Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസന്ദീപ്​ ബി.ജെ.പി...

സന്ദീപ്​ ബി.ജെ.പി അംഗമെന്ന്​ അമ്മ; ആദ്യം പറഞ്ഞത്​ തിരുത്തി 

text_fields
bookmark_border
സന്ദീപ്​ ബി.ജെ.പി അംഗമെന്ന്​ അമ്മ; ആദ്യം പറഞ്ഞത്​ തിരുത്തി 
cancel

തിരുവനന്തപുരം: സ്വർണക്കടത്ത്​ ​േകസിൽ പ്രതിയായ സന്ദീപ് നായരുടെ പാർട്ടി ഏതെന്ന കാര്യത്തിൽ മലക്കം മറിഞ്ഞ്​ അമ്മ. മകൻ സജീവ ബി​.ജെ.പി പ്രവർത്തകനാണെന്നും എപ്പോഴും വോട്ടുചെയ്യുന്നതും വോട്ടുപിടിക്കുന്നതും ബി.ജെ.പിക്കാണെന്നും അവർ സി.പി.എം പാർട്ടി ചാനലായ കൈരളിക്ക്​​ നൽകിയ അഭിമുഖത്തിൽ പറഞ്ഞു. നേരത്തെ ഏഷ്യാനെറ്റിന്​ നൽകിയ അഭിമുഖത്തിൽ സി.പി.എം ബ്രാഞ്ചംഗമാണെന്ന്​ അമ്മ പറഞ്ഞിരുന്നു. ഇതേക്കുറിച്ച്​ ചോദിച്ചപ്പോൾ, അവർക്ക്​ കേട്ട​ത്​ ശരിയാകാത്തതാണെന്നും ഇല്ലാത്തത്​ പ്രചരിപ്പിച്ചാൽ ചാനലുകൾക്കെതിരെ കേസ്​ കൊടുക്കുമെന്നും അവർ പറഞ്ഞു.​ 

ഫേസ്​ബുക്ക് പോസ്റ്റുകളില്‍ കടുത്ത ബി.ജെ.പിക്കാരനായാണ്​ സന്ദീപ്​ നായർ പ്രത്യക്ഷപ്പെടുന്നത്​.  2015ന്​ ശേഷം നിരവധി ബി.ജെ.പി അനുകൂല പോസ്​റ്റുകളാണ്​ പ്രൊഫൈലിലുള്ളത്​. 2016ല്‍ ഒരാള്‍ക്ക് നൽകിയ കമൻറിൽ താന്‍ എന്നും ബി.ജെ.പിയാണെന്ന് മറുപടിയും നല്‍കിയിട്ടുണ്ട്. സുഹൃത്തുക്കളോടൊത്ത് കുമ്മനം രാജശേഖരനൊപ്പമുണ്ടെന്ന് മറ്റൊരു കമൻറുമുണ്ട്. അതേസമയം, ത​​െൻറ വർക്​ഷോപ്പായ ‘കാര്‍ബണ്‍ ഡോക്ടര്‍’ എന്ന സ്ഥാപനം സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യുന്നതാണ് സന്ദീപി​​െൻറ കവര്‍ ഫോട്ടോ. 

ബി.ജെ.പി വാർഡ്​ മെമ്പറുടെ സഹായിയായിരുന്നു സന്ദീപ്​ എന്ന്​ അമ്മ പറഞ്ഞു. തന്നെ സി.പി.എമ്മി​​െൻറ പരിപാടിക്ക്​ പോകാൻ പോലും അവൻ അനുവദിക്കാറില്ലെന്നും അവർ പറഞ്ഞു.

നെടുമങ്ങാട്ടുള്ള സന്ദീപി​​െൻറ കാര്‍ബണ്‍ ഡോക്ടര്‍ എന്ന സ്ഥാപനത്തി​​െൻറ ഉദ്ഘാടനത്തിന് സ്വപ്‌നയാണ് സ്പീക്കറെ നേരിട്ടെത്തി ക്ഷണിച്ചത്. 2019 ഡിസംബര്‍ 31നായിരുന്നു ഉദ്ഘാടനം. സ്പീക്കര്‍ ഉദ്ഘാടനത്തില്‍ പങ്കെടുക്കുന്നതി​​െൻറ ദൃശ്യങ്ങള്‍ പുറത്തുവന്നിരുന്നു. കോണ്‍സുലേറ്റി​​െൻറ പ്രതിനിധിയെന്ന നിലയിലാണ് സ്വപ്​നയെ പരിചയമെന്നും വളരെ നിര്‍ബന്ധിച്ചപ്പോഴാണ് ചടങ്ങില്‍ പങ്കെടുത്തതെന്നും പി. ശ്രീരാമകൃഷ്ണന്‍ വിശദീകരിച്ചിരുന്നു.

സന്ദീപി​​െൻറ പാർട്ടിയെക്കുറിച്ച്​ പാർട്ടികൾ തമ്മിൽ പഴിചാരൽ തുടരുകയാണ്​. ഇയാൾ സി.പി.എമ്മുകാരനാണെന്ന്​ ബി.ജെ.പിയും ബി.ജെ.പിക്കാരനാണെന്ന്​ സി.പിഎമ്മും ആരോപിക്കുന്നു. കുമ്മനം രാജശേഖര​ൻ അടക്കമുള്ള ബി.ജെ.പി നേതാക്കൾക്കൊപ്പം സന്ദീപ്​ നിൽക്കുന്ന ഫോ​ട്ടോകൾ സമൂഹമാധ്യമങ്ങളിൽ പ്രചരിക്കുന്നുണ്ട്​.
 

Show Full Article
TAGS:bjp 
News Summary - TRIVANDRUM GOLD SMUGGLING  sandeep nair party
Next Story