തുവ്വൂർ സുജിത വധക്കേസ്: തെളിവെടുപ്പിനിടെ സംഘർഷം, നാട്ടുകാർ പ്രതികളെ കൈയേറ്റം ചെയ്യാൻ ശ്രമിച്ചു

തു​വ്വൂ​ർ (മ​ല​പ്പു​റം): സു​ജി​ത വ​ധ​ക്കേ​സ് തെളിവെടുപ്പിനിടെ സംഘർഷം. നാട്ടുകാരും പൊലീസുമായാണ് ഏറ്റുമുട്ടിയത്. നാട്ടുകാർ പ്രതികളെ കൈയേറ്റം ചെയ്യാൻ ശ്രമിച്ചതാണ് സംഘർഷത്തിന് ഇടയാക്കിയത്. കൊലപാതകം നടന്ന തുവ്വൂരിലെ വീട്ടിലെത്തിച്ചായിരുന്നു തെളിവെടുപ്പ്.

കേസിൽ പ്രതികളായ യൂത്ത് കോൺഗ്രസ് പ്രാദേശിക നേതാവായ വിഷ്ണു, വിഷ്ണുവിന്‍റെ അച്ഛൻ കുഞ്ഞുണ്ണി, സഹോദരന്മാരായ വൈശാഖ്, ജിത്തു, സുഹൃത്ത് ഷിഫാൻ എന്നിവരുമായാണ് പൊലീസ് തെളിവെടുപ്പിനെത്തിയത്.

കുടുംബശ്രീ പ്രവർത്തകയും കൃഷിഭവൻ താൽകാലിക ജീവനക്കാരിയുമായ സുജിതയെ (35) ആഗസ്റ്റ് 11നാണ് കാണാതായത്. ഭ​ർ​ത്താ​വി​ന്‍റെ പ​രാ​തി​യി​ൽ ക​രു​വാ​ര​കു​ണ്ട്​ പൊ​ലീ​സ്​ ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ ​കൊ​ല​പാ​ത​ക​മാ​ണെ​ന്ന്​ തെ​ളി​ഞ്ഞ​ത്. അ​റ​സ്റ്റി​ലാ​യ മു​ഖ്യ​പ്ര​തി വി​ഷ്ണു​വി​ന്‍റെ വീ​ട്ടു​വ​ള​പ്പി​ലെ മാ​ലി​ന്യ​ക്കു​ഴി​യി​ൽ​ നി​ന്ന്​ തി​ങ്ക​ളാ​ഴ്ച​യാ​ണ്​ സു​ജി​ത​യു​ടെ മൃ​ത​ദേ​ഹം ക​ണ്ടെ​ത്തി​യ​ത്.

പഞ്ചായത്തിലെ താൽകാലിക ജീവനക്കാരനായിരുന്ന വിഷ്ണുവും സുജിതയും തമ്മിൽ സാമ്പത്തിക ഇടപാടുണ്ടായിരുന്നു. ഇതു തിരിച്ചു ചോദിച്ചതോടെ ഇവർ തമ്മിൽ തർക്കവുമുണ്ടാകുന്നത്. വീട്ടിൽ വച്ച് സുജിതയെ ശ്വാസം മുട്ടിച്ചുകൊന്നുവെന്ന് വിഷ്ണു മൊഴി നൽകിയിട്ടുണ്ട്. സുജിതയുടെ താലി മാല, വള, കമ്മൽ എന്നിവ വിവിധ ജ്വല്ലറികളിൽ നിന്ന് പൊലീസ് കണ്ടെത്തി.

പ്ര​തി​ക​ളാ​യ വി​ഷ്ണു​വി​ന്റെ​യും സ​ഹോ​ദ​ര​ങ്ങ​ളു​ടെ​യും വീ​ട്, മൃതദേഹം കു​ഴി​ച്ചി​ട്ട സ്ഥ​ലം, ആ​ഭ​ര​ണ​ങ്ങ​ൾ വി​ൽ​പ​ന ന​ട​ത്തി​യ ജ്വ​ല്ല​റി​ക​ൾ തു​ട​ങ്ങി​യ ഇ​ട​ങ്ങ​ളി​ലാണ് തെളിവെടുപ്പ് നടക്കുക.