാ​യി​രു​ന്ന​ത്. റീ​ഷ​യും പ്ര​ജി​ത്തു​മാ​യി​രു​ന്നു മു​ൻ​സീ​റ്റി​ലു​ണ്ടാ​യി​രു​ന്ന​ത്.

ജി​ല്ല ആ​ശു​പ​ത്രി​ക്ക് 100 മീ​റ്റ​ർ അ​ക​ലെ​വെ​ച്ചാ​ണ് കാ​റി​ന് തീ​പി​ടി​ച്ച​ത്. സ്റ്റി​യ​റി​ങ് ബോ​ക്സി​ൽ​നി​ന്നാ​ണ് ആ​ദ്യം പു​ക​യു​യ​ർ​ന്ന​ത്. തു​ട​ർ​ന്ന് പ്ര​ജി​ത്ത് പി​ൻ​സീ​റ്റി​ലു​ണ്ടാ​യി​രു​ന്ന​വ​രെ പു​റ​ത്തി​റ​ക്കി ഭാ​ര്യ​യോ​ടൊ​പ്പം ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും വാ​തി​ൽ തു​റ​ക്കാ​നാ​കാ​തെ കാ​റി​ൽ കു​ടു​ങ്ങി. നിലവിളികേട്ട് ഓടിയെത്തിയ നാട്ടുകാർക്ക് കാർ ആളിക്കത്തുന്നത് നിസ്സഹായരായി നോക്കിനിൽക്കാ​നേ ആദ്യം സാധിച്ചുള്ളൂ. കാറിനടുത്തേക്ക് എത്താൻ ശ്രമിച്ചവർക്ക് ചൂട് കാരണം അടുക്കാനായില്ല. സംഭവസ്ഥലത്തുനിന്ന് 100 മീറ്റർ മാത്രം അകലെയുള്ള ഫയർസ്റ്റേഷനിൽനിന്ന് ജീവനക്കാരെത്തി തീയണക്കുമ്പേഴേക്കും ഇരുവരും മരിച്ചു. കു​റ്റ്യാ​ട്ടൂ​ർ ഉ​രു​വ​ച്ചാ​ൽ മ​ണി​യ​ച്ചാ​ലി​ൽ താ​മ​ര​വ​ള​പ്പി​ൽ പ​രേ​ത​നാ​യ ഗോ​പാ​ല​ൻ-​കൗ​സ​ല്യ ദ​മ്പ​തി​ക​ളു​ടെ മ​ക​നാ​ണ് നി​ർ​മാ​ണ ക​രാ​റു​കാ​ര​നാ​യ പ്ര​ജി​ത്ത്.

കു​റ്റ്യാ​ട്ടൂ​ർ കെ.​എ.​കെ.​എ​ൻ.​എ​സ് സ്കൂ​ളി​ലെ മൂ​ന്നാം ക്ലാ​സ് വി​ദ്യാ​ർ​ഥി​നി ശ്രീ​പാ​ർ​വ​തി​യാ​ണ് ഏ​ക മ​ക​ൾ. സ​ഹോ​ദ​ര​ങ്ങ​ൾ: പ്ര​മോ​ദ​ൻ, പ്ര​ശാ​ന്ത്, പ്ര​സ​ന്ന, പ​രേ​ത​നാ​യ പ്ര​ദീ​പ​ൻ.

പ്ര​ജി​ഷ​യാ​ണ് റീ​ഷ​യു​ടെ ഏ​ക സ​ഹോ​ദ​രി. ക​ണ്ണൂ​ർ ജി​ല്ല ആ​ശു​പ​ത്രി​യി​ലെ പോ​സ്റ്റ്മോ​ർ​ട്ട​ത്തി​നു​ശേ​ഷം ഇ​രു​വ​രു​ടെ​യും മൃ​ത​ദേ​ഹം വൈ​കീ​ട്ട് കു​റ്റ്യാ​ട്ടൂ​ർ പൊ​തു​ശ്മ​ശാ​ന​ത്തി​ൽ സം​സ്ക​രി​ച്ചു.