പശ​ു​ക്കടവിൽ മലവെള്ളപ്പാച്ചിൽ; പരിശീലനത്തിനിടെ രണ്ടു​ കയാക്കിങ്​ താരങ്ങൾ മരിച്ചു

കുറ്റ്യാടി: കടന്തറപ്പുഴയിൽ പരിശീലനത്തിനിടയിൽ രണ്ടു​ കയാക്കിങ്​ താരങ്ങൾ മലവെള്ളപ്പാച്ചിലിൽപെട്ട്​ മരിച്ചു. മൂന്നു​ പേർ ര​ക്ഷപ്പെട്ടു. മരു​േതാങ്കര പഞ്ചായത്തിലെ പശുക്കടവ്​​ സ​​െൻറർമുക്കിലാണ്​ അപകടം. ഞായറാഴ്​ച ഉച്ചക്ക ്​ 12 മണിക്ക്​ ​ കയാക്കിങ്​ പരിശീലനത്തിനായി ഫൈബർ വഞ്ചികളിൽ പോകുന്നതിനിടയിൽ ബംഗളൂരു സൂൽത്താൻപല്യയിലെ നന്ദനത്തിൽ നവീൻഷെട്ടി (40), ആലപ്പുഴ സ്വദേശി എൽവിൻ ലോനാൻ (42) എന്നിവരാണ്​ മലവെള്ളപ്പാച്ചിലിൽ പെട്ട്​ മരിച്ചത്​. മണി സന്തോഷ് (ബംഗളൂരു), അമിത്​പാപ്പ (ഉത്തരാഖണ്ഡ്​), ബാബു പ്രീത്​ (ഡൽഹി) എന്നിവർ​ രക്ഷപ്പെട്ടു​. ഇതിൽ എൽവിൽ ലോനാ​​​െൻറ മൃതദേഹം അരക്കിലോമീറ്റർ താഴെ ചെമ്പനോട കള്ള്​ഷാപ്പിനു സീമീപം കടവിൽ നിന്നും നവീൻ ഷെട്ടിയുടേത്​ ഒരു കിലോമീറ്റർ അകലെ അമ്യാംമണ്ണിൽനിന്നും കണ്ടെടുത്തു. കുറ്റ്യാടി ഗവ.താലൂക്ക്​ ആശുപത്രിയിലേക്ക്​ മാറ്റിയ മൃതദേഹങ്ങൾ പിന്നീട് ​പോസ്​റ്റ്​മോർട്ടത്തിനായി കോഴിക്കോട്​ മെഡിക്കൽ​ കോളജിലേക്ക്​ കൊണ്ടുപോയി.

ഞായറാഴ്​ച രാവിലെ ഒമ്പതിന്​ എക്കൽ വൈദ്യ​ുതി പവർസ്​റ്റേഷൻ റോഡിൽ തൂക്ക്​പാലത്തിന്​ സമീപമാണ്​ നാലു വഞ്ചികളിലായി ഇവർ പുഴയിൽ ഇറങ്ങുന്നത്​. അരക്കിലോമീറ്റർ സഞ്ചരിച്ച ഇവർ സ​​െൻറർമുക്കിന്​ സമീപം കടവിൽ എത്തിയപ്പോൾ വനത്തിലുണ്ടായ കനത്ത മഴകാരണം മലവെള്ളം കുത്തിയൊലിച്ച്​ എത്തുകയായിരുന്നു. ഒരു വഞ്ചി മറിഞ്ഞപ്പോൾ രക്ഷിക്കാനുള്ള ശ്രമത്തിൽ മറ്റെയാളുടെ വഞ്ചിയും ഒഴുക്കിൽ പെട്ടു എന്നാണ്​ നാട്ടുകാർ പറയുന്നത്​. അപകടം മനസ്സിലാക്കി മറ്റു​ രണ്ടു​ വഞ്ചികൾ കരക്ക്​ അടുപ്പിക്കാനായതിനാലാണ്​ മറ്റുള്ളവർ രക്ഷ​​​​പ്പെട്ടത്​. ​നാട്ടുകാരായ രക്ഷാപ്രവർത്തകരാണ്​ ഇരു മൃതദേഹങ്ങളും പുറത്തെടുക്കുന്നത്.

ബംഗളൂരു കേന്ദ്രമായി പ്രവർത്തിക്കുന്ന കയാക്കിങ്​ ക്ലബിലെ അംഗങ്ങളായ അഞ്ചംഗ സംഘം ശനിയാഴ്​ച ഇരിട്ടി മണക്കടവിൽ പരിശീലനം നടത്തിയിരുന്നു. അവിടുന്ന്​ കോടഞ്ചേരിയിലെത്തി മുറിയെടുത്ത്​ താമസിച്ചു. തുടർന്നാണ്​ ജീപ്പിൽ വഞ്ചികളും മറ്റ്​ ഉപകരണങ്ങളുമായി എക്കലിൽ എത്തുന്നത്​. തൊട്ടിൽപാലം പൊലീസ്​ കേസെടുത്തു. രക്ഷപ്പെട്ട മൂന്നു​ പേരിൽനിന്ന്​ മൊഴിയെടുത്തു. ആർ.ഡി.ഒ അബ്​ദുറഹ്​മാൻ, വടകര തഹസിൽദാർ രവീന്ദ്രൻ എന്നിവരുടെ മേൽനോട്ടത്തിൽ കുറ്റ്യാടി സി​.​െഎ സുനിൽ കുമാർ, തൊട്ടിൽപാലം എസ്​.​െഎ പി.കെ. ജിതേഷ്​കുമാർ എന്നിവർ ഇൻക്വസ്​റ്റ്​ നടത്തിയ ശേഷമാണ്​ മൃതദേഹം മെഡിക്കൽ കോളജിലേക്ക്​ മാറ്റിയത്​. കർണാടക ബാഡ്​മിൻറൻ അസോസിഷേൻ മെംബർ കൂടിയാണ്​ നവീൻ ​െഷട്ടി. ആലപ്പുഴ സ്വദേശി എൽവിൻ ലോനൻ ബംഗളൂരുവിൽ സ്​ഥിരം താമസമാണ്​.