ഒരു വയസ്സുള്ള കുഞ്ഞിനെ കിണറ്റിലെറിഞ്ഞുകൊല്ലാൻ ശ്രമിച്ച പിതാവ് അറസ്​റ്റിൽ

ചടയമംഗലം: ഒരു വയസ്സ് പ്രായമുള്ള കുഞ്ഞിനെ കിണറ്റിലെറിഞ്ഞുകൊല്ലാൻ ശ്രമിച്ച കേസിൽ പിതാവ് അറസ്​റ്റിൽ.

നിലമേൽ എലികുന്നാംമുകൾ താഹ മൻസിലിൽ മുഹമ്മദ് ഇസ്മയിലാണ്​ (40) അറസ്​റ്റിലായത്. കഴിഞ്ഞ രാത്രിയാണ് ഇയാൾ മകൻ അബ്​ദുൽ റഹീമിനെ കിണറ്റിലെറിയാൻ ശ്രമിച്ചത്.

ബഹളം കേട്ട് ഓടിക്കൂടിയ നാട്ടുകാർ ഇസ്മയിലിനെ തടഞ്ഞു​െവച്ച് ചടയമംഗലം പൊലീസിൽ ഏൽപ്പിക്കുകയായിരുന്നു. ഇതിനിടെ ഇയാൾ വീടും ആക്രമിച്ചിരുന്നു. പ്രതിയെ കോടതിയിൽ ഹാജരാക്കി റിമാൻഡ്​​ ചെയ്തു.