തമിഴ്​നാട്ടിൽ കാറപകടം; രണ്ട്​ മലയാളികൾ മരിച്ചു

കോയമ്പത്തൂർ: വിരുതുനഗർ ജില്ലയിലെ ശ്രീവില്ലിപുത്തൂരിന്​ സമീപം നിയന്ത്രണംവിട്ട കാർ റോഡരികിലെ മരത്തിലിടിച്ച്​ രണ്ട്​ മലയാളികൾ മരിച്ചു. കൊല്ലം പള്ളിമുക്ക്​ സ്വദേശികളായ അബ്​ദുൽ റഹീം (49), അബ്​ദുൽ റഹ്​മാൻ (57) എന്നിവരാണ്​ മരിച്ചത്​.

അലി അക്​ബർ കരീം, അബ്​ദുൽ സലീം എന്നിവർക്ക്​ ഗുരുതരമായി പരിക്കേറ്റു. ഇവരെ ശ്രീവില്ലിപുത്തൂർ ഗവ. ആശുപത്രിയിൽ പ്രാഥമിക ചികിത്സ നൽകിയശേഷം മധുര ഗവ. ആശുപത്രിയിലേക്ക്​ മാറ്റി. നാഗൂർ ദർഗ സന്ദർശനം കഴിഞ്ഞ്​ നാട്ടിലേക്ക്​ മടങ്ങവെ തിങ്കളാഴ്​ച പുലർച്ച മൂന്നോടെ ശ്രീവില്ലിപുത്തൂർ പൊലീസ്​ പരിശീലന കേന്ദ്രത്തിന്​ സമീപത്താണ്​ കാർ നിയന്ത്രണംവിട്ട്​ മരത്തിലിടിച്ചത്​. രണ്ടുപേരും സംഭവസ്​ഥലത്ത്​ മരിച്ചു. അബ്​ദുൽ റഹീമാണ്​ കാർ ഒാടിച്ചിരുന്നത്​.