എറണാകുളത്ത്​ രണ്ട്​ പേർക്ക്​ കൂടി കോവിഡ്​ 19 സ്ഥിരീകരിച്ചു

തിരുവനന്തപുരം: എറണാകുളത്ത്​ രണ്ട്​ പേർക്ക്​ ​കൂടി ​കോവിഡ് 19 സ്ഥിരീകരിച്ചു. ഇതോടെ സംസ്ഥാനത്ത്​ കൊറോണ ബാധി ച്ച്​ ചികിൽസയിലുള്ളവരു​െട എണ്ണം 14 ആയി. കൊച്ചിയിൽ ചികിൽസയിലുള്ള കുട്ടിയുടെ മാതാപിതാക്കൾക്കാണ് ഇപ്പോൾ​ രോഗ ം സ്ഥിരീകരിച്ചത്​.​ ആരോഗ്യമന്ത്രി കെ.കെ ശൈലജയാണ്​ ഇക്കാര്യം അറിയിച്ചത്​. ​

കോട്ടയം ജില്ലയിൽ ചികിൽസയിലുള്ള രണ്ടുപേരുടെ നില ഗുരുതരമാണെന്നും ആരോഗ്യമന്ത്രി പറഞ്ഞു. സംസ്ഥാനത്ത്​ 1495 പേരാണ്​ നിരീക്ഷണത്തിലുള്ളത്​. ആശുപത്രിയിൽ 259 പേരാണ്​ നിരീക്ഷണത്തിലുള്ളത്​. ബാക്കിയുള്ളവർ വീട്ടിൽ തന്നെയാണ്​ തുടരുന്നത്​.

ഇ​റ്റ​ലി​യി​ൽ നി​ന്ന്​ പ​ത്ത​നം​തി​ട്ട​യി​ലെ​ത്തി​യ​വ​രു​ടെ കു​ടും​ബ​ത്തി​ലെ വയോധിക മാ​താ​പി​താ​ക്ക​ൾ, വി​മാ​ന​ത്താ​വ​ള​ത്തി​ൽ കു​ടും​ബ​ത്തെ സ്വീ​ക​രി​ക്കാ​ൻ പോ​യ ബ​ന്ധു​ക്ക​ളാ​യ ര​ണ്ടു​പേ​ർ, കു​ടും​ബം സ​ന്ദ​ർ​ശി​ച്ച റാ​ന്നി​യി​ലെ ര​ണ്ട്​ കു​ടും​ബ​സു​ഹൃ​ത്തു​ക്ക​ൾ, എ​ന്നി​വ​ർ​ക്കാ​ണ്​ ചൊവ്വാഴ്​ച രാ​വി​ലെ വൈ​റ​സ്​ ബാ​ധ സ്ഥി​രീ​ക​രി​ച്ച​ത്​.

അതേസമയം, മഹാരാഷ്​ട്രയിലും രണ്ട്​ പേർക്ക്​ കോവിഡ്​ 19 ഇന്ന്​ സ്ഥിരീകരിച്ചു.

Latest VIDEO