Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസ്വർണക്കടത്ത്​...

സ്വർണക്കടത്ത്​ പ്രതിയുടെ വർക്ക്​ ഷോപ്പിലേക്ക്​ യൂത്ത്​ കോൺഗ്രസ്​ മാർച്ച്​; പൊലീസ്​ തടഞ്ഞു

text_fields
bookmark_border
സ്വർണക്കടത്ത്​ പ്രതിയുടെ വർക്ക്​ ഷോപ്പിലേക്ക്​ യൂത്ത്​ കോൺഗ്രസ്​ മാർച്ച്​; പൊലീസ്​ തടഞ്ഞു
cancel

തിരുവനന്തപുരം: സ്വര്‍ണക്കടത്ത് സംഘത്തിലെ പ്രധാന കണ്ണി സന്ദീപ്​ നായരുടെ വർക്​ഷോപ്പിലേക്ക്​ യൂത്ത്​ കോൺഗ്രസ്​ മാർച്ച്. ​തിരുവനന്തപുരം നെടുമങ്ങാട്​ പത്താംകല്ലിലെ കാര്‍ബണ്‍ ഡോക്ടര്‍ എന്ന വര്‍ക് ഷോപ്പിലേക്കാണ്​ മാർച്ച്​ നടത്തിയത്​. മുഖ്യമന്ത്രിയുടെ രാജി ആവശ്യപ്പെട്ട്​ സംസ്​ഥാന പാത ഉപരോധിച്ച പ്രതിഷേധക്കാരെ മുഴുവൻ പൊലീസ്​ അറസ്​റ്റ്​ ചെയ്​തു നീക്കി.

സ്വർണക്കടത്ത്​ പ്രതികളായ വര്‍ക്ക് ഷോപ്പ് ഉടമ സന്ദീപ് നായർ, സ്വപ്​ന സുരേഷ്​ എന്നിവരോടൊപ്പം സ്​പീക്കർ ശ്രീരാമകൃഷ്​ണനും ഈ വർക്​ഷോപ്​ ഉദ്​ഘാടനച്ചടങ്ങി​ൽ പ​ങ്കെടുത്തിരുന്നു.​ 

അതിനിടെ, സന്ദീപ് നായരുടെ പാർട്ടി ഏതെന്ന കാര്യത്തിൽ പാർട്ടികൾ തമ്മിൽ വാഗ്വാദം തുടരുകയാണ്​. ഇയാൾ സി.പി.എമ്മുകാരനാണെന്ന്​ ബി.ജെ.പിയും ബി.ജെ.പിക്കാരനാണെന്ന്​ സി.പിഎമ്മും ആരോപിക്കുന്നു. മകൻ സി.പി.എം ബ്രാഞ്ച് അംഗമാണെന്നാണ്​​ സന്ദീപ് നായരുടെ അമ്മ മാധ്യമങ്ങ​േളാട്​ പറഞ്ഞത്​. എന്നാൽ, ഇത്​ സി.പി.എം ജില്ലാ സെക്രട്ടറി ആനാവൂർ നാഗപ്പൻ നിഷേധിച്ചു. കുമ്മനം രാജശേഖര​ൻ അടക്കമുള്ള ബി.ജെ.പി നേതാക്കൾക്കൊപ്പം സന്ദീപ്​ നിൽക്കുന്ന ഫോ​ട്ടോകൾ സമൂഹമാധ്യമങ്ങളിൽ പ്രചരിക്കുന്നുണ്ട്​.

Show Full Article
TAGS:
News Summary - TRIVANDRUM GOLD SMUGGLING youth con march
Next Story