മാന്‍കൊമ്പ് വില്‍ക്കാന്‍ശ്രമം; രണ്ടുപേര്‍ പിടിയില്‍

നെ​ടു​മ​ങ്ങാ​ട്: മാ​ന്‍കൊ​മ്പ് വി​ല്‍ക്കാ​നു​ള്ള ശ്ര​മ​ത്തി​നി​ടെ ര​ണ്ടു​പേ​ര്‍ പൊ​ലീ​സ്​ പി​ടി​യി​ലാ​യി. വേ​ട്ട​മ്പ​ള്ളി ത​ട​ത്ത​രി​ക​ത്തു​വീ​ട്ടി​ല്‍ എ​സ്. സു​ധീ​ഷ് (35), കു​ണ്ട​റ​ക്കു​ഴി ചേ​ല​യി​ല്‍ വ​ട​ക്കും​ക​ര​പു​ത്ത​ന്‍വീ​ട്ടി​ല്‍ എ​സ്. ശ​ര​ത്കു​മാ​ര്‍ (40) എ​ന്നി​വ​രാ​ണ് പി​ടി​യി​ലാ​യ​ത്. ഡാ​ന്‍സാ​ഫ് ടീം ​ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ള്‍ പി​ടി​യി​ലാ​യ​ത്. ഇ​വ​രി​ല്‍നി​ന്ന്​ ക​ഞ്ചാ​വും പി​ടി​കൂ​ടി.

മാ​ന്‍കൊ​മ്പ് വി​ല്‍ക്കാ​നു​ണ്ടെ​ന്ന് ശ​ര​ത്കു​മാ​ര്‍ ര​ഹ​സ്യ​മാ​യി പ​ല​രോ​ടും പ​റ​ഞ്ഞി​രു​ന്നു. തു​ട​ര്‍ന്ന് ഡാ​ന്‍സാ​ഫ് ടീം ​ക​ച്ച​വ​ട​ക്കാ​ര്‍ എ​ന്ന വ്യാ​ജേ​ന ഇ​യാ​ളെ സ​മീ​പി​ക്കു​ക​യാ​യി​രു​ന്നു. അ​മ്പ​തി​നാ​യി​രം രൂ​പ​ക്ക്​ വി​ല​യു​റ​പ്പി​ച്ചു. അ​യ്യാ​യി​രം രൂ​പ അ​ഡ്വാ​ന്‍സും വാ​ങ്ങി​യ ശേ​ഷം മാ​ന്‍കൊ​മ്പ് സൂ​ക്ഷി​ച്ചി​രു​ന്ന സു​ധീ​ഷി​ന്റെ വീ​ട്ടി​ലേ​ക്ക് സം​ഘ​ത്തെ കൊ​ണ്ടു​പോ​യി. മാ​ന്‍കൊ​മ്പ് എ​ടു​ത്തു​കാ​ണി​ക്കു​ന്ന​തി​നി​ടെ ഡാ​ന്‍സാ​ഫ് ടീ​മും നെ​ടു​മ​ങ്ങാ​ട് പൊ​ലീ​സും ചേ​ര്‍ന്ന് ര​ണ്ടു​പേ​രെ​യും അ​റ​സ്റ്റ് ചെ​യ്യു​ക​യാ​യി​രു​ന്നു.

വീ​ട്ടി​ല്‍ ന​ട​ത്തി​യ പ​രി​ശോ​ധ​ന​യി​ലാ​ണ്​ ക​ഞ്ചാ​വ്​ ക​ണ്ടെ​ടു​ത്ത​ത്. മാ​ന്‍കൊ​മ്പും പ്ര​തി​ക​ളെ​യും പാ​ലോ​ട് ഫോ​റ​സ്റ്റ് റേ​ഞ്ച് ഓ​ഫി​സി​ന്​ കൈ​മാ​റി. ഡാ​ന്‍സാ​ഫ് ടീം ​എ​സ്.​ഐ ഷി​ബു, സു​നി​ലാ​ല്‍, എ​സ്.​സി.​പി.​ഒ ഉ​മേ​ഷ് ബാ​ബു, വി​ജേ​ഷ്, അ​നൂ​പ്, ശ്രീ​നാ​ഥ്, നെ​ടു​മ​ങ്ങാ​ട് എ​സ്.​ഐ ധ​ന്യ, ബി​ജു എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്.