Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightട്രി​പ്ൾ ലോ​ക്ഡൗ​ൺ:...

ട്രി​പ്ൾ ലോ​ക്ഡൗ​ൺ: ഭക്ഷ്യസാധനങ്ങൾ ലഭിക്കാതെ കുതിരക്കൂർ കരി ദ്വീപ് നി​വാ​സി​ക​ൾ

text_fields
bookmark_border
ട്രി​പ്ൾ ലോ​ക്ഡൗ​ൺ: ഭക്ഷ്യസാധനങ്ങൾ ലഭിക്കാതെ കുതിരക്കൂർ കരി ദ്വീപ് നി​വാ​സി​ക​ൾ
cancel

പ​ള്ളു​രു​ത്തി: ചെ​ല്ലാ​നം പ​ഞ്ചാ​യ​ത്ത് പൂ​ർ​ണ​മാ​യും ക​ണ്ടെ​യ്ൻ​മ​െൻറ്​ സോ​ണാ​ക്കു​ക​യും ട്രി​പ്ൾ ലോ​ക്ഡൗ​ൺ പ്ര​ഖ്യാ​പി​ക്കു​ക​യും ചെ​യ്ത​തോ​ടെ ഭ​ക്ഷ​ണ സാ​ധ​ന​ങ്ങ​ൾ പോ​ലും കി​ട്ടാ​തെ കു​തി​ര​ക്കൂ​ർ ക​രി ദ്വീ​പ് നി​വാ​സി​ക​ൾ ദു​രി​ത​ത്തി​ൽ. ചെ​ല്ലാ​നം പ​ഞ്ചാ​യ​ത്തി​ലെ ഒ​ന്നാം വാ​ർ​ഡി​ലാ​ണ് ഈ ​ദ്വീ​പ്. 55 കു​ടും​ബ​ങ്ങ​ളി​ലാ​യി ഏ​താ​ണ്ട്​ മു​ന്നൂ​റോ​ളം പേ​ർ ദ്വീ​പി​ലു​ണ്ട്. ദ്വീ​പി​ൽ ആ​രും രോ​ഗ​ബാ​ധി​ത​രോ ക്വാ​റ​ൻ​റീ​നി​ൽ ക​ഴി​യു​ന്ന​വ​രോ ഇ​ല്ലെ​ങ്കി​ലും പ​ഞ്ചാ​യ​ത്ത് മു​ഴു​ക്കെ ക​ണ്ടെ​യ്ൻ​മ​െൻറ്​ സോ​ണാ​ക്കി​യ​തോ​ടെ ദ്വീ​പും അ​തി​ൽ ഉ​ൾ​പ്പെ​ട്ടു. ദ്വീ​പി​ൽ പ​ല​ച​ര​ക്ക് ക​ട മാ​ത്ര​മേ​യു​ള്ളു. ദി​വ​സ​വും ദ്വീ​പി​നു​പു​റ​ത്തു​നി​ന്നും സാ​ധ​ന​ങ്ങ​ൾ വാ​ങ്ങി​ക്കൊ​ണ്ടു​വ​ന്നാ​ണ് ഉ​ട​മ ക​ട ന​ട​ത്തു​ന്ന​ത്. ഒ​രാ​ഴ്ച​യാ​യി ലോ​ക്ഡൗ​ൺ ആ​യ​തോ​ടെ ക​ട​യി​ലെ സാ​ധ​ന​ങ്ങ​ൾ തീ​ർ​ന്നു. സാ​ധാ​ര​ണ​ക്കാ​ർ താ​മ​സി​ക്കു​ന്ന ദ്വീ​പാ​യ​തി​നാ​ൽ ആ​രും അ​വ​ശ്യ സാ​ധ​ന​ങ്ങ​ൾ സ്​​റ്റോ​ക്കും ചെ​യ്തി​ട്ടി​ല്ല.

പ​ല​ച​ര​ക്ക് ക​ട​യു​ട​മ അ​വ​ശ്യ സാ​ധ​ന​ങ്ങ​ൾ വാ​ങ്ങാ​ൻ ലി​സ്​​റ്റു​മാ​യി ദ്വീ​പി​ന്​ പു​റ​ത്ത് ഇ​റ​ങ്ങി​യ​തോ​ടെ പൊ​ലീ​സ് പി​ടി​കൂ​ടി പി​ഴ അ​ട​പ്പി​ച്ചു. ക​ട​യി​ലേ​ക്ക് സാ​ധ​ന​ങ്ങ​ൾ വാ​ങ്ങു​വാ​നു​ള്ള ലി​സ്​​റ്റും ദ്വീ​പി​ലെ ഏ​ക ക​ട​യാ​ണെ​ന്ന വി​വ​ര​വും പൊ​ലീ​സി​നോ​ട് പ​റ​ഞ്ഞെ​ങ്കി​ലും ഒ​രു വി​ട്ടു​വീ​ഴ്ച​യും ചെ​യ്തി​ല്ല. മാ​നാ​ശ്ശേ​രി ഭാ​ഗ​ത്തു​നി​ന്നു​ള്ള പൊ​ലീ​സ് സം​ഘം 500 രൂ​പ പി​ഴ ഈ​ടാ​ക്കി ക​ട​യു​ട​മ​യെ മ​ട​ക്കി വി​ട്ടു. ഇ​നി​യു​ള്ള ദി​വ​സ​ങ്ങ​ളി​ൽ എ​ന്തു ചെ​യ്യു​മെ​ന്ന​റി​യാ​തെ പ​ക​ച്ചു നി​ൽ​ക്കു​ക​യാ​ണ് ദ്വീ​പ് നി​വാ​സി​ക​ൾ. കു​ട്ടി​ക​ളു​ടെ കാ​ര്യ​മോ​ർ​ത്താ​ണ് ഇ​വ​ർ​ക്ക് വി​ഷ​മം.

ദ്വീ​പി​​െൻറ ഒ​രു ക​ര​യി​ൽ ക​ണ്ടെ​യ്ൻ​മ​െൻറ്​ സോ​ണ​ല്ലാ​ത്ത കൊ​ച്ചി ന​ഗ​ര​സ​ഭ​യു​ടെ ന​മ്പ്യാ​പു​രം ഡി​വി​ഷ​നാ​ണ്. ലോ​ക് ഡൗ​ൺ മാ​ന​ദ​ണ്ഡ​ങ്ങ​ൾ പാ​ലി​ച്ചാ​ണ് ഇ​തു​വ​രെ വ​ഞ്ചി തു​ഴ​ഞ്ഞ് ഈ ​ക​ര​യി​ലേ​ക്ക് നാ​ട്ടു​കാ​ർ പോ​കാ​തി​രു​ന്ന​ത്. കു​ട്ടി​ക​ൾ പ​ട്ടി​ണി​യാ​യാ​ൽ വ​ഞ്ചി ഇ​റ​ക്കേ​ണ്ടി വ​രു​മെ​ന്നാ​ണ് ദ്വീ​പു​കാ​ർ പ​റ​യു​ന്ന​ത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsmalayalam newscovid 19
News Summary - Triple lockdown-Kerala news
Next Story