എറണാകുളം ജില്ലയിലെ 14 സീറ്റിലും മത്സരിക്കാൻ ട്വന്‍റി20

കൊച്ചി: തദ്ദേശ തെരഞ്ഞെടുപ്പിലെ മിന്നും ജയത്തിന്​ പിന്നാലെ നിയമസഭ തെരഞ്ഞെടുപ്പിൽ എറണാകുളം ജില്ലയിലെ മുഴുവൻ സീറ്റിലും മത്സരിക്കനൊരുങ്ങി​ ട്വന്‍റി20.

മെമ്പർഷിപ്പ്​ കാമ്പയിനിലെ പ്രതികരണവും വിജയസാധ്യതയും പരിഗണിച്ചാവും ഇക്കാര്യത്തിൽ അന്തിമ തീരുമാനമെടുക്കുകയെന്ന്​ കോർഡിനേറ്റർ സാബു ജേക്കബ്​ സ്വകാര്യ ചാനലിനോട്​ വ്യക്തമാക്കി. രണ്ടാഴ്ചക്കുള്ളിൽ സ്​ഥാനാർഥി പ്രഖ്യാപനം ഉണ്ടാകുമെന്നും​ അദ്ദേഹം പറഞ്ഞു.

മുൻ ജഡ്​ജിമാർ, വിരമിച്ച സിവിൽ സർവിസ്​ ഉദ്യോഗസ്​ഥർ അടക്കം വിവിധ മേഖലകളിൽ കഴിവ് തെളിയിച്ചവരെയാണ്​ സ്​ഥാനാർഥികളാക്കുകയെന്ന്​ അദ്ദേഹം പറഞ്ഞു. പിന്തുണ തേടി എല്ലാ രാഷ്​ട്രീയ പാർട്ടികളും സമീപിച്ചിരുന്നുവെന്നും ഒരു മുന്നണിയുമായും ചേർന്ന്​ പ്രവർത്തിക്കില്ലെന്നും അദ്ദേഹം വ്യക്തമാക്കി.

തെരഞ്ഞെടുപ്പ്​ പ്രവർത്തനങ്ങൾ നിയന്ത്രിക്കുകയും നേതൃത്വം നൽകുകയും ചെയ്യേണ്ടതിനാൽ മത്സരരംഗത്തുണ്ടാവുകയില്ലെന്നും സാബു ജേക്കബ്​ പറഞ്ഞു.

ത​ദ്ദേ​ശ ഫ​ലം വ​ന്ന​പ്പോ​ൾ ഏ​വ​രെ​യും അ​മ്പ​ര​പ്പി​ച്ച​താ​ണ്​ എ​റ​ണാ​കു​ളം ജി​ല്ല​യി​ലെ ചി​ല പ​ഞ്ചാ​യ​ത്തു​ക​ളി​ൽ ട്വ​ൻ​റി 20 കൂ​ട്ടാ​യ്മ കൈ​വ​രി​ച്ച വ​ൻ വി​ജ​യം. ട്വന്‍റി20 കി​ഴ​ക്ക​മ്പ​ലം, ഐ​ക്ക​ര​നാ​ട്, കു​ന്ന​ത്തു​നാ​ട്​ പ​ഞ്ചാ​യ​ത്തു​ക​ൾ പി​ടി​ച്ചെ​ടു​ക്കു​ക​യും വെ​ങ്ങോ​ല​യി​ൽ പ്ര​ബ​ല സാ​ന്നി​ധ്യ​മാ​യി മാ​റു​ക​യും ചെ​യ്ത​ത് ദേ​ശീ​യ​ത​ല​ത്തി​ൽ ത​ന്നെ വാ​ർ​ത്ത​യാ​യി.