ബംഗളൂരുവിലേക്കു തിരുവനന്തപുരത്തു നിന്ന് രണ്ട് വിമാന സർവിസുകൾ കൂടി

തിരുവനന്തപുരം: ബംഗളൂരുവിലേക്കു തിരുവനന്തപുരത്തുനിന്ന് വിസ്താര തിങ്കളാഴ്ച മുതൽ ദിവസേന രണ്ട്​ സർവിസുകൾ ആരംഭിക്കുന്നു. ഈ റൂട്ടിൽ നിലവിൽ ഇൻഡിഗോ, എയർ ഇന്ത്യ എക്സ്പ്രസ് എയർലൈൻസ് എന്നിവ ദിവസേന എട്ട്​ സർവിസുകൾ നടത്തുന്നുണ്ട്. വിസ്താര വരുന്നതോടെ ആകെ സർവിസുകൾ 10 ആകും.

ആദ്യ വിമാനം (യു.കെ 524) രാവിലെ 05.55 തിരുവനന്തപുരത്ത് നിന്ന് പുറപ്പെട്ട് 07.15ന് ബംഗളൂരുവിൽ എത്തും. തിരികെ രാത്രി 10.40 ന് പുറപ്പെട്ട് 11.40ന് തിരുവനന്തപുരത്ത് എത്തും.

രണ്ടാം വിമാനം (യു.കെ 525) രാവിലെ 08.15ന്​ ബംഗളൂരുവിൽനിന്ന് പുറപ്പെട്ട് 09.30ന് തിരുവനന്തപുരത്ത് എത്തും. തിരികെ രാവിലെ 10.10ന് പുറപ്പെട്ട് 11.20ന് ബംഗളൂരുവിൽ എത്തും.