Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right14 ഗ്രാം...

14 ഗ്രാം എം.ഡി.എം.എയുമായി രണ്ട്​ യുവാക്കൾ പിടിയിൽ; വിതരണക്കാരെന്ന്​ എക്​സൈസ്​

text_fields
bookmark_border
14 ഗ്രാം എം.ഡി.എം.എയുമായി രണ്ട്​ യുവാക്കൾ പിടിയിൽ; വിതരണക്കാരെന്ന്​ എക്​സൈസ്​
cancel
camera_alt

​എക്​സൈസിന്‍റെ പിടിയിലായവർ

നെടുമ്പാശേരി: ആലുവ - നെടുമ്പാശേരി മേഖലയിൽ മയക്കുമരുന്ന്​ വിതരണം ചെയ്യുന്ന രണ്ട്​ പേരെ അറസ്റ്റ്​ ചെയതതായി എക്​സൈസ് അറിയിച്ചു. കൊച്ചി പള്ളുരുത്തി സ്വദേശികളായ ഷിനാസ് (22), സുധീഷ് (23) എന്നിവരെയാണ് സർക്കിൾ ഇൻസ്പെക്ടർ ജി.കൃഷ്ണകുമാറിന്‍റെ നേതൃത്വത്തിൽ പിടികൂടിയത്.

5 ലക്ഷം രൂപവരുന്ന 14 ഗ്രാം എം.ഡി.എം എ എന്ന മയക്കുമരുന്ന്​ ഇവരിൽ നിന്നും പിടിച്ചെടുത്തെന്ന്​ എക്​സൈസ്​ അറിയിച്ചു. കർണാടകയിൽ നിന്നും മലപ്പുറം നിലമ്പൂരിലെ ഒരാൾ ‌വൻതോതിൽ എം.ഡി.എം.എ ശേഖരിക്കുന്നുണ്ടെന്നും ഇവിടെ നിന്നുമാണ് ഇരുവരും എം.ഡി.എം.എ വാങ്ങി ആലുവ - നെടുമ്പാശേരി മേഖലയിൽ വിപണനത്തിനെത്തിക്കുന്നതെന്നും എക്​സൈസ്​ പറഞ്ഞു.

ഇതിനു മുമ്പ് മൂന്ന് മാസത്തിനിടെ രണ്ട് തവണ ഇവർ മയക്കുമരുന്ന് എത്തിച്ചിട്ടുണ്ടെന്ന് ചോദ്യം ചെയ്യലിൽ സമ്മതിച്ചതായി എക്​സൈസ്​ പറഞ്ഞു. മെട്രോ ട്രെയിനിൽ ഇവർ മയക്കുമരുന്നുമായി എത്തുമെന്ന് രഹസ്യ വിവരം ലഭിക്കുകയായിരുന്നു. ഇതിനുസരിച്ചാണ്​ എക്​സൈസ്​ വിഭാഗം പ്രതികളെ പിടികൂടിയത്​.

പ്രിവൻറീവ് ഓഫീസർമാരായ സി.ബി രഞ്‌ജു , കെ.എച്ച്. അനിൽകുമാർ, പി.കെ.ഗോപി, സിവിൽ ഓഫീസർമാരായ ബസന്ത് കുമാർ, അരുൺ കുമാർ, സജോ വർഗീസ്, അഖിൽ, പ്രദീപ് കുമാർ എന്നിവർ പരിശോധനകൾക്ക് നേതൃത്വം നൽകി.

Show Full Article
TAGS:mdma drug 
News Summary - two arrested with mdma
Next Story