സീസൺ ടിക്കറ്റുകാർക്കും റിസർവേഷനില്ലാത്തവർക്കും ആശ്വാസം; ആലപ്പുഴ-ധൻബാദ് എക്സ്​പ്രസിന് രണ്ട് ഡി-റിസർവ്​ഡ്​ കോച്ചുകൾ

തൃശൂർ: 13352 ആലപ്പുഴ - ധൻബാദ് പ്രതിദിന എക്സ്​പ്രസിൽ മാർച്ച് 24 മുതൽ ആലപ്പുഴക്കും കോയമ്പത്തൂരിനുമിടയിൽ രണ്ട് സ്ലീപ്പർ കോച്ചുകൾ ഡി-റിസർവ്​ഡ്​ കോച്ചുകളായി റെയിൽവേ പ്രഖ്യാപിച്ചു. എസ് 5, എസ് 6 എന്നീ സ്ലീപ്പർ കോച്ചുകളിൽ, റിസർവേഷനില്ലാത്ത സ്ലീപ്പർ ക്ലാസ് ടിക്കറ്റുള്ളവർക്കും സീസൺ ടിക്കറ്റുകാർക്കും ആലപ്പുഴക്കും കോയമ്പത്തൂരിനുമിടയിൽ യാത്ര ചെയ്യാവുന്നതാണെന്ന് റെയിൽവേ അറിയിച്ചു.