കേന്ദ്ര സർക്കാറിന്‍റെ നിയമം മുത്തലാഖ് നിരോധിക്കാനുള്ളതല്ല -എം.എം. ഹസൻ

തിരുവനന്തപുരം: മുത്തലാഖ് നിരോധന നിയമത്തിലൂടെ ഏകസിവിൽ കോഡ് നടപ്പാക്കാനാണ് ബി.ജെ.പി സർക്കാർ ലക്ഷ്യമിടുന്നതെന്ന് കെ.പി.സി.സി അധ്യക്ഷൻ എം.എം. ഹസൻ. ഈ അഭിപ്രായം തന്നെയാണ് കോൺഗ്രസ് പാർട്ടിക്കുമുള്ളത്. ശരീഅത്തിൽ ഊന്നിയുള്ള നിയമനിർമാണമാണ് വിഷയത്തിൽ വേണ്ടതെന്നും ഹസൻ ആവശ്യപ്പെട്ടു. 

കേന്ദ്ര സർക്കാർ കൊണ്ടുവന്ന നിയമം മുത്തലാഖ് നിരോധിക്കാനുള്ളതല്ല. ഏകസിവിൽ കോഡ് നടപ്പാക്കാനുള്ള സംഘപരിവാർ-ബി.ജെ.പി അജണ്ടയാണിത്. മതപണ്ഡിതന്മാർ, മുസ് ലിം സംഘടനകൾ, സ്ത്രീ സംഘടനകൾ എന്നിവയുമായി ചർച്ച ചെയ്ത് ഒരു നിയമം കേന്ദ്രസർക്കാറിന് കൊണ്ടുവന്നു കൂടെയെന്നും ഹസൻ ചോദിച്ചു.